ادم : وعلاش راكي تبكي شتتت خلاص .... رنيم وشبيك ..... كاش واحد هدر معاك لهيك قولي
رنيم : تتت واش راح يهدرو معايا ....... سمحلي ادم .... بسبتي صرالكم هاذ المشاكل
ادم : وعلاش راكي تهدري هكذا مكان مدخلك صح نتي خبيتي عليا بصح ماشي معنتها نتي السبة
طلعت راسها تمسح فدموعها بكفوف يديها
رنيم : سمحلي .... عطلتك على الخدمة
ادم : انا وين و هي وين ؛ قوليلي وعلاش كنتي تبكي
رنيم : حاسة روحي غلطت و عندي ذنب فواش صرا
ادم : وعلاش تحملي روحك حاجة خاطياتك ... رنيم راكي سوور هذا واش كاين
رنيم : ايه معندي منخبي عليك .... متروحش تخدم ؟
ادم : راكي تحاوزي فيا
رنيم : هه لالا خافت تروح روطار
ادم : و نروح و نخليك هكذا
رنيم : ما بيا والو ادم
ادم : سوور سينون نقعد معاك
رنيم : انا مادابيا تقعد بصح مجياش تخلي خدمتك و انا راني مليحة
ادم : خلاص كيما تحبي
شدلها راسها و باسو و خرج ؛ تبسمت معاه و راحت غلقت الباب .... تنهدت و دخلت للصالون قعدت غايسة شحال منبعد استغفرت و ناضت على صوت الباب
رنيم : شكون يجي فهاذ الوقت
راحت تفتح لقاتها ريحاب
رنيم : ريحاب
عنقو بعضهم
ريحاب : وشراكي
رنيم : راني مليحة ادخلي
غلقت الباب و دخلو قعدو فالصالون
ريحاب : من مقبيل و انا نعيطلك مريبونديتيش
رنيم : راهو فالساك نكون مشفتوش اصلا هدا وين دخلت
ريحاب : وين كنتي
رنيم : رحت لدار ادم
ريحاب : و وشبيك دوكا
رنيم : ..... حكيتلك ديجا على يقين
ريحاب : ايه
رنيم : مروان لقاها مع سراج و ضربها و تخلطت بينو و بين ادم
ريحاب : اااه شفتي .... يعني دوكا بنت البارح لحقت دير مشاكل لخاوتها هكذا
رنيم : هي صح غلطت بصح حتى مروان مكانش من حقو يدير هكذا لوكان تشوفيها كيفاش رجعها مسكينة لحمها كامل زراقت
ريحاب : و نتي و ادم ضاربتو كي عرف بلي كان علبالك
رنيم : يعني زعف فالاول منبعد خلاص
ريحاب : معليش هكذا ولا المشاكل هدوك
رنيم : باينة ..... بصح يماه عرفت .... ( دمعو عينيها ) ..... معلباليش كيفاش بصح رخستني و مخلاتليش و مسحت الموس فيا و زيد على هذا قاتلي بلي انا حية و بلي مكانش لازم تقبل بزواجنا
ريحاب : صح ... عجوزة النحس دارت القرون
رنيم : ..... تعرفي فاهمتها يعني كي تعرف بلي كان علبالي بلي راهي تحب واحد و راهو حاب يخطبها و انا درت من عندي .... باينة تغيضها و زيد عليها المرض تاع راجلها و المشاكل لي صراو و ولادها راهم مضاربين علبالي ماشي ساهلة بصح ... الطريقة لي هدرت فيها معايا جرحتني بزاف
ريحاب : شوفي رنيم هي صح تغيضك بصح خطيك منها نتي متربحيش العيب لناس دارك لي يهم هو راجلك .... المهم تكوني مهنية و فرحانة مع ادم و الباقي كامل جوزيه جيك من عجوزتك ولا من راجلك
رنيم : اممم
ريحاب : خلاص متقعديش شادتيها فقلبك .... قوليلي شريتي واش تلبسي لعرس هبة
رنيم : عندي قفطان جديد قلت نلبسو و خلاص لوكان نعرف متزعفش منروحش ماعيني فحتى حاجة دوكا
ريحاب : وعلاش عليك رنيم
رنيم : عييت و حابة نريح راسي ريحاب .... كلما نقول تهنيت يخرجلي بروبلام مراد ماريا يقين المشاكل مع ادم و كملت مع يماه دوكا
ريحاب : خلاص رنيم متقلقيش روحك كلش يجوز .... قوليلي وقتاش تبداي الخدمة
رنيم : اممم مور عرس هبة ان شاء الله راح نكملو الحاجات لي مزال خاصين فلاكراش و نفتحوها
ريحاب : انا لقيت ولادي وين نولي نحطهم
رنيم : هههه حتى يماهم راح تكون معاهم
ريحاب : كيفاش
رنيم : باينة راح جي تخدمي معايا تخليني وحدي
ريحاب : يااااي صح فرحتيني
رنيم : هههه
ريحاب : .... غدوة لازم نروح لدار خوالي
رنيم : وعلاش خير
ريحاب : راح نروح نعاونهم باش يوجدو لخطبة وسام
رنيم : كيفاش ... خطبها غيث مسمعتش حت ادم مقاليش
ريحاب : ههه بووه عليك يا النية هداك يخطبها .... تعرفي واش دارت لميرا دارتلها بروبلام بعتت تصاور 🔞 لغيث المهم دارت بروبلام كبير و خلاص
رنيم : صحح ... تعرفي مكنتش نستنى كامل منها دير هكذا
ريحاب : و غيث كي عرف راح بهدلها قدام لي يقراو معاها و الهدرة لحقت لخاوتها و باباها بردوها بالضرب و مدوها لوليد عمها هذا شحال و هو موراها و هي مقبلتش حتى العرس مراح دير كي الناس وليد عمها على زوج سمانات يعقد عليها و يديها ديراكت
رنيم : بصح حرام عليهم ... غاضتني
ريحاب : حتى انا غاضتني فالاول بصح كي سمعت واش دارت عرفت بلي تستاهل كثر من هكذا بارسكو ماشي مليح تشوه سمعة تاع ولية راهي تخلص دوكا
رنيم : الله يهديها .... ارواحي معايا للكوزينة نحطلك حاجة تشربيها و نكملو نحكيو
ريحاب : لالا بلا ما تشقي روحك
رنيم : وشمن شقا ارواحي
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
