في خاطر هذوك الشابات و متتبعاتي الغاليات لي زدت حطيت بارت و هذيك لي تقرا و تهرب راح نبلوكيك 😂😂 نتقعد المهم خليولي ارائكم و اقتراحاتكم نحبكممم 💚
راح لشمبرته غير فتح الباب قابلته رنيم خارجة و فيدها الطماطيش بارسكو فاطمة كانت حطت الفاكهة و الخضرا فالشمبرة بحكم دارها شوية صغيرة ، شافته داخل محبتش تخزر فيه حتى تلقى ليال جاية مواراه رجعت عينيها لعينيه خزرت فيه بنظرة انكسار خرجت و خلاتهم ؛ ليال دخلت و تكات الباب موراها
ليال : واش حبيت ادم
ادم : اخطي **** **** ليال نتي محبيتيش تفهمي بالملاحة
ليال : وعلاش راك تهدر هكذا واش درتلك
ادم : كيفاش جي تسلمي عليا هكذا قدامهم نورمال
ليال : ههه اههه حبيت كي نكونو وحدنا
ادم : ليااال
ليال : خلاص واشنو سلمت عليك من خدك واش صرا
ادم : و حكاية لي كادو هادو حبسيها
ليال : حتى فماماك و دخل روحك
ادم : راكي قلتيها يما منسحقكش تتقربي ليها بهاذ لي جاست اذا راكي حابة نقعدو ملاح مع بعضنا سقمي روحك
ليال : ههه تربح فالعيب عيني عينك
ادم : تعرفي معنديش بروبلام
جا خارج نطقت
ليال : نتا لي درتها بيدك ادم نتا لي دخلت لحياتي و خليتني نحبك
ادم : من النهار الاول قتلك منحبكش نتي مطلقتيش سما نتي لي درتيها بيدك ماشي انا
خرج و خلاها
......
بعدما كملوا راحوا تلموا فالصالون كامل ليال دخلت مع الاخر كامل مشنفة
رياض : اهه ليال جيتي مشفتكش
مسمعتوش ممبا و قعدت مشنفة ميرا قاعدة تسقسي فيها بلعقل واشبيها هبة كانت واقفة قدام الباب خزرت فادم و تبسمت رياض خرج و يقين دخلت غير شافت ادم راحت قعدت قدامه
ادم : راهي جات الزينة تاعي
جبدها عندو عنقها يسلملها على راسها
يقين : ملي رحت علينا وليت متحوسش كامل عليا
ادم : خسارة عليك انا منحوسش على ختي مرات برك نكون مشغول
مروان : زعما انا ماشي خوك تحوسي عليا ولا جي عندي صحا صحا
يقين : متزعفش مروان بصح انا نحب ادم
ادم : هاي الهدرة الشابة
هبة تبسمت و خرجت ؛ و رنيم خزرت فيهم و زادت خرجت
راحت للكوزينة تمسح فرقبتها
رنيم : ربي يجوز النهار تاع اليوم على خير
فاطمة : رنيم وشبيك
دورت راسها مخلوعة
رنيم : ماني راكي هنا مشفتكش
فاطمة : ارواحي اقعدي
......
فاطمة : وشبيك ... وعلاش كنتو تضاربو نتي و ادم لبارح
رنيم : .... ضارب معايا قالي متزيديش دخلي روحك محسوب انا مرانيش فدارنا على هاذي
فاطمة : اياااه وعلاش هدر هكذا بلاك مفهمتيهش برك ميهدرلكش هكذا بلا سبة
رنيم : قصدك انا درت حاجة عيانة
فاطمة : لالا بصح سوور مفهمتيش قصدو
رنيم : نتي شفتيه كيفاش كلاني البارح لوكان تشوفيه كيفاش كان يدير لختو تحيري وعلاش بارسكو هي ختو ميحبش عليها بصح انا كلما يتقلق يخرج زعافو فيا حتى ليال كيفاش يعاملها تح ....
سكتت وقت لقات روحها بدات تهدر برك
فاطمة : كملي وشبيها ليال
رنيم : والو ..... ماني انا نهبط لدارنا منبعد شوية نجي
.....
رياض كان قاعد فالدروج و حاط راسو بين يديه ؛ اليد لي تحطت على كتفه فطنته طلع راسو و تبسم
رياض : هبة
قعدت قدامه
هبة : وشبيك وعلاش رحت و خليتنا
رياض : اهه والو تعرفيني منحبش هاذ التجمعات بزاف
هبة : اممم ... رياض
رياض : اهه
هبة : تحبها
رياض : اههه شكون 😅
هبة : متسييش تكذب هذا شحال و انا نروماركي فيك
تنهد
رياض : ايه
هبة : صارحها خير متقعد مخبي هاذ les sentiments فقلبك
رياض : ههه حسبتلك ساهلة هبة و زيد ... هي الاكس تاع صاحبي مجياش اصلا والفت يعني وقت كانوا كيف كيف و قدرت نجوزها سما دوكا نورمال
هبة : وش دخل ادم فالوسط
رياض : هبة مجاياش كيفاش نكون مع المراة لي كان معاها صاحبي و هو بلاك مزاله يحبها سوور ميحبش
هبة : رياض راك قلتنا كان معاه كان بصح مراهوش معاها دوكا و زيد هو مالاول محبهاش باش يحبها دوكا و بالعكس مراح يكون عندو حتى بروبلام اذا وليتو كيف كيف و فرضا محبش حبس ما تخمم فراي الناس
رياض : فرضا عندك الحق ؛ ليال راح تقبل بيا هااا اذا رحت قلتلها راح تزيد تكرهني هي اصلا ماشي معبرتني ههه و مرانيش من genre تاعها عينيها يشوفو غير ادم حبينا ولا كرهنا
سكتت هبة بارسكو لقات بلي عندو الحق
رياض : هبة نطلب منك حاجة لي هدرناه يقعد بيناتنا
هبة : باينة
رياض : حتى سيف مراحش يسمع
هبة : كونك مهني
عند رنيم :
قاعدة تهدر مع ريحاب توريلها فالطريق حتى تلقت الباب تاع شمبرتها تفتح كانت سولا و معاها هبة
هبة : نقدرو ندخلو
رنيم : اههه بيانسور .... ريحاب كي تلحقي عيطيلي ... صحا باي
سولا : رورو عندنا ليك سوربريز
رنيم : خير ان شاء الله
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
