حنا خرجنا مالباطيمة و شفت طونوبيل حسيت رجليا ثقالوا وصلت بسيف للطونوبيل ركبنا انا و ماما ملور و ماني مالقدام
نطقنا انا وماما فوقت واحد
رنيم : صباح الخير
ماما : السلام عليكم
ادم : وعليكم السلام
دورت راسي لجهة الكارو نفسي تقطع و البكا حكمني ؛ وقت تكون تحس بحاجة اتجاه انسان و تلقاه هو ماشي معبرك او يحس بلي تحسه بصح مع شخص واحد اخر راح تفهم لي كنت نحس بيه زمان كنا لحقنا قدام واحد الفيلا جاية صغيرة بصح شابة بزاف ، هبطنا و غير دخلنا قابلونا غاشي كبير عندها منعرف منهم غير اهل ادم و الباقي على حساب مفهمت الاهل تاع رباب ؛ سلمنا عليها و دخلنا للصالون وين كانوا قاعدين شوية نساء و الرجال تاع لافامي فالكوزينة شوية هكذا و دخلت رباب فيدها البيبي لي سماوه عبد الرحيم ؛ عينيا برقو وقت شفتو ملي كنت صغيرة نموت على ليبيبي
رنيم : نقدر نرفدو
رباب : بيانسور ... هاكي
رفدتو ؛ عنقتو نبوس فيه
رنيم : الله يبارك يهبل
رباب : يبارك فيك ؛ لعقوبة ليك
بلعت غصتي و تبسمت فوق قلبي شفت ماما لي قاعدة تعوج ففمها رجعت عبد الرحيم ليماه
رنيم : رباب تعيشي ختي وين نلقى les sanitaires
رباب : اطلعي لفوق اخر باب على اليمين تلقايهم
رنيم : تعيشي
طلعت لفوق حاسة روحي مكسورة روحي راح تخرج الخزرة تاع ماما هذيك نعرفها و فمها لي عوجتو نعرف موراها مراحش تحبس الهدرة
انا غير فتحت الباب قابلي ادم يمسح فلافاست تاعو بالماء ، دور راسو وقت فتحت الباب
ادم : اهه رنيم ... دقيقة نمسح هاذي و نخرجلك
رنيم : اههه لالا اصلا راح نغسل غير يديا
فتجت العين نغسل فيدي و نشوف فيه مالمراية يمسح فالفاست تبسمت
رنيم : مراحش تتنحى لاتاش هكذا
شفته وقت طلع راسه
ادم : على حساب الشوفة ايه ... يمات رباب سيحت عليا الزبدة تاع الطمينة
رنيم : ههه سلامة راسك ... تحب نعاونك
شفته سكت درت عنده
رنيم : مدلي لافاست
حك شعره منبعد نحاها و مدهالي ؛ رفدت وين كانت لاتاش درتلها شوية صابون و حكيتها ( شفتو كيفاش لالة تتهلى فراجلها 😂 )
رنيم : ... خلاص كملتها خليها تنشف شوية مطولش بارسكو لاتاش ماشي كبيرة بزاف
رفدتها و مديتهالو
ادم : يعطيك الصحة
رنيم ( تبسمت ) : بلا مزية
......
قعدت تخزر فيه حتى غاست فعينيه و هو تاني قعد يخزر فيها ، فاقت وقت صونا تليفونو حمحمت و هبطت تجري شدت بلاصتها قدام يماها شوية هكا جات فاطمة عندهم
فاطمة : حياة ادم عيطلي قالي لازم نروحوا عيطولوا مالخدمة
حياة : ايه خلاص ؛ رنيم هيا
رنيم : ايه
خرجوا لبرا حتى لقاوه حبس طونوبيل قدامهم ركبوا و ديمارا
فاطمة : يعني كي عندك خدمة وعلاش جبتنا اليوم و قلقتنا
ادم : ماني عيطولي دوكا قالولي العشية لازم نكون فالخدمة
فاطمة : واش قلقك ياك حتى لعشية
ادم : لوكان قلتي لمروان يوصلكم
فاطمة : مروان يدي يماك و ختك و يزيد يدي خواتات مرتو ايه نسابه قدرو عليه
حياة : واش فيها خالتي خواتات مرتو نورمال
فاطمة : بووه معندهمش رجالهم على صغرو ولا شوفور ... يعني يدبرو راسهم يماه و راضية على وليدها و انا واش دخلني
ادم : واش دخلها يما فالوسط ، الراجل راهو مزوج و بوليدو ميسحق حتى واحد يدخل روحو فيه
فاطمة : كيفاش مدخلش روحها جابتو و كبراتو في باطل الجيل تاع دوكا ربي يستر حنا بكري العجوزة كي تقول امر حنا نقولو حاضر و اليوم شوف كيفاش ولاو هاذ الشي مزال متزوجت و راك تهدر هكذا كي تتزوج تطلعلنا مرتك فوق راسنا
حياة : يتزوج برك
ادم : ... انا راني مليح هكذا راني عايش لباس بيا منسحقش نتزوج
فاطمة : راح يجي نهار و جي تقول ماني راني حاب نتزوج وقتها نفكرك
ادم : ان شاء الله ان شاء الله
فاطمة : هااا ؛ هدرت مع يماك قلتلها بلي راني حابة انا ندير عشاء على عبد الرحيم
ادم : دبرو راسكم
فاطمة : حياة انا نديلك رنيم هاذ اليامات هي توجد معايا و تفاهمت مع لي قدامي باش تفتحلي دارها
حياة : ايه معليش
حياة و فاطمة كملو يقسرو حتى لحقوا ؛ هوما طلعوا و ادم راح
حياة : اههه عييت وليت نخرج مام فالطونوبيل و نعيا
فاطمة : شفتي هاذي هيا رانا نكبرو مراناش نصغارو
حياة ( خبطت راسها ) : ايااه رنيم معندناش لخبز للعشا
رنيم : اطلعوا نروح نشري و نجي
حياة : مغربت يا بنتي دوك نشوف كاش طفل نبعتو
فاطمة : خلي نروحوا كيف كيف انا و رنيم حياة حتى انا عندي قضية نشريها دوكا و خلاص نتي اطلعي مدامك عييتي
حياة : خلاص ... هاكي دراهم رنيم
شدتهم و راحو هي و فاطمة يتمشاو ؛ رنيم مشبكة يدها فذراع فاطمة وصلوا للحانوت شراو منبعد راحو يخلصوا ؛ حطو واش شراو يستناو فلي يبيع يحسبهوملهم باش يخلصوا
هذا هو البارت ان شاء الله يكون عجبكم خليولي ارائكم فالتعليقات و اقتراحاتكم و الى الملتقى ان شاء الله في بارت اخر💚💚
YOU ARE READING
انت املي _ باللهجة الجزائرية 🇩🇿 _
浪漫حكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
