ادم : حشمتي تزيدي تقعدي
رنيم : مدتلي نشريلها شحال من حاجة على هاذي طولت
ادم : و زوج سوايع ياك
رنيم : ادم ... كنت قادر تقوللها بلي مراكش حاب جي اصلا كونا راح نروحو وحدنا
ادم : ايه لوكان غير خليتكم
رنيم : ايه
دورت راسها و تشنفت
ادم : تقدري تتشنفي فوجهي علبالك
دورت راسها عاقدة حواجبها
ادم : خير ان شاء الله
رنيم : راك حاب تضارب بسيف
رجعت دورت راسها واحد عشر دقايق لقاتو حبس قدام واحد الريسطورون منبعد دار ليها
ادم : رنيم
رنيم ( مزالها مدورة راسها لجهة الكارو ) : وشنو
ادم : واش نجيبلك معايا
رنيم : والو
ادم : واحد كي تكوني تهدري معايا دوري راسك زوج متهدريش معايا بالتشناف
غاضتها عمرها من هدرته دورت راسها و هدرت بلعقل
رنيم : قتلك ما جيبلي والو مناكلش
خرج و هي عينيها دمعو و كرشها لي دارت حالة من الجوع ماكلات والو مالبارح ؛ شوية هكذا شافتو جا غير دخل حطلها الساشي تاعها في حجرها
رنيم : ياك قتلك ما جيبليش
ادم : حبيتي تاكليه ما تاكليهش دبري راسك المهم انا جبتلك غدوة تقولي ادم شنايفي و منارفي ( كيما قاتلو مع الاول كامل ) و زيد مشحاح
تبسمت من هدرته
رنيم : و finalement ما غلطتش وقت قلت هكذاك
ادم : هكذا
رنيم : مشفتش روحك كيفاش كليتني دوكا و انا ما درت والو
ادم : ما درتي والو خليتيني نستنى زوج سوايع و نورمال
رنيم : من قبل ما نهبط للسوبيرات و نتا تتشنف راني نكذب كنت قادر تقول لماني مرانيش حاب ندي رنيم نورمال
ادم : كنت مقلق نتي مكان مدخلك فالوسط
رنيم : اممم
ادم : و فطورك كوليه فالدار متوسخيش الطونوبيل
رنيم : الماكلة بصح تبرد
ادم : تقدري تعاودي تسخنيها
عوجت فمها و رجعت راسها لجهة الكارو موراها جازو على فاطمة و رجعو للدار طلعوا القضيان ؛ ادم دخل لشمبرته و رنيم فاطمة راحو للكوزينة
رنيم : ماني خلي نسقملك القضيان
فاطمة : بلعقل ريحي و افطري منبعد ساهل
رنيم : نتي فطرتي ياك
فاطمة : ايه ايه حطولنا الفطور
رفدت رنيم الماكلة حطت تسخنها
رنيم : الماكلة بردت تعرفيني نكرهها باردة و وليد وليدك قالك ما توسخوليش الطونوبيل و انا قريب ما مت بالجوع ماني
فاطمة : بعيد الشر عليك ... هو عندو واحد الطبايع ربي يستر و يلطف ؛ ما يحبش لي ياكله فالطونوبيل ولا يوسخهالو تشوفي خطرة يقين مسكينة ساحلها الجو تما واش نقولك بيتها كحلة علينا هذاك النهار من وقتها مسكينة تموت و متركبش معاك
للكاتبة you__chroniquedz
حطت ماكلتها فوق الطابلة و قالتلها
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
