#البارت 46
#زهراء_محمد_السراي
#توأمي-الملعون
*********
صبا
منير -: امشوا اخذكم لمدينه الألعاب تغيرون جو
عهد وسمر كلش فرحن لبستهم ورحنا
ما ضلت لعبه مالعبوها
كلش تونسوا
منير كال راح يجيبلنا موطه وحلويات بس ما صارت
بحديقة الألعاب...
عهد -: ماما حروح ورى بابا
صبا -: لا لتروحين هسة يجي
عهد. -" حروح
راحت ورى منير
من شفته يحجي وياها اتطمنت كلت هسة يجيبون الموطه ويجون ورانا
حمودي كام ييجي يريد يلعب بغير لعبة
اخذتها
ورى شوي اجه منير وعهد مو وياه
ضاعت عهد
أبوها يدور عليها
واني بقيت لازمه حمودي وسمر هم كاموا يبجون
منير -: ابقي هنا انتي
هسة الكاها لتخافين
صبا-: فدوة منير بسرعه دورها
والله عهد قلبها رهيف وتخاف هسة شنو حالها
راح منير وتأخر علينا
أني راسي موتني من الوجع دخت دوخه مو طبيعية ولاعبة روحي كلش أحس روحي تريد تطلع
حمودي شلع قلبي
فقدت أعصابي وضربته راشدي
والله غصب عني
سمر نامت بحضني
بقينا كاعدين منتظرين منير يجيب عهد
بس لا ضاعت
بس لا انخطفت
حمودي كام يبجي
تأخر الوقت
تالي اجه منير شايل عهد
وهي نايمه على كتفه
بسرعه شلتها منه وحضنتها هي فزت كامت تبكي وتصيح ماما
صبا -: وين لكيتها
منير -: يم ناس لاكينها تبكي وكالبة الدنيا بالصراخ ماخذينها لشرطه المدينه
وباقين يمها لحد ما أني اجيت
من حضنتني الا سكتت
بقت عهد تشهك
ردنا نرجع للبيت لأن خالتي ام إيهاب حركت علينا الموبايلات
يمكن كلبها حس صاير شي
منير-: لا تكوليلها عهد ضاعت من عدنا
صبا -" لا شكوللها غير تشبعنا رزايل
كل شي ولا عهد عدها
ردنا نرجع للبيت بس
بنص الطريق تخربطت وكمت مااكدر امشي
غوشت عيوني
منير-: خليني اخذج للمستشفى
صبا -: لا وديني للبيت
مابيا شي
منير -: يا مابيج شي
شوفي وجههج شلون صار أصفر
منير قلق كلش
واخذني
حللت وطلعت حامل
منير فرح فرحه ماصايرة
بس اني مافرحت
حسيت مسؤوليتي راح تكبر
عندي حمودي بيه توحد ويريد عناية واهتمام
ومن غير كل شي
منير لا وظيفه عنده ولا شغل زين
أعمال حرة
يوم اكو شغل ويوم لا
صرت افكر هواي
مااريد بس اخلف أطفال بدون أفكار
الطفل من يجي للدنيا
لازم امه وابوه يفكرون شلون يربونه شلون يعيش
مو بس نخلف
أني صارت عندي عقدة من الواقع إلي كنت عايشة بيه
لأن كانت حسرة عليه اللبسة
ما اريد اكرر هذا الواقع المأساوي بأطفالي
إلي شفته بنفسي مااريد أطفالي يشوفوه
اريد اعيشهم احسن عيشة
والاهم من هذا اريد اكون الهم ام مثقفة واكدر اربيهم تربية صالحه
دعيت الله اكون ام زينه
وكون الله يرزقني ويرزق منير
حتى نكدر نربي أطفالنا
تربية زينه
ونكون كد المسؤؤلية
منير من فرحته خابر خالتي ام إيهاب وبشرها
أني استحيت على شنو يبشر🤦♀️
مو شي جديد
أني ام
وهو واب
يعني مو اول شعور نمر بيه
رجعنا للبيت خالتي كانت كلش فرحانه
وما كلنالها على عهد
ووصينا عهد ماتكول شي .
مر هذا اليوم
ومنير الفرحه مافارقته
بس كان اكو شي واحد ينغص عليه فرحته
إسراء
منير -: مااكدر اعوف بنتي يم إسراء
هاي مهملة وماتدبرها
صبا -: جيبها
هي لا ترضعها ولا شي
منيرر-؛ هو هم هيج راح اسوي
بس انتي حامل وتتعبين شلون تكدرين تديرين بالج عليهم كلهم
عندج دوام
وشغل
