دخلت للدار و رحت ديراكت لشمبرتي رميت هدوك الساشيات فالارض و قعدت فوق البونك حاسة قلبي واجعني ستغفرت ربي و نضت غسلت و بدلت و رتبت الحوايج لي شريتهم و طحت رقدت مالعيا ماحسيت غير بسولا تنوض فيا
سولا : رنيم نوضي راكي رقدتي بزاف
تفاطنت وقت بدات تلعبلي بشعري
رنيم : شحال راهي الساعة
سولا : التسعة تاع ليل
رنيم : صحنضت من بلاصتي
رنيم : رقدت بزاف
سولا : ايه و محبيناش نوضوك كنتي تباني عيانة ... خليك مالرقاد وريلي واش شريتي
رنيم : استناينضت جبدتهم و قعدت نوريلها فيهم ؛ عقدت حواجبي وقت سمعت صوت الباب
رنيم : شكون جا !!
سولا : اههه سور ماما و بابا هبطو منعند ماني فاطمةنضت من بلاصتي
رنيم : وعلاش واش صرالها
سولا : زاد عليها الحال و داوها لسبيطار مقبيل
رنيم : وعلاش مقلتليشخرجت نجري لقيت ماما تنحي فخيمارها و بابا قاعد غير شافني تبسم
رنيم : كيفاش راهي ماني
يوسف : راهي مليحة دوكا
رنيم : بصح كانت مليحة واش صرالها
يوسف : لي فهمتو بلي سكر تاعها محبش يهبط سما داوها دارولها ليزاناليز و رجعولها دير الانسولين زوج خطرات فالنهار
رنيم : نقدر نطلع نشوفها دوكا
حياة : وين تطلعي فنص الليل
رنيم : بصح
حياة : متخلينيش نتبلى بيك دوكا قلت لالا
يوسف : خلاص بنتي غدوة و روحي طلي عليها
رنيم : ان شاء اللهرجعت لشمبرتي مقلقة عليها ؛ قعدت فالبونك منبعد رفدت تليفون عيطتلها مرفدتش رجعت عاودت حتى رفدت
رنيم : الو ماني كيفاش راكي تحيرت عليك
ادم : الو رنيمجاني صوتو تكوانسيت فبلاصتي
ادم : الو
رنيم : الو ... ماني مكانشها
ادم : راهي راقدة دوكا كي تنوض نقوللها تعاودلك
رنيم : ايه ؛ تصبح بخير
ادم : bonne nuitكوبيت حاسة روحي نرجف كامل ، خبطت وجهي سقلات خفاف مرة و زوج و ثلاثة مفهمتش واش راهو يصرالي عمري ما حسيت بهاذ الاحاسيس لي مرانيش فاهمتها استغفرت و رجعت رقدت
صباح جديد و احداث و سورتو شخصيات جديدة :
نضت صباح و غسلت وجهي ؛ رحت للكوزينة لقيت ماما و سولا يسقهواو
رنيم : صباح الخير
سولا : صباح النور
رنيم : بابا وين
سولا : راح ينوض الطونوبيل باش يوصلني
حياة : ايه هيا خفي متخليهش يستنى
سولا : خلاص راني هابطةرفدت حبة قاطو و خرجت
رنيم : انا كملت ؛ ماما تحبي نطيب لفطور
حياة : لالا قعد الروز تاع لبارح ؛ و نتي واش كليتي باش كملتي
رنيم : تعرفي ماكلتي هكذا
حياة : اقعدي هكذا حتى تحكمك لانيمي
رنيم : احمم ؛ ماما انا نطلع نشوف ماني قعدت متحيرة عليها
حياة : واش طلعك صباح ربي ؛ خلي عشية و طلعي طلي عليها و هبطي مخصنيش هدرة الناس ياك منقبل مكنتش نمنعك تروحي بصح دوكا عندها راجل فالدار
رنيم : ماما بصح واش دخل هذا فهذا ؛ ادم خاطيني انا طالعة عند ...
حياة : رنيم متخلينيش نوض ليك جاية تعلميني دوكا ؛ الناس وقت تشوفك كثرتي دخلاتك و خرجاتك متحوسش تفهم اذا رحتي عند فاطمة ولا ادم يخرجو ديراكت الهدرة ياك تعرفي الهدرة كيفاش تخرج
رنيم : ايه خلاص ماما فهمتنضت من بلاصتي فرزت الطابلة و رحت درت دوش خفيف منبعد خرجت و رحت للكوزينة حبيت ندير حاجة حلوة ؛ درت les tartelettes
واحد ساعة و نصف كنت كملت حطيتهم فلفريجيدار و سخنت الفطور ، فطرنا صليت صلاتي و قريت شوية قران منبعد نضت بدلت البيجامة و لبست جبة درت خيماري و وجدت طبسي فيه تارتولات و طلعتدقدقت شوية هكذا فتحتلي وحدة الباب ؛ تشبه بزاف لادم تبسمت و قاتلي
يقين : انعم
رنيم : جيت نشوف ماني فاطمة
يقين : اههه تفضليدخلت للداخل سمعت الحس حسيت روحي حشمت عرفت كاين الغاشي
يقين : جوزي
........
دخلت يقين و رنيم للصالون ؛ لقاتهم كامل ملمومين تما حتى من سيف و هبة
فاطمة : راهي جات الزينة تاعي ارواحي
راحت عندها عنقتها
رنيم : كيفاش راكي ماني
فاطمة : الحمد لله يا بنتي
رنيم : خوفتيني عليك
فاطمة : وعلاش الخوف و زيد انا حبيت ندلل شوية عليكم و بلعاني محبيتش نعيطلك بارسكو قالي ادم عيطتي قلت دوك سوور تطلع و فالاخر طولتي باش جيتي
رنيم : عاونت ماما فالشغل و غير كملت جيت
فاطمة : ايه ... هادي هي رنيم لي نظل نحكيلكم عليها رنيم هنا كامل يعرفوك
يقين : اممم ماني ظل تحكيلنا عليك
فاطمة : هاذي يقين اخت ادم الصغيرة و الوحيدة و هاذي رحمة يماه و مروان خوه الكبير و هاذي مرتو رباب و وليدي و نور عينيا منصف بابات ادم و هذا وليدي الكبير عبد النور
رباب : معرفة خير ان شاء الله رنيم سمحولي نروح نبدل حوايجي
فاطمة : خوذي راحتكراحت رباب تبدل حوايجها باسكو معندهمش شحال ملي لحقو هي و مروان
كملوا تعرفو على بعضهم وسط قسرتهم و ضحكهم خليني نعرفكم بالشخصيات الجديدة
يقين : 18 سنة اخت ادم هذا العام جوز الباك طفلة عاقلة بزاف و هادئة
مروان : اخ ادم الكبير عمره 35 سنة مزوج برباب اللي عمرها 27 سنة و راهي اونسانت بوليدهم الاول
منصف : اب ادم 63 سنة
رحمة : ام ادم 56 سنة
عبد النور : هو عم ادم الكبير و الوحيدبالنسبة للشخصيات مدققتش فيها بارسكو راح تعرفوها كثر مع الكرو
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛