حارس العشق .. بقلميfaroha

💕البارت الثامن والعشرون💕

حارس العشق ..❤

تحرك جبران بلا هدى أمام الغرفة التي أدخلوا إليها همام في إحدى المستشفيات، يفرك يداه بارتجاف جسدٍ لا يدري سببه، أهو خوف على همام أم برد بعدما نسي معطفه و اكتفى بملابسه الخفيفة ..

رمقه حسان بتوتر، يحاول إخفاء قلقه: أقعد يا جبران إن شاء الله هو بخير ..

رفع جبران عيون تائهة نحوه، آلمت حسان و الذي تنهد بضيق واضح، ضيق ربما من تشاغله في حياته ومصائبه و ترك جبران و أخيه خلفه بعدما كان معهم دائماً طوال حياته،

ربما الآن في لحظاتهم المرعبة تلك، أدرك بأن الله أنقذه من حفرة عميقة، حفرة مليئة بنار و عقارب كادت تقتله بشراستها و حقدها،
و أنه بدل أن يكون شاكراً، قد أغرق نفسه بحزن و ندب حظ تأكد الآن بأنه كان أسعد ما حدث معه في حياته ..

تنبه من شروده على ابتعاد جبران عنه يهرول باتجاه الطبيب الذي خرج من الغرفة، ليستمع لصوته هاتفاً: طمني يا دكتور أخويا ماله هو كويس ؟!

طالعه الدكتور المتوسط في العمر من خلف نظاراته الطبية ليهتف: باين سبب الإغماء هو ضغط عصبي و إرهاق شديد، هيفوق كمان ساعة ولا حاجة،

ابتلع جبران ريقه يهتف: يعني هو كويس يقدر يخرج أما يفوق؟؟

الطبيب: أيوه متقلقش، بس يهتم في صحته و غذائه، هو المريض كان ياخد أي أوية في الفترة دي ؟!

قطب جبران جبينه بعدم فهم ليهتف حسان له: مش قولت أنكم روحتوا لدكتور من مدة ؟!

هز جبران رأسه بتذكر: أيوه يا دكتور هو من مدة كدة كان يعاني من وجع في رجله و إيده الشمال، ورحنا لدكتور قال إن ده سببه إرهاق برضو و وصفله مسكنات ..

أومأ الدكتور هاتفاً: باين أنه أفرط بتناول المسكنات دي اللي أثرت عليه بالسلب، عموماً أنا محتاج منكم شوية فحوصات و تحاليل علشان نتأكد من سلامته أكتر ..

جبران: فحوصات إيه وليه ؟؟

ابتسم الطبيب بعملية: ده علشان نتطمن مش أكتر، هكتبلكم على التحاليل اللازمة تعالا على مكتبي وخدها، تقدروا تعملوها دلوقتي أما يصحى لأما بكرا براحتكم بس ياريت متتأخروش ..

رمقه جبران بجبين مقطب و نبض قلب حاد، ليستأذن الطبيب أخيراً يسير مبتعداً عنه فيما بقي جبران مكانه يطالع ظهره حتى اختفى، ليلتفت نحو حسان هاتفاً بشرود: فحوصات ليه !؟

حسان: في إيه يا جبران ما قالك علشان يتطمن ..

جبران: ويتطمن ليه مادام هو كويس وده بس ضغط عصبي ..

زفر بحدة ماسحاً وجهه: أنا عارف أنه مضغوط بس متوقعتش يحصله كده ..

زاد تقطيب حاجبيه يحدق في باب غرفة همام المغلق ليهتف: أنا هجيبهم عندي ..