حارس العشق .. بقلميfaroha

💕البارت الأول💕

حارس العشق ..❤

شركة ضخمة، فاخرة .. من الخارج كصرح عظيم راقي .. وأثاثها من الداخل أكثر رُقياً وفخامة .. أسم كبير يلمع في أعلاها بخط عريض منقوش بلون الذهب  "الجواد للحراسة"

درج طويل يُوصل لبوابتها البلورية اللامعة .. يرتقيه هو بخطوات ثابتة هادئة تضرب الأرض بخفة كما هي مشيته دائماً، تخطّى البوابة البلورية .. يسير بهدوء نحو المصعد .. دخله ووقف به ببدلته الرسمية السوداء القاتمة والتي تُنافس سواد خصلاته .. عيناه ثاقبتان ملوّنتان باخضرار مُثير داخلها ثبات واتزان كبير ..

وصل للطابق المنشود وفتح باب المصعد متجهاً نحو مكتبه وشبح ابتسامة ينمو على شفتيه حالما رأى المتواجدان داخله ..

قفز صديقه عن سطح مكتبه حيث كان يجلس وهتف: هي الحجة مسمحتلكش تيجي النهاردة من غير فطار ولا إيه ؟

ابتسم أكثر مُخرجاً سلاحه من خصره ليضعه على سطح المكتب: وأنت مالك يالا أوعى تكون غيران ولا حاجة ..

تنهد صديقه وابتسم هاتفاً: أسمع أنا وتليد مسافرين تيجي معانا ..؟

تراجع بظهره يرمق صديقه الآخر الذي يجلس خلف مكتبه يُدخن سيجاره بهدوء: على فين العزم ؟

لوح الآخر بيديه: أي حتة المهم نتفسح ونغير جو تليد وافق فوراً ..

أجاب سريعاً: أهاا واضح أن الفكرة دي بتاعتك كالعادة يا جواد ..

هز جواد كتفيه بخفة وهتف: وماله مش أحسن ما كل السنة مطحونين في الشغل كده ..

تعالت ضحكاته بسخرية وهتف: لا يا راجل أنت مطحون هتخليني أصدق ..

تنهد جواد بضيق واتجه نحو تليد .. قفز جالساً فوق طاولة مكتبه وهتف: تليد قول حاجة ..

تليد: حاجة ..

ضرب جواد كتفه بغيظ: أنتوا إيييه يا ناااس يا أعداء الترفيه عايز أترفّه أخواتي مش موافقين ييجوا معايا ..

هتف الآخر بهدوء: قولتلي أخواتك ما دي العادة مش هيوافقوا ع الجنان اللي بتخترعه كل يوم ..

جواد: بقولك إيه يا غياث موافق قول موافق مش موافق أقفل بوقك وأبدأ شغلك ياكش تولع ده أنا هخليك تحلم بساعة إجازة ..

غياث بضحك: والله قادر وتعملها بس متنساش كمان أن صهيب باشا بيحبني أوي هاا ..

رفع جواد حاجبيه باستفزاز ليرمقه غياث بضيق: بيحبك أكتر عارفين ماهو ده طبيعي، أساساً معرفش أنت أبنه إزاي ..

ضحك جواد يهز أقدامه بتسليه والتفت لتليد: قول حاجتين يا عم تليد عايزين نقنعه ..

التفت تليد نحوه ينفث دخان سيجارته بوجهه ليعتدل بجلسته هاتفاً: إحنا نروح للحجة أم غياث ..