طبطبت شوية و فتحت حياة الباب لي غير شافتها عقدت حواجبها
حياة : رنييم واش كاين
دخلت الداخل تمشي جسد بلا روح راحت للصالون و قعدت هي تما و عقلها غايب
حياة : رنييم واش كاين
جاو خواتاتها يحوسو يفهمو واش بيها
رنيم : خلاص كلش
حياة : كيفاش
ريهام : رنيم متخوفيناش واش بيكسكتت شحال منبعد حكاتلهم عينيها تنفخو من كثرة ما بكات سولا و ريهام عنقوها يبكيو معاها
حياة : خلي اليوم نروح نبهدل رحمة شيبة النار
رنيم : مكان حتى فايدة دوكا
حياة : رنيم قلتيلو بلي راكي اونسانت
رنيم : لالا
حياة : حابة تيتمي طفل نتيا وقيل
رنيم : مرانيش حاب يرجعلي غير على جال وليدو
ريهام : رنيم مراكيش فوضع يخليك تخممي هكذا ... اوموان ارجعي لدارك بهاذ السبة و الحق يطول الزمان و يبان
رنيم : مولا يهمني والو ريهام ... سمعة تاعي قدرو يفسدوها و قدام راجلي وليت نبان منسواش و قدام دارهم تاني و دوكا راح نقعد نستنى تلحقني ورقة الطلاق
ريهام : راح تستسلمي
رنيم : واش راح ندير خرجت مع راجل فشمبرة وحدة و يماه راهي تقول بلي انا كذابة واش حبيتيني ندير .... ( مسحت دموعها ) .... مولاتش عندي القدرة باش نتحمل كثر
حياة : راح نعيط لباباك يروح يفريها معاهم يوريلهم واش معنتها يتهمولو بنتو
رنيم : لوكان تلحق الحكاية لبابا مراحش نسامحك ماما و مراحش نزيد نقعد فهاد الدار دقيقة
حياة : ... رنيم سمعيلي روحي قولي لراجلك على الطفل لازم تحافظي على دارك مراهوش الوقت لي تخممي فروحك و كرامتك وليدك قبل كلش واش ذنب تاعو يتيتم قبل ما ينزاد راني نهدر هكذا بارسكو نعرف واش معنتها اليتم صعيبة الواحد يعيش بلا باباه
ريهام : ماما عندها الحقدارتلها براسها لالا و ناضت
حياة : راسها يابس حجرة .... مفهمتش وشمن عين ضربتهم
.........
قلبت عينيها وقت شافتها دخلت
رحمة : خير واش جابك
خديجة : عجوزتي الغالية جيتك طالبتك فحاجة
رحمة : واش تسحقي
خديجة : نسحقك تمديلي 15 مليون
رحمة : ههه ضحكتيني و وعلاش نمدلك
خديجة : اففف لازم دايمن نقعد نفهم فيك ؛ لازم نبعتوهم لكمال تعرفي اذا تفضحت انا راح تتفضحي معايا .... اعتبريهم دين مديتيه لوليدك غير نتزوجو نرجعهملك
رحمة : نتي هبلتي صح
خديجة : هبلني وليدك ... هيا معنديش الوقتراحت للخزانة جبدت الدراهم و مدتهملها شدتهم و خرجت
......
ادم : راك سوور .... ايا صحا خو
طلع للفوق قاصد شمبرة يماه و تلقاو هو خديجة لي غير شافته رجعت يدها للور طلع حاجبه
ادم : واش راكي ديري هنا
خديجة : شفت طاطا اذا متسحق والو باش نروح
ادم : اممم
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛