*********
صبا
ماكنت متوقعه الي صار ولا الي راح يصير
إيهاب ومنير خطبوا بنفس اليوم ومبينه عليهم الفرحه
اني ماحظرت الخطوبة بس محمد راح
وخالتي ام سعاد هم راحت باركتلهم
بنت عمتي بدرية حامل واول ما جبار عرف بحملها تعارك وياها وضربها لأن مايريد أطفال ويشك بيها العلاقة بيناتهم صفر ولا ذرة حب ولا تفاهم من الطرفين
واحد يكره الثاني
بدرية تندمت بكد شعر راسها
بدأت تقارن نفسها بيا وتكولي شلون عندج حظ راح تتزوجين واحد حلو وغني
اني اخاف من الحسد والعين رغم ما اامن بهاي الأمور بس أخاف
بدرية-: حظج كاعد يصبية مو مثل حظي
هسة ياريت حلوة والولد مجلب بيج شو جنج سعلوة شضعفج وشكدوتج
بس هو الحظ يكعد للجكمه
صبا -: إنتي مقتنعه بالكلام الي تحجيه
إنتي هم جنتي محظوظه بزواجج الأول بس انتي دكيتي على حبيبج الخايس جبار لو باقي وي رجلج جان هسة حالج أحسن من حالي بدال ماجاي ماتسمعيني حجي يسم البدن روحي روحي راجعي نفسج وتصرفاتج
شوفي وين وصلتي بسبب تهورج وبسبب خيانتج والحرام الي يمشي بدمج
جان استحيتي بعدج بهالصلافة
بدرية-: احترمي نفسج واسكتي
صبا-: مااسكت خليني احجي ماضل شي ماسويتيه إنتي وجبار
جبار البواك مال المنطقه عبالج مااعرف يعني الي مثله لا شغل ولا عمل منين يجيب هاي الفلوس ويشتري خمر
ومخلصها ليل ونهار نوم
بدرية-: اي يبوك لعد منين يجيب فلوس واني حامل وبعد كم يوم يصير عدنا جهال منين نصرف وماكو شغل عبالج نفس خطيبج يلعب بالفلوس لعب وسوى براسج خير أحلى وارقى لبس كمتي تلبسين وين جنتي بجامه حسرة عليج اذكرج لو نسيتي
صبا -: لا مانسيت بس حمدت الله وشكرته على كل حال مو مثلج بواكه السوك أبوك ملابس داخلية وذهب من النسوان ماكو مبرر يخليج تصيرين مثل زوجج إذا هو يبوك علمود يعيشج ويصرف عليج إنتي شكو هم تبوكين هاي الا إذا جبار العينتين مغلس على المصرف وماينطيج وانجبرتي تبوكين
بدرية-: وإنتي منين عرفتي لو تصنتين علينا
صبا -: يعني كلامي صحيح هه كنت متوقعه وتوقعي طلع بمحله يمكن هذا عقاب الج لسوء اختيارج
وجهها صار أحمر من العصبية
عفتها ورحت خالتي ام سعاد لامتني لأن حجيت وياها هيج
امي هم ماقبلت علية
انوب اجتني بيبي بالعوجية كام تضرب بيا عفتها ودخلت لغرفتي كامت تدعي علية اني ومحمد كالت عساكم بالموت إنتي وخطيبج
كلش انقهرت خلي تدعي علية اني بس محمد شنو علاقته
خابرته تطمنت عليه كالي محضرلج مفاجأة
صبا -: شنو حبيبي!؟
محمد-: مفاجأة يعني ما تنكَال
صبا -: أوك
محمد-: ابوج ما الله هداه يخلينا نطلع وحدنا لو الا مراد ويانا
صبا -: مو زين يخلينا نطلع
محمد-: مابقى شي وتصيرين ام بيتي وبعد محد يكدر يمنعني
اصير اني الآمر الناهي ههه
صبا -: ان شاء الله
محمد-: مااخليج تروحين لاهلج وإذا اجونا اكعد يمج واضايقهم مثل مايضايقون من اجيج ومانتهنى بكعدتنا
صبا -: ههه اطمنك محد يجيني زين منهم يحضرون العرس
محمد-: أهم شي عندي اخذج منهم وبس
صبا-: انت احلى شي صار بحياتي
محمد -: إنتي حياتي كلها
ردت اكولج بخصوص الاامتحانات
صبا-: اوف لاتذكرني مابقى شي للبكلوريا
محمد-: لا تخافين سهلة حبيبتي
صبا -: صعبه ماجاي افتهم شي
محمد-؛ لعد إذا هيج من باجر اسجلج بمعهد دروس خصوصية كل المواد حتى تسيطرين
صبا-: لا مااريد اضغط عليك من دون أي شي انت جاي تجهز للعرس وهواي مصاريف وانوب تدفع للمعهد مااقبل هيج
محمد-: معليج بالمصاريف لعد اني اشتغل ليل ونهار المن !؟
غير على مودج وعلى مود مستقبلنا سوى
