انت املي _ باللهجة الجزائرية 🇩🇿 _

بارت 14

رنيم : هاكي تعرفي تهدري و نتي ظلي تقولي منعرفش نخرج كلمة مسقمة من فمي
ريحاب : ههه اسمعي نروح نشوف الولاد
رنيم : ايه ماما انا وقت الفطور خلاص

........

كملت خدمتي و خرجت ؛ الحمد لله اليوم وصلت بكري للدار مكانتش سيركولاسيون
غير وصلت دوشت منبعد خرجت للشمبرة قاعدة نشف فشعري منبعد قلت وعلاش منوجدش حاجة حلوة للسهرة بحكم غدوة ويكاند

عيطت لسولا لي كانت مزال مجات من ليسي قتلها جيبلي رطل لوز و لابات فيلو ، كملت نشفت شعري و رحت للكوزينة وجدت العشاء و وجدت للسهرة و تلمينا انا و ماما و سلسبيل فالصالون مع التليفيزيون وسط القسرة لي قليل وين نقسرو بيناتنا هكا

كي لحقت 12 تاع ليل ماما راحت رقدت و انا و سولا فرزنا الحالة و كل وحدة راحت شدت بلاصتها ؛ رحت ندني الريدو شفتو هذاك وين جا ، تفكرت صباح مخلانيش ممبا نشكرو و لا و راح رجعت لبلاصتي و طفيت الضو قريت اذكاري و رقدت

.....

صباح جديد و احداث جديدة :

ناضت صباح رنيم غسلت وجهها صلات و راحت باش تدير الميناج و حياة شدت الطياب ؛ بدات رنيم تفرز منبعد دارت شال على راسها و خرجت برا جيب تابي لي قدام الباب باش تغسلو ، هي غير خرجت قابلها ادم هابط

رنيم : صباح الخير
ادم : صباح الخير
رنيم : ... ادم مارسي على واش درت معايا البارح
ادم : ... انا كي شفتو ديرونجاك برا لي عاونتك سينون مكان مدخلني

تبسمتله تبسيمة فوق قلبها ؛ فهمت المعنى تاعه تاع معاونتكش باسكو سمعت بحكايتك ولا حبيت نعاونك هو هبط و هي رجعت للدار كملت الميناج منبعد فطروا و لعشية هذيك دارت شوية حلوى للقهوة منبعد وجدت طبسي حلوى و راحت دارت خيمارها و عبايتها و طلت على يماها قلتلها

رنيم : ماما راني طالعة ندي لحلوى لماني فاطمة
حياة : روحي و نقصي الروحات هاذو متنسايش عندها عازب فالدار دوكا
رنيم : بصح ...
حياة : وشنو بصح
رنيم : خلاص والو نطلع نديهولها شوية و نهبط اصلا ادم مكانشه
حياة : ايهيه ولا علبالك بدخلات و الخرجات تاع مسيو ادم هكا
رنيم : لالا ماما بصح صباح كيما خرجت نجيب تابي شفتو خرج
حياة : و مشفتيهش اذا رجع ولا لالا
رنيم : ماما
حياة : هيا خلاص روحي 

رنيم تحكي :

طلعت بالزربة حتى نشوف خديجة داخلة لدارهم خزرت فيا بنص عين

خديجة : اوهوه كثرو طلعاتك و هبطاتك رنيم

طلعت ديراكت و خليتها سمعت الباب تخبطت ضحكت و طبطبت ستنيت شوية و حلتلي

رنيم : فطوم وشراكي
فاطمة : مليحة ... جوزي جوزي

حطيت الحلوى فوق الطابلة و قعدت 

فاطمة : ايه واش درتي فيها فحكاية ختك
رنيم : كيفاش واش درت ياك ادم هو لي هدر مع فؤاد
فاطمة : اهه صح محكاليش
رنيم : اممم
فاطمة : خلي نجيب طبسي نذوق حنة يديك

تبسمت و هي ناضت جيب الطبسي حتى نشوفها تمايلت و جات راح طيح نضت نجري ليها

رنيم : ماني وشبيك راكي مليحة
فاطمة : اممم
رنيم : ارواحي

قعدتها و درت ليها

رنيم : ماني وشبيك
فاطمة : منعرف مصبح و دوخة تلعب عليا
رنيم : تحبي نجيبلك حاجة
فاطمة : لالا وصليني لشمبرتي برك حابة نتكسل حاسة روحي فاشلة
رنيم : ايه ارواحي

عاونتها و ديتها لشمبرتها ، غطيتها و قعدت قدامها

رنيم : غدوة لازم تروحي للطبيب ياك شوفي واش بيك
فاطمة : راني مليحة تكون هبطتلي لاطونسيون برك
رنيم : استناي نجيب نقيسهالك

قستلها لاطونسيون لقيتها نورمال منبعد زدت قستلها السكر لقيتو 3 غرام و نصف خفت يكون حكمها السكر باسكو راهو طالع بزاف

رنيم : ماني غدوة ان شاء الله لازم تروحي ديري ليزاناليز سكر تاعك راهو طالع
فاطمة : ايه ان شاء الله

سمعنا الباب تصوني

فاطمة : هذا يكون ادم جا رنيم تعيشي سخني لفطور و حطيهولو

درتلها براسي ايه و رحت فتحت الباب ، خزر فيا مستغرب واش راني ندير هنا حمحمت و قلتله

رنيم : ماني راهي عيانة شوية
ادم : وشبيها !!
رنيم : حكمتها دوخة

دخل ديراكت عندها

ادم : ماني كيفاش راكي
فاطمة : يووه راني مليحة رنيم راهي تزيد عليها برك

باسلها راسها و قاللها

ادم : خلاص نتي ريحي دوكا ياك ؛ كشما تسحقي قوليلي
فاطمة : ايه

خرجت مخليتهم على راحتهم ؛ رحت للكوزينة حطيت الفطور يسخن منبعد سربيتلو فطبسي و وجدت الطابلة ، رحت لشمبرة ماني ملقيتوش عرفتو فشمبرته ؛ رحت حشمانة طبطبت بلعقل شوية هكا فتحلي الباب

ادم : انعم
رنيم : نعمتك دايمة ... هو ماني قاتلي نحطلك الفطور
ادم : .... ايه دوك شوية نجي

رجعت للكوزينة خدودي ولاو حمورا تلقائيا رفدت الماعن لي كانت فطرت بيهم ماني نغسل فيهم حسيت بيه وقت دخل و قعد يفطر غير كملت نشفت يديا و درت بلعقل

رنيم : ادم

طلع راسو و قالي

ادم : امم
رنيم : هو كنت حابة نقول اذا ... اذا غدوة تقدر تدي ماني دير ليزاناليز سينون انا نديها باسكو سكر تاعها كي قستو لقيتو طالع