سعاد : بصح حنا مقلتيلناش عندك سبع فالدار يا لالة وشمن طول وشمن عرض عينيه تبارك الله اههه
فاطمة : واش حسبتلك انا ولادي و ولادهم كامل الله يبارك عليهم الزين لخوه
حياة : ههه كل خنفوس في عينين يماه غزال
سعاد : ههه كيفاش ادم ولا خنفوس
حياة : ههه لالا هو صح الله يبارك عليه
سعاد : يا ختي يشبه لهاذوك تاع المسلسلات ايه مقلتليش ماشي مزوج
فاطمة : لالا تشوفي يماه مسكينة عيات فيه والو محبش
سعاد : يا فاطمة يا ختي وعلاش متحطوش على رنيم
كحت رنيم و عينيها خرجو من بلاصتهم و حياة ضربتها بتبسيمة
فاطمة : لوكان فيدي يا سعاد ختي ماشي حتى تقوليلي
سعاد : الطفلة واش خصها زين و العينين و هذاك الفم و لاطاي الشعر فايت ظهرها و البيوضية و الكلام المعسل و التربية واش نزيد تاني
فاطمة : ماشي حتى تقولي ، خلينا نسقسوها نشوفو رايها واش رايك فادم رنيم
رنيم وجها راح الوان و جا الوان 😂
رنيم : ااا ... مجاياش لي راكم تقولو فيه
ناضت من بلاصتها و راحت تجري
سعاد : ههه حشمت
في اليوم لي بعده :
وصلت رنيم للحومة و فيدها الساشيات لي كانت شراتهم تفكرت خواتاتها لي جاو اليوم تبسمت ، شافت ادم وصل بالطونوبيل تبسمت كي تفكرت واش دار معاهم البارح ماجات توصل للباطيمة كان هو وصل ليها
رنيم : مساء الخير
ادم : مساء الخير
طلعت رنيم و هو موراها
.....
فتحت الباب بلعقل خافت تشوفها يماها و سلمت عليها
ريهام : وشراكي
خديجة : سافا ... شفتي وين وصلنا ولينا نتلقاو بالتخبية تقولي سراقين
ريهام : معليش يمات و يروحلها ماما الزعاف
خديجة : انا لي نعرف طاطا حياة و كي تزعف من بنادم متوليلوش معليش قوليلي كيفاش راهي سولا
ريهام : راهي مليحة و حنا جينا هنا معاها منها نشوفوها و منها نقعدو معاها
خديجة : مليح ... حقا شكون هذاك لي جابهم البارح
ريهام : هااا هذاك قاتلي ماما ادم وليد وليد ماني فاطمة جارتنا
خديجة : ايييه العجوز خرجت تفلح جابت الزل هذاك يا ختي وتشوفيه ذاك الكور و الشعر رطب على شعري واش نحكي واش نخلي
ريهام : وقتاش لحقتي تقرعجي عليه
خديجة : شفتو البارح كي جابهم و الصباح من التاقة كي خرج ايما كون غير مشفتوش النعاس و طار عليا بسبته
ريهام : خديجة احشمي متنسايش راكي مخطوبة
خديجة : بففف وشبيك حكينا برك
ريهام : هااا راهي جات رنيم
دارت خديجة و شافتهم طالعين مور بعضهم ، عينيها لسقو فادم
رنيم : مساء الخير
و جازت عليهم و خلاتهم ، قلبها مزال واجعها منهم من اخر ضربة داروهالها ، وخديجة لي عينيها محبوش يهبطو و هو مخزرش ممبا فيها و طلع
ريهام : خديجة انا ندخل
خديجة : اممم
خديجة تبسمت و راحت قدام الدروج لي طلع منهم و طلعت راسهم
خديجة : جايباتك جايباتك
ضحكت و دخلت لدارهم
اليامات جازوا بالخف اليوم جاز شهر على رنيم فخدمتها لي والفتها ، مكانش تطور كبير فالحكاية من غير انه رنيم و ادم يتلقاو تقريبا كل يوم فالدروج يصبحو على بعضهم بصح لي جاي راح يبدل الحكاية لي جاي صعيب زعما تقدر رنيم تتجاوزه
......
رنيم : سولا ختي كملتي
دارتلها سولا براسها ايه
رنيم : هيا مالا التاكسي يكون لحق
اليوم راح نروحو نديرو ليزاناليز لسولا ؛ قلت لماما تريح تخليني نديها بزاف عليها عيات حتى من الشغل موليتش نعاونها فيه بزاف ؛ ديت نهار تاع اليوم و ريحاب شدت بلاصتي هي الوحيدة تما لي وليت قريبة نوعا ما منها شدينا تاكسي و دوكا رانا فالطريق قاعدة نخزر فسولا لي مفهمتش واش بيها حاسة بيها حاجة و محبتش تحكي استغفرت ربي و نفضت من راسي هاذ الافكار و كيما كان الحال رحنا و جازت على خير صحتها ولات خير ملي كانت عليه ، قعدنا واقفين برا نستناو فالتاكسي
رنيم : تسحقي حاجة سلسبيل
سولا : ااممم عطشت
رنيم : استنايني هنا نروح نشريلك من تحت و نجي
سولا : داكور
هبطت شريتلها قرعة ما و جو و انا رايحة نقطع الطريق نلقاها واقفة مع واحد يجي تقريبا فعمري يعيط عليها و هي تبكي و تحلل فيه عقدت حواجبي و رحت عندهم
رنيم : واش كاين هنا
فؤاد : شكون نتي واش دخلك
رنيم : انا ختها احترم روحك
فؤاد : هاا راهي جات ختك
سولا : فؤاد خلاص تعيش روح
فؤاد : مقلتليش بلي ختك شابة هكذا
رنيم : قتلك احترم روحك خير ما نلم عليك الناس
خليولي ارائكم الزينات 💚💚
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
