و جازت السمانة هاديك تجري وسط التوجاد و لحق نهار الخطبة النهار لي ستنيتوه نتوما و كامل ابطالنا
فدار رنيم تقدرو تسمعو الحس من برا ؛ خواتاتها دار خوالها بنات عمها و عائلتها كامل تما
دخلت لجين للكوزينة
لجين : اههه يا ماما تعيشي مديلي لماء
قعدت فوق الكرسي حاطة يدها على كرشها لي وصلت لفمها
حياة : هاكي ؛ وشبيك راكي مليحة ياك قتلك متعييش روحك
لجين : معييتش روحي بصح امير خرجني من عقلي دوك عيطت لباباه جا خرجو لبرا
حياة : ايه مليح بلاكي تولديلي برك لهنا و تفسديلي نهار لي مستنيتو هذا شحال
لجين : ماما مزالي شهر باش نولد
حياة : لالا الزهر تاع ختك نعرفو يجيك السطر قبل شهر اصلا مزال مرانيش مامنة بلي راني نوجد للفاتحة تاع رنيم
لجين : ههه الزهر داتو كامل هيا صبرت صبرت و دات راجل على الصح ربي يكمللها ان شاء الله كي تروح تروح تعيش فوق القطن حسبتلك حنا روحنا قعدنا فنص شمبرة مع اللفعات تاع اللوسات و معاهم يماهم
حياة : ايت بلعي دوك تزيدي تضربيها بعين متصدقلهاش
رنيم كانت فالشمبرة و معاها هبة و ريحاب و شوية بنات من فاميلتها
ريحاب : شعرك خرج يهبل
رنيم : صح حاستو جا شارجي بزاف لالا
هبة : راهو مليح رنيم غير كي نتي والفتيه مطلوق .... شوية هكذا افطري و نماكييلك
رنيم : كيما تفاهمنا بلاكي تبلحطيني ... ديريلي حاجة خفيفة
هبة : ميكون غير خاطرك
......
صونا الباب و راحت ريهام تفتح لقاتها خديجة
ريهام : خديجة ادخلي
دخلت مترددة
ريهام : ارواحي وشبيك ... ياك كيما تفاهمنا
خديجة : ايه وشبيك مديريش فيا كونفيونص
ريهام : هيا امشي
وصلوا قدام شمبرتها فتحت الباب و دخلت
ريهام : رنيم
رنيم : اههه ريهام وين كنتي هداوين جي
ريهام : رنيم خديجة راهي هنا راهي حابة تشوفك
سكتت رنيم و دارتلها براسها ايه ؛ لي تما خرجو و قعدت غير ريهام ، خديجة و رنيم
ريهام : رنيم خديجة راهي حابتك تطلب منك السماح
خديجة : حابة نطلب منك السماح على واش صرا بيناتنا
رنيم : راكي مسامحة لي جاز جاز
خديجة : و على ادم .... قاتلي ريهام بلي سمعتينا على هادي حبيت نوضحلك حاجة انا هداك كان طيش و تمسخير ههه راكي تعرفيني سينون مراني دايرة والو فراسي
ريهام : هكذا باش متحطي والو فبالك رنيم خديجة فالوقت هذاك صح ... كان يعجبها ادم بصح دوكا مدام راهو خاطب هي راهي جابدة روحها
خزرت مع خديجة نص منها ماشي مامنها تبسمت وفوق قلبها و قالت
رنيم : مام نتي ما ديري والو فراسك .... انا لي حبيت نعرفو ديت نهار لي قلتي لادم بلي تحبيه بالمختصر لا نتي ولا غيرك ولا واش يحسو معاه يهمني لي يهمني ادم و لي يهمني بلي اليوم راح يفتح عليا انا على هاذي متقلقيش روحك مراني دايرة والو فراسي
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
