# البارت 17
#شارع_حيفا
#زهراء_محمد_السراي
*********
رندة
صوت الراديو وهو ينقل الأخبار التعيسة
" الانتخابات العراقية التي تلت مباشرة سقوط الرئيس السابق "
سألت بابا لأن ماافهم بالسياسة
رندة: يابة ليش جاي تصير حرب !؟
مؤيد : بابا هاي نتيجه اعتراض بعض أطراف الشعب لتدخل الامريكان بالعراق ومن وراها صار الصراع الطائفي إلي جاي تشوفينه وتسمعينه بالاخبار
وهاي يسمونه حرب أهلية بين السنه والشيعه
صوت الراديو
" أدت إلى مقتل ٣٠٠ شخص عراقي كل شهر او اقل من الشهر وفي بعض المناطق هناك اناس احتجوا عن طريق المظاهرات "
رندة: يابة أني ما جاي افهم ليش هيج يصير بس اعرف خوالي انقتلوا بسبب الشي إلي جاي تكوله وبسببه راح لؤي وي خالتي يسر وراح تشتاقله انت وكلنا ياريت مايصير بيه مثل إلي صار وي خوالي
مؤيد : بنيتي هاي يسمونها طائفية ظلمتنا وقتلت خوالج ظلم الله يرحمهم بس شنسوي
رندة: منو سبب هاي الطائفية
مؤيد : سببها بعض الناس إلي مايخافون من الله هم فرقوا بين المسلمين صارت حرب بغداد بالبداية
ودخل الإرهاب إلي دعى إلى الجهاد بس الله ورسوله بري منهم إلي يدعون اله مو جهاد
رندة : أني اسمع من الأخبار يكولون المجاهدين في سبيل الله
مؤيد ": بري الله منهم
رندة : ليش !؟
مؤيد : ذولي بالبداية حقدهم بس على الامريكان لي سيارة او دبابة تفوت مال أمريكان بسرعه يفجروها بس بعدها زرعوا فتنة بين المسلمين
حسبي الله ونعم الوكيل على كل من طلع كلمات انت شيعي وانت سني من هاي التفرقة بين الطوائف
حيتأذى العراق كلش وخاصة منطقتنا
شارع حيفا
وهذا ظلم النا كلنا
رندة؛؛ يعني هاي الحرب بس بشارع حيفا !؟ .
مؤيد: منطقة شيخ علي بعد اسوء حالهم من حالنا بنيتي
رندة: شنو صار بمنطقة شيخ علي!؟
مؤيد:: حالياً إلي اسمعه
العقل مايستوعبه أخ يقتل أخ ابن عم يقتل ابن خاله بسبب أني شيعي انت سني بكيفهم يطلعون فتاوى حلال وحرام ومن ضمن هاي الفتاوى أنه اي شخص بالحرس الوطني يعتبر مرتد عن الدين ولهذا السبب راح لؤي وي خالته يسر رغم ما هو داوم بس شهر أو اقل من الشهر
وأحنا بسبب خوفنا خلينا يروح لغير منطقه
