#البارت ٢٦
*********
...وجعي يمتدّ كَـ سربِ حمامٍ من بغدادَ إلى الصِينِ
#نزار_قباني...
...تعلمت المشي وحيده في الانهيارات
وحين غدرت بي في عقر حبي , صبرت !..
ولحظة أطفأت الانوار ,
وختمتني بالليل : أبصرت .. وكتبت ..
أنا من فصيله جديده من النساء ,
فهل تحب ان نتعارف ونبدأ من جديد ؟
#غادة_السمان...
...لا تتذكري منه الا ما كان جميلا ً و استثنائيا ٌ بينكما ..
توقفي عند روعة البدايات .. ودعي له بشاعة النهايات ..
عندها .. ستصبحين أجمل .. وسيمكنك حينها ان تحبي من جديد ..
بـسـعـــادة أكــبــر
#احلام...
#البارت ٢٦
#وردة كريم السراي
#ابقى معي للأبد (#أستاذي العاشق )
درر
بقيت ١٨ يوم ببيت ليث الناس شالوني شيل احترام واهتمام واسوني بمصيبتي وماحسسوني ولو مجرد إحساس اني عالة عليهم ام ليث واخواته ورود ماشاء الله وليث حتى ماشفته راح من ذاك اليوم ومارجع بس يخابر أمه ومااعرف شكد راح أبقى يمهم وإلى متى
ام ليث-: شبيج صافنه حبيبتي
درر-: خالة مستحية منكم اني بيت عمي ماحسنوا معاملتي هيج وأنتم احير شكول
ام ليث-: شصار تكاطعت الناس الدنيا بعدها بخير لا تشغلين بالج وابن عمج هذا يومه انتي صليله واقري له قرآن
بس أتذكر زيد ابجي مااتحمل لحد الان مامستوعبه شلون مات بهيج طريقه بعده مشهد قتله وجثته والدم كله ببالي شلون انسى شينسيني
ام ليث-: والله كلبي يتفطر من اشوفج تبجين
كامت ام ليث تنعى وتبجي لأن هم عدها اعزاز ميتين
بناتها يباوعن عليا مقهورات
كل شي توقعت بس مايوم توقعت يموت زيد كله مني لو ميته اني جان كل شي انحل ومحد سوى مشاكل
ام ليث دايما تطمني وتكولي سلمي امرج لرب العالمين وماتخيبين واني حايرة ماكو مثل حيرتي زيدان اخابره بلكي يحن عليا بس ماكو حاظرني مااعرف عنهم شي عمي شلونه أريد أعرف أخبارهم شلون انطاه كلبه يعوفني واني يتيمه امانه عدهم وين رحت عني يابوية
عندي بس الذهب والموبايل ذني محتفظه بيهن أعز من روحي بس اجه وكتهن لازم ابيعهن واخلي على أيدي كم فلس وضعي مامستقر ام ليث من راحت للسوك انطيته تراجي باعتهن الي وضميت فلوسهن
ليث من بعد هالغيبة اجه وكالي رحت لحبيبج وقنعته يتزوجج سكتت حقه الولد منو يتحمل مسؤؤلية بنت بهالوقت وخصوصا إذا مثلي وبمثل مصايبي مستسلمه لكل شي اي شي يصير ماكمت انصدم تعودت وتقويت
باليل ليث كال لامه اتعشى واروح عندي شغل تعشينا وفجأة الباب انركع
رشيد
ام ليث كبل اخذتني الباب الخلفي انطتني عباية و٢٥ الف ونزعت جلاب( يشبه الدنبوس النسوان الكبيرات بالعمر قبل يستخدموه) من شيلتها ذهب
ام ليث-: البسي عبايتج وانهزمي هاج اخذي هاي فلوس انهزمي وين ماعند الله كاع
أسمع صوت الرمي ودوريات شرطه اجت كمت ابجي كعادتي
درر-: خالة وين ارووح
ام ليث انقهرت كلش كامت تبجي
بالشارع دنيا ليل وضلمه وين أروح منو يستقبلني ياربي خلصتها مشي وكفت براس الشارع وكفتلي سيارة
- يلا طلعي شكد تاخذين ٢٥ عندي تطلعين بس اني ماوياي أحد
عباله أطلع دروب ياساتر ياربي مشيت وهو راح بقيت واكفه لحد مااجت كية بيها زلم كبار ونسوان ارتاحيت صعدت وياهم بس وين ما ادري بس أريد أبتعد من المنطقه لأن الشرطه بكل مكان مرة بصفي سألتني
- اكولج يمه ماتعرفين شصاير شو الشرطه انكلبت كلاب يكولون إرهابي منهزم من السجن
درر-: ما ادري
كل واحد كام يحجي شكل
الركاب كلهم نزلو بقيت بس اني السايق رجال جبير وياه مرته كاعده بالصدر ضلوا يتشاورون بيناتهم ويباوعون عليا
السايق-" عمو وين توصلين انتي
بقيت ساكته
دك موبايلي ليث
ليث -: وين إنتي
درر-: ماادري
ليث': انطي الجهاز للسايق
انطيته حجى وياه
درر-: رشيد لزموه الشرطه
ليث-: أي بس
درر-: أسفه ادري وجودي ببيتكم سببلكم مشكلة
ليث-: إنتي لازم تشوفين حل
درر-: شسوي
ليث-: ماكو غير تروحين لبيت خطيبج
درر-: رفعت؟
ليث -: أي
درر-: الولد متزوج ترا منو خطيبي ولا شي راد يتزوجني وماكو نصيب
ليث-: مامتزوج كذب كلت للسايق يوصلج لبيتهم واني هم راح اجي اتفاهم وياهم
درر-: صدك تحجي
ليث-: مااكدر اعوفج هيج لازم اامنلج مكان مناسب ضياء رجع بكيفج تتزوجينه
درر-: طبعا لاااا
ليث-: خوش حجي لازم تصيرين بركبه زلمه حتى محد يكدر يجي صوبج بعد لاضياء ولاغيره
درر-" اوفف شلون رفعت مايقبل
وصلني السايق لبيتهم بقيت واكفه منتظرة ليث
صفنه تاخذني وصفنه تجيبني أريد استوعب شي من الجاي يصير
اجه ليث دك الباب فتحله الباب ابو رفعت من شافني انصدم استقبلنا ليث حجى وياه والرجال أقتنع وماكال شي بس رفعت موهنا بالحراسة
ام رفعت شافتني ارجف دخلتني جوا
ام رفعت-: البقية بحياتج
درر-: حياتج الباقية
قربت الصوبه عليا عبالها بردانه ماتدري صارت بيا حالة هاي الرجفه
