فتحت الباب سمعت الحس
سعاد : اوهوه شكون جا
رنيم : اههه خالتي سعادراحت سلمت عليها هاذي سعاد جارتهم
سعاد : وشراكي الزينة
رنيم : راني مليحة و نتيا
سعاد : نقولو الحمد لله
رنيم : ربي يدومها
حياة : رنيم رانا خارجين علبالك اليوم العشاء تاع وليد حكيمة لتحت العشاء راهو طايب سخنيه و نوضي المهبولة تاع ختك تتعشى بلاكي تخليها تقعد بلا عشا كيما البارح
رنيم : كونك مهنيةخرجو و رنيم غلقت الباب و راحت غسلت و بدلت حوايجها صلات صلاتها منبعد راحت لشمبرة سلسبيل
رنيم : سولا نوضي يا الفنيا ...
قطعت هدرتها وقت لقاتها طايحة فالارض و جها صفر هبطت عندها تجري
رنيم : سلسبيل نوضي ... سلسبيل
دموعها هبطو و هي تشوف فختها طايحة و محبتش تنوض رجعت ترجف وحدها
رنيم : رنيم حبسي اتكالماي
قاعدة تهدي فروحها ملقاتش واش دير ليمن تعيط و لمن تحكي ، تعيط لخواتتها يطولوا باش يجو تطلع لدار سارة هي تخاف من خوها تعرفو تاع مشاكل ضربت لراسها تطلع لعند فاطمة هي حلها الوحيد
طلعت تجري طبطب كسرت الباب و واحد ما فتح
جاها صوتو يعيط وقت فتح البابادم : كسري الباب خير
رنيم : .... ماني فاطمة وين راهي
ادم : راهي فالعرسعضت على شواربها واش دير دوكا و فوقها قاعد يهدر بالتشناف هبطو دموعها و دموعها ولاو شهقات
ادم : وشبيك
الهدرة مقدرتش تخرجها من كثرة البكا
ادم : **** اهدري وشبيك يشوفك كاش واحد يقول كاشما درتلك
حمارت كامل
رنيم : و التطياح وعلاش ... ختي .. خختي راهي لتحت معلاباليش واش صرالها لقيتها مصروعة تعيش عاوني
ادم : صحا اهبطي راني لاحقك مجيب المفاتح و نجيدارتلو براسها ايه و هو راح جاب تليفونو و المفاتح و لحقها ، دخل لدارهم لقاها طايحة فالارض وجهها صفر هبط مسلها يدها لقى نبضها هابط بزاف طلع راسو ليها لقاها تغزر فيه تستنى واش راح يقول
ادم : خلينا نديوها لسبيطار
دارتلو براسها ايه شافت روحها فالمراية لقات روحها بلا خيمار وجهها قريب ما طرطق بالسخانة ، ادم رفد سولا هبطها و هي دارت خيمار و غلقت الباب و لحقتو
.......
بعد ساعة :
شافت الطبيب خارج من الشمبرة راحت تجري عندو
رنيم : كيفاش راهي دكتور واش صرالها
الطبيب : عندها لانيمي مدام و من قلة الماكلة صرالها هكا ، راح نمدلكم فيتامينات تشريوهم و راح تولي تسويفي عندي باش نراقبو حالتها
رنيم : مكانش حاحة خطيرة عليها ولا
الطبيب : لالا مدام راح تتهلى فماكلتها و مع الدواء ان شاء الله تسترجع صحتها و دوكا كي يخلاص السيروم تقدرو تخرجوها
رنيم : داكوور مارسيدخلت شافت ختها منبعد خلاتها تريح و خرجت شافته يهدر فالتليفون قعدت و هو زاد شوية و كمل لقاته قعد قدامها
ادم : كيفاش راهي ختك
رنيم : راهي مليحة .... ادمخزر فيها و هي هبطت راسها
رنيم : يعطيك صحة يعني لوكان ماشي نتا منعرفش واش كان راح يصرا فسلسبيل
ادم : خرجتي تعرفي تهدريطلعت راسها عاقدة حواجبها
رنيم : واش قصدك
ادم : نهار تلاقينا حسبتلي عقونة
رنيم ( حمارت ) : ... هو يعني ... يعني ... انا حشمت هذاك نهار على هاذيك
ادم : اممم ....جات l'infirmière و قاتلها
: مدام تقدرو تخرجو المريضة
رنيم : ايهدخلوا خرجوها و داوها
غير لحقوا للدار قابلتهم حياة فالباب
حياة : سولا ماما وشبيك
عنقتها حياة تبوس فشعرها
حياة : واش قال الطبيب
جات فاطمة ماللور كانت معاها هي و سعاد
فاطمة : بالشفاء عليك بنتي
حياة : ادم وليدي يعطيك الصحة
ادم : بلا مزية خالتي ، ماني انا نطلع
فاطمة : دوك شوية و نلحقكطلع ادم و هوما دخلوا رنيم دخلت سولا لشمبرتها و رجعت
حياة : وعلاش معيطتليش
رنيم : ماما محبيتش نحيرك و نتي فالعرس
حياة : لوكان ماشي ادم عيط لجدته و قاللها لوكان انا دخلت ملقيتش بناتي فالدار
فاطمة : خلاص حياة حبسي متعاتبي فيها
سعاد : واش قال الطبيب
رنيم : قالي عندها لانيمي شرينالها واحد الفيتامينات و لازم تولي تسويفي عندو
حياة : اههه بنتي مسكينة من صغرها واش حكمها ، متقوليش لباباك كي يجي و يعرف منقلقوش و هو فطرف الدنيا
فاطمة : يحلها ربي ان شاء اللهسعاد خبطت فاطمة
سعاد : بصح حنا مقلتيلناش عندك سبع فالدار يا لالة
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛