تفاطنت وقت حسيت بيد تحطت على راسي ؛ فتحت عيني لقيتها ريهام تبسمت
ريهام : رنيم كيفاش راكي دوكا
رنيم : خير من مقبيل
ريهام : تحبي نجيبلك حاجة تاكليها راكي مصبح مكليتي والو
رنيم : لالا دوك نوضانا وقفت رجعت قعدت حاسة روحي دايخة
ريهام : رنيم وشبيك ... استناي نعيط لماما
مسحت دموعي لي هبطو و طلعت راسي وقت دخلت ماما
حياة : رنيم وشبيك .... يا طفلة يهديك ربي امشي معايا نروحو نديرو ليزاناليز
رنيم : ماما ....
حياة : ولا نعيط لادم
رنيم : ماما
حياة : نوضي البسي ريهام عاونيها نروح ندير حجابي
رنيم : ماما قتلك لالا مرانيش قادرة اصلا نوض
حياة : و تقعدي هكذا و بلاك حكماتك لانيمي ولا شوفي وجهك كيفاش صفار
رنيم : راني مليحة شوية عيا برك
حياة : رنيم بلاك راكي اونسانت
رنيم : منقدرش نكون
حياة : وين تعرفي شحال من وحدة متكونش دايرة حسابها حتى تلقى روحها رفدت ؛ اسمعي مني نشريولك تاست ديريه و اذا مكان كاين والو نروحو نديرو ليزاناليز
رنيم : دبرو راسكم
حياة : ريهام قولي لسولا تهبط جيبلها تاست من لفارماسي
ريهام : ايه
حياة : و غدوة صباح ديريه ... نروح نشوف كشما نطيبلكخرجت ماما و ريهام كانت رجعت
ريهام : رنيم تحبي نعيط لادم يجي
رنيم : تتت هو اصلا لوكان كان حاب كان قادر يعيط يسقسي عليا .... اليوم عرفت قيمتي عندو
ريهام : نتي باينة ما بيك والو غير المشاكل لي صراولك اثروا عليك برك
رنيم : امممجازت هديك ليلة بسيف نعاس مجانيش ؛ رفدت التاست نخزر فيه زعما صح نقدر نكون اونسانت مالغري مشكيتش و مرانيش حابة .... مرانيش حابة مدام هو مراهوش متقبل فكرة يكون عندو طفل ، نضت وقت سمعت اذان الفجر توضيت و صليت و رجعت لبلاصتي وين غمضت عينيا شوية
.....
شوية هكذا حتى نحس ماما فوق راسي تنوض فيا
حياة : رنيم نوضي
رنيم : امممم
حياة : نوضي ديري تاست و رجعي رقدي
رنيم : ماما خلي منبعد
حياة : وشبيك انا راني مقلقة كثر منك ماشي حياتك كامل و نتي حابة يكون عندك ولاد
رنيم : هديك منقبل ماشي دوكا
حياة : نوضي خير ما نخبطكنضت رفدت هذاك التاست غسلت وجهي و رحت نديرو
.......
***** :
حياة واقفة قدام الباب رايحة جاية
ريهام : ماما وشبيك عينيا دارو
حياة : طولت لالا
سولا : ماما هداوين دخلتدورت راسها على الباب لي تفتح و خرجت رنيم منها راسها ؛ راحت تزرب عندها متلهفة
حياة : انطقي
رنيم : واش معنتها زوج خطوط ؟؟؟
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛