هاااي ؛ البنات بالنسبة للي معلبالهمش انا كل اثنين منحطش راهو يوم راحة سما نهار اثنين غير متسقسيوش على الحلقات اذا كاين المهم هاذ الحلقات تاع غدوة ان شاء الله بارسكو منقدرش نحط غدوة بحكم مندخلش بكري للدار سوووو قراءة ممتعة و هاذ الحلقات راهم طوال قيس 3 حلقات 💜
ادم : هكذا يا **** تضربها شفتها حيوان قدامك رخيس و طحان
مروان : اعرف واش راك تهدر ادم
ادم : اطلقني نتا .... يديك نكسرهملك على جالها قتلك هديك لمرة مراهييش بنتك متمسهاش راك تفهمممم
فاطمة : خلاااص احشمو راكم كبار كيفاش تضاربو و باباكم يشوف فيكم ... ادممم حبس
رحمة : ادم كيفاش تضرب خوك كبير عليك قوول هبلت وقتاش وليتو تضاربو كيما العديان نسيتو بلي راكم خاوة
ادم : مدام هو الكبير فينا لازم هو يكون رزين فينا مشفتيش كيفاش نفخها وجهها مراهوش يبان بالضرب
رحمة : هو غلط بصح ضربها في صلاحها
ادم : هداك تسميه ضرب قولي يما
رحمة : خلاص ادم اغلقو هاد السوجي و كيما قلت مدام باباكم حي هو لي يتصرف مام نتا ماشي من حقك تضرب خوك لي كبير عليك
ادم : ايه انا الغالط اسمحولي .... نقولك حاجة ولادك و دبري راسك بيهم
منصف : اددم اعرف كيفاش تهدر مع يماك
عقد حواجبو
ادم : رنيم روحي جيبي حوايجك نروحو
رحمة : وين راح تروحو ماشي راكم قاعدين هنا
ادم : مقعدلي حتى قعاد هنا
خرج و خلاهم ؛ رنيم عضت على شواربها و طلعت جابت ساكها ؛ فاطمة خرجت مور ادم
فاطمة : ادم وليدي وين راك رايح
ادم : لداري ماني
فاطمة : متديش عليهم هما برك محبوش كي ضربت خوك لكبير
ادم : علبالي ياك دايمن انا لي نخرج غالط
فاطمة : لالا ادم متفهمش النقص مخرجوكش غالط يماك برك محبتكمش تضاربو
ادم : و واش دار فبنتها جاها نورمال
فاطمة : ادم متزعفش ياك متخليش قلبي محروق عليك
ادم : مكان مدخلك نتي ماني معندك وعلاش تتقلقي .... ندوموندي برك منك تعيطي لكاش طبيب يجي يشوف الجرج تاع يقين
فاطمة : كونك مهني
جات رنيم و سولا ؛ و راحو هما فطونوبيل تاعها و موراهم ادم
.......
للكاتبة you__chroniquedz
دخلو للدار و ادم طلع ديراكت لشمبرته
رنيم : سولا ارواحي نوريلك شمبرتك
سولا : ايه
...... وراتلها الشمبرة حطت حوايجها و راحت دارت حاجة خفيفة للعشاء
رنيم : سولا وجدي طابلة نروح نعيط لادم يتعشى
طلعت للشمبرة لقاتو مكسل
رنيم : ادم ارواح تتعشى
ادم : راني حاب نرقد رنيم بصحتكم
رنيم : بصح ....
ادم : اغلقي معاك الباب
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
