حارس العشق .. بقلميfaroha

💕البارت الرابع والثلاثون💕

حارس العشق ..❤

بعد يومين ..

ركن غياث دراجته أمام بوابة الفيلا ليترجل عنها مقترباً من حراس البوابة بعدما فُتحت أمامه لمعرفة بعضهم له ..

دخل يبحث بعينيه الثاقبتين عن شخص بالتحديد حتى لمحه يقف بجانب غرفة الحراسة لينتبه له مسلم ويتعجب من وجوده و قبل أن يقترب منه رأى اقتراب غياث السريع بعيون غريبة ..

مسلم: غياث، فيه إيه ؟!

وقف غياث مقابلاً له يطالعه بعيون تظلم تدريجياً ليهتف بحدة وبدون مقدمات: إسلام.. صاحب كنان يبقى أخوك ؟!

توسعت عيون مسلم بصدمة وبقي صامتاً فيما تابع غياث بنفس اللهجة: الوصية اللي قولتلي أنها السبب لقربك من كنان.. هو إسلام صح ؟!

التفت مسلم حوله و كأنه يخشى أن يسمعه أحدهم أو يخشى أكثر من وجود كنان ليهتف غياث بحدة: متدورش عليه، شوية كمان وهعرفه بكل حاجة ..

التفت مسلم نحوه بغضب ظهر في عينيه ليهتف به: أه هو أخويا أنت مالك ؟!

ضم غياث قبضتيه بحدة ليهتف به: ماالي إييه أنت إزاي تعمل كده ساااكت لييه ومش بتقوله الحقيقة أنت تعرف هو بيتعذب إزااي..

ابتلع مسلم ريقه ليهتف: ملكش دعوة دعوة يا غياااث خليك في حالك الموضوع ده بالذااات ملكش دعوة بيه خالص..

أمسك غياث من ياقته بقوة يجذبه نحوه ليهتف بحدة تزداد مع كل كلمة: أنتت واحد أناااني.. أناااني و حقير، أنا جيت هنا وخايف من إجابتك.. جيت وبدعي أن شكوكي تطلع غلط، أنت عارف بتعمل فيه إيه و أنت سااكت؟! ساكت ليييه، قاعد في بيته وشغال معاه لييييه ..؟

حاول مسلم إبعاد يدي غياث عنه ليدفعه بحدة: الموضوع ده يخصني أنااا..

غياث: و كنان صاحبي و أنه يفضل مخدوع فيك كده أنا مش هسمحلك..

مسلم: مخدوع ؟؟ أنت قصدك إيه ؟!

غياث: إيه سبب وجودك هنا ؟! ولو كان بسبب وصية أخوك مقولتلوش لغاية دلوقتي ليييه؟!

تراجع مسلم للخلف زافراً بقوة ليقترب غياث منه مجدداً: أسم عيلتك مش زي أسم عيلته ليه ؟!

أعاد مسلم عيناه ليحدق به بشرود للحظات قبل أن يهتف: أخويا من الأم بس.. إا..إسلام وفرحة أخواتي من الأم..

رفع غياث حاجبيه بصمت ليهتف مسلم متابعاً: أمي ترملت و أنا عندي سنتين.. وبعديها تجوزت قريب أبويا وجابت إسلام و فرحة.. أخواتي..

زفر غياث بحدة وضم قبضتيه جانبي جسده يرمقه بنظرات حادة مهددة ليهتف مسلم يواجهه بنفس النظرات: بس أنت ميحقلكش تتهمني في حاجة ولا تدخل بيني وبينه ..

ابتسم غياث ساخراً: وهتفضل ساكت لحد إيمتى ؟! سااكت ليه أصلاً؟!

تراجع مسلم للخلف إلا أن قبضة غياث منعته من التهرب: لو مش هتتكلم أناا دلوقتي وحالاً هطلع أقوله كل حاجة ..