ناضت و خلاتها
ريهام : رنييم ... وشبيها هاذي
في جهة اخرى :
فواحد الريستورون كان قاعد يدير فالتليفون حتى وقفت فوق راسو ضامة يديها لصدرها
ميرا : خير وعلاش جايبني لهنا
غيث : ريحي يا لالة وشبيك راح ناكلك
قلبت عينيها و قعدت
ميرا : راني نسمع فيك
غيث : واش تاكلي
ميرا : الرهج ... غيث متهبلنيش واش تسحق تعيطلي صباح تقولي ارواحي نسحقك و دوكا قاعد تتبهلل
غيث : ههه كنتي قادرة متجيش صح
ميرا : انا الجايحة لي جيت
رفدت ساكها نايضة عاود رجعها
غيث : وشبيك تاكلي فروحك لي يشوفك كيفاش كنتي مع رامي البارح ميقولش هاذي هي ميرا
ميرا : نتا و رامي ماشي كيف كيف
غيث : هكذا ... واشنو هو الفرق قولي ماشي البارح برك كنتي ميتة عليا و تحللي فيا باش نكونوا كيف كيف واش لي تبدل
ميرا : هذيك من قبل من قبل كنت نحبك بصح دوكا وليت نكرهك و نعيفك اذا حبيت نفكرك بلي درتو مالغري كامل واش درت باش نسقم بيناتنا مالغري وقفت معاك فالشدة و فالفرح فالاخر خنتني فالاخر كسرت قلبي و جرحتني و اليوم يا غيث لوكان يخيروني بين الموت و بين نكون معاك نخير الموت اهونلي
خزر فيها خزرة ندامة و انكسار ؛ تبسم بقهرة
غيث : عندك الحق نتي تستاهلي كل خير و انا منستاهلكش .... جبتك برك باش نمدلك الكادو تاع لانيفارسار تاعك
جبدلها باطة حطهالها فوق الطابلة و راح ؛ هي دموعها طاحو ؛ حطت يدها على فمها تكتم فشهقتها رجع بيها الوقت لعام من قبل
قبل عام :
ميرا : هذاوين تفكرت بلي لانيفارسار تاعي جازت لولبارح
غيث : ميرا تعرفيني ننسى بزاف
ميرا : بصح كل عام هكذا و كل عام نستناك نتا الاول لي تعايدني
غيث : خلاص العام الجاي اذا منسيتش نجيبلك الكادو تاعك نهار لانيفارسار تاعك
ميرا : هكذا قتلي العام لي فات
العودة للحاضر ****
مسحت دموعها و تبسمت
ميرا : ههه شحال من عام متفكرتنيش فنهار لانيفارسار تاعي و اليوم و الاول تتفكرني
رفدت الباطة و فتحتها لقاتها سنسلة تاع الذهب فيها motif تاع فراشة بارسكو تحب بزاف الفراشات تبسمت و رجعتها لبلاصتها
.........
غير وصلت شافتها قاعدة
ميرا : كوبي خلاص راني شفتك
راحت قعدت معاها و سلمت عليها
ليال : وشراكي
ميرا : سافا سافا و نتي
ليال : لباس ايهيه وين كنتي طولتي
ميرا : مع غيث
ليال : غيث !!! متقوليليش وليتو
ميرا : لالا مدلي كادو تاع لانيفارسار
ليال : غيث
ميرا : اممم
ليال : تطور ملحوظ وريلي واش جابلك
ميرا : استناي .... هاكي
ليال : ايهيه عندو ذوق شباب و زيد حافظ واش تحبي و واش لالا مليح
ميرا : متبدايش ديري لحكايات وحدك
ليال : ايه خلاص
ميرا : قوليلي لوخرين مزال باش يجو ؟؟
ليال : سيف و هبة قريب يلحقو و غيث و ادم راح يجوزوا لرياض قبل
ميرا : رياض
ليال : ايه وعلاش
ميرا : لالا والو
ليال : وشبيك وعلاش تقلب وجهك هكذا
ميرا : ليال هي سمعت واحد الحاجة
ليال : واشنو هي
ميرا : .... نهار العشاء تاع وليد مروان .....
ليال : ايه كملي خرجتيلي قلبي
ميرا : سمعت رياض يهدر مع هبة قاللها بلي يحبك و ... و هاذ الحكاية من وقت كنتي مع ادم و كانت جيه صعيبة يشوفك معاه هي يعني .... الحب ميقدرش الواحد يتحكم فيه بصح معلاباليش كيفاش قدر يحط عينو على لي معاها صاحبو
ليال : هذا صح ميحشمش و كيفاش يزيد يحكي فيها و وجهو صحيح ... كان لازم وقتها نحكي بيه باش ميزيدش يصحح وجهو
ميرا : على واش تحكي ؟؟؟
ليال : ..... هاذ الحكاية عندها واحد العامين انا سكتت و محبيتش ندير المشاكل وقتها كان الفيونصاي تاع هبة و سيف
*****
كنت قاعدة ف la terrasse نتصور حتى حسيت ببنادم مورايا كي دورت لقيته رياض
ليال : رياض وشبيك غير الخير ؟؟؟
كان ساكت و غير يخزر فيا منبعد دنا عندي و قالي
رياض : راكي شابة اليوم بزااف
ليال : رياض راك مليح !!!
رياض : مرانيش مليح ليال مرانيش مليح
حط يدو على شعري و قعد يدنا حسيتو دايخ كامل
رياض : رياض انا .... انا
وقتها طبعتو كنت خايفة ملي راح يقولو و ضربتو بكف
ليال : نتا صح متحشمش ماشي مربي
رياض : ليال ... ليال اسمحيلي معلباليش كيفاش
ليال : بلاك تزيد تهدر معايا بلاك
*****
ميرا : اياااه و وعلاش مهدرتيش
ليال : قلت غلط و نغلق على الحكاية خير ما يصراو مشاكل بين الصحاب بصح هو محبش يحشم و ...
ميرا : اسكتي راهم جاو
سلموا على بعضهم و قعدوا و ليال قاعدة تخزر فرياض بغل حتى ولى يهبط فراسو
سيف : عندي ليكم خبر يفرح عمو منصف قريب يرجع
ميرا : اههه هذا خبر يفرح و وقتاش يجي
ادم : منا على سمانة ولا زوج
ميرا : مليح
هبة : ايه و ولادو تفاهموا يشريولهم دار هنا تكون قريبة لدار ماني باش منها يقعد قريب منهم و منها على لي كونترول يكملهم هنا فالسبيطار باش مجيهش بعيدة
ميرا : مليح و يقين كيفاش تخسرولها قرايتها هكا
ادم : لالا راح تكمل واش قعدلها عند مروان اصلا مبقاش بزاف و جوز الباك منبعد جي تسكن هنا
ميرا : ان شاء الله
غيث : على هاذي يا سادة وجدو روحكم هاذ اليامات عندكم خدمة راح نروحو نكملوا les finitions لي قعدو فالدار و تسيقوها و باش نحطوا القش
ميرا : super انا راني واجدة من دوك
يتبع 💚💚💚 .....
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
