#اللعنة_على_حبكِ*********
مااعرف شكد مرات ساعات على نومي وفجأة حسيت أيد ناعمه تتلمس جبيني وخشمي
ايد ناعمه صغيرة رقيقة جنت مسترخي لحركاتها وعبالي بحلم
نزلت الايد على شاربي ولحيتي برقة لحد ماوصلت لشفتي وابتعدتجنت مغمض ومستسلم للشعور وهو شعور الراحه وعبالي حلم لو خيال وجانت الدنيا ظلمة وهدوء وصمت بس صوت سقوط المطر ينسمع
الجو بارد كلش
مغمض عيوني وجنت اتمنى ترجع هاي الايد الناعمه والدافية تتلمس جبيني محتاج دفو بحياتيثواني وحسيت الايد تتلمس حواجبي وجفوني ورموشي
ابتسمت براحه
بس من سمعت نبرة الصوت الهامسة اختفت ابتسامتي
_رموشك وحواجبك بعدهن سود ثخان كلش مثل لحيتك وشاربك الأسود مثل الفحم
فتحت عيوني بصدمه وشفت....
مواسم كدامي مكنبزة تباوعلي ببراءة الأطفال
تنهدت بتعب نظرتلها بحيرة
_شعندج هنا انتي ما تستحين
بقت تباوعلي رفعت اجتافها ونزلتهن حركه تدل على عدم المعرفة او عدم الإهتمام
_ليش ما استحي شمسوية اني بلة
هزيت راسي بعدم رضا
_هي الي تنهزم من اهلها تعرف المستحه شنو حقج
برطمت وخزرتني
_جوعانه
_واني شعلية لا يكون امج لو ابوج وجايتني بنص اليل تتنعوصين علية جوعانه محد كالج انهزمي من اهلج طايحه حظ غبية
بنات آخر زمنهزيت راسي اتأفف واتذمر من حظي احجي وي مخبلة شلون احجي وياها هي شنو تفتهم على مود اخذ واعطي وياها بالحجي
بالنسبة الي البنت الي تنهزم هاي ذرة عقل مابراسها لو مهما تعددت الأسباب ومهما قست عليها الظروفتغطيت بالبطانية ورجعت نمت على القنفه متجاهلها وهي باقية واكفه على راسي مبرطمه
شالت البطانية مني وصاحت
_جووعاانه جيبلي اكل معلية
رديت بغضب
_وخري مني ماطايقج لخاطرالله
لمحت دموعها نزلت وبرطمت
_انت صاير شرير مثل مرت عمي تمنعني من الأكل تطيني باليوم بس خيارة وخبزة يابسة بس انت احقر منها لأن انت حتى الخيارة والخبزة ما اطيتني شبيك
ليش كلكم تكرهوني حتى اهلي يكرهونيكلماتها حركت كلبي غصب عني
وكفت باوعتله شلون خاوية وضعفانه كلش