غيث : على هاذي يا سادة وجدو روحكم هاذ اليامات عندكم خدمة راح نروحو نكملوا les finitions لي قعدو فالدار و تسيقوها و باش نحطوا القش
ميرا : super انا راني واجدة من دوك
هبة : ليال وشبيك قالبة وجهك
ميرا : هه والو تكون عيانة برك
رياض : اذا عيانة تروح للطبيب
هبة : ايه ليال مراكيش تباني مليحة
ليال : نتا مدخلش روحك
رياض : لي ... ليال انا
ليال : متجبدش اسمي على لسانك فهمت
سيف : اوه اوه عرفي واش راكي طرشي كيفاش تهدري معاه هكذا
ميرا : ليال
دارتلها بعينيها استكتي
ليال : انا نروح خير و نهار لي يكون هذا هنا منسحقكمش تزيدو تعيطولي
هبة : ليال وشبيك واش دارلك وعلاش كل مرة تنبزيه هكذا
ليال : واش دار ههه واش دار قولي واش لي مدارش واحد طحان و رخيس كيما هو تعرف رياض اكثر انسان نكرهو فحياتي هو نتا .... كيفاش قادر دير الحكايات مور ظهري و تقوللهم بلي نحبها و طايح فيها و قلبي تعصر كي كنت نشوفها مع ادم ولا واش قالو هبة
هبة سكتت منبعد قالتلها
هبة : ليال ماشي وقتها هاذ الحكاية
سيف : ههه كيفاش ماشي وقتها واش علبالك نتي
ليال : الفيونصي تاعك هي و رياض ما شاء الله بيناتهم حكايات و اسرار ماشي انا زعما صاحبتك مقدرتيش جي تقوليلي
هبة : ليال راكي تخلطي برك
ليال : هبة مراني نخلط ما والو كيفاش هاذا البنادم لي قدامك يقولك حاجة كيما هكا و مجيش تقوليلي ماشي انا صحبتك اههه واوو كيما راكم متستاهلوش الصحبة هاذي و نتا يا ادم ههه كيف كيف هذا لي حاطو صاحبك غدرك رانا كامل كيف كيف زيدو جبدو واش منعرفوش على بعضنا
ادم : ليال ارواحي نديك لداركم مراكيش مليحة
ليال : راني مليحة
ادم : ليال
ناض عندها حكمها
ادم : هيا نروحو للدار
سيف : لالا حبسو دقيقة كيفاش هاذي رياض جاي تحكي حكاياتك لهبة و هبة انا اخر من يعلم
غمضت عينيها بالتشناف عرفتها دوك تتخلط
هبة : ماشي لازم تعرف كلش
سيف : كيفاش هذا منعرفش كلش هاذي هي لي قلنا منخبيو والو على بعضنا
هبة : بصح هاذي حاجة متخصكش سيف
سيف : شكون نتي باش يجي يحكيلك رياض اذا حنا صحابو و محكالناش
هبة : انا مراحش نهدر معاك نهار تحبس الغيرة الزايدة هاذي وقتها ارواح اهدر معايا
سيف : هبة
رفدت ساكها و خرجت و هو لحقها يعيط عليها
ليال : عجبك الحال مسيو رياض كي درت المشاكل
غيث : نتي لي درتي المشاكل ليال كنتي قادرة تشديه وحدو و تفريوها وغلاش السمير هذا
ليال : مراحش نجي نتعلم من غيث بو البنات ياك
غيث : ليال حانجي نصرفقك
ميرا : لوكان مدخلش روحك ماشي خير
غيث : نتي بلعي
ليال : قتلك رياض هذاك نهار اخطيني و احشم بصح نتا لي حبيت تصرالك هكذا هذا صاحبكم فنهار خطبة سيف و هبة جا ليا كي كنت فالسطح و سيا يدنى ليا و وقتها نفكركم كنت مع صاحبو و هكذاك و سكتت بصح خاين العشرة هذا ميستاهلش الخير و ماليوم منسحقش نزيد نشوفك
خرجت و خلاتهم رياض رجع حمر راسو مقدرش يطلعو
ادم : رياض طلع راسك هنا .... قلت طلع راسك
طلع وجهو لي كان راح يطرطق
ادم : لي قالتو صح .... ( بدا يعيط ) سقسيتتك قتلك لي قالته صح
رياض : صص ... صح .... بصح ادم انا مكانش قصدي غلطت و ...
ما جا يكمل هدرته كان خبطو حتى ساح الدم من نيفو
ادم : انا درت فيك كونفيونص و امنت فيك باش مع الاخر تدنى للمراة لي كنت معاها خسارة العشرة لي بيناتنا
خرج و خلاهم ؛ ميرا هبطت راسها
ميرا : واش داني نقوللها
غيث : هاذ الشي نتيا يا واحد السوسة
ميرا : غيث مرانيش ناقصتك
غيث : ياك تعرفي بلي صاحبتك مهبولة انا و راحت فضحتني قدام يما و بهدلتني
ميرا : و وجهك صحيح تهدر فيها
غيث : راح نحشم منك واقيل
.......
معنقاته و تبكي
ليال ( ترجف ) : ادم انا معندي حتى واحد يحبني فهاذ الدنيا
ادم : ليال ريحي
دناها و قعدها فالبونك تاعها
ادم : متهدريش هكذا عندك باباك عندك مرت باباك حتى هي تحبك و صحباتك
ليال : ههه بابا يحب دراهمه و مرت بابا تحب راجلها انا مكانش لي يحبني حتى نتا و خليتني
ادم : ليال تعرفيني نعزك بزاف بصح باش نحبك منقدرش ديجا قوليلي
هبط عندها
ادم : راكي تشربي دواء تاعك
ليال : مرانيش مريضة انا منسحقش دواء
ادم : علبالي ما بيك والو بصح الطبيب هكذا قالك صح ولا لالا و لا تحبي نعاودو نروحوا عند بسيكولوغ واحد اخر
ليال : بسيكولوغ وعلاش راك تشوف فيا مهبولة ياك قتلك شحال من مرة ما بيا والو بابا برك هدر هكذاك قدامك
ادم : علبالي بصح بسيكولوغ ميروحولوش غير المهابل نتي راح تروحي عندو باش تريحي راسك و بروميلي ترجعي تشربي دواك
دارتله براسها ايه
ادم : و ليال لي درتيه ليوم مكانش مليح كنتي قادرة تقوليلي على لي صرا مع رياض من قبل كنتي قادرة تهدري مع هبة و تفهمي منها وعلاش خبات عليك بصح مجاياش ديري هكذاك قدامهم كامل
ليال : سما غلطت
ادم : اممم شفتي سيف و هبة ضاربوا على جال هاذ الحكاية
مسحت دموعها
ليال : هوما يظلوا يضاربو دوك يعاودو يوليو
ادم : ايه قوليلي وين راهو دوا تاعك
ليال ( دارتله بيدها ) : راهو لهيه
جابو و مدهولها تشربوا
ادم : و دوكا ارقدي و ريحي هكذا
ليال : اقعد معايا
ادم : ... ليال مجاياش و زيد والديك برا راهم مقلقين عليك
ليال : اممم
ادم : اتهلاي فروحك
خرج و قابله باباه و مرت باباها يستناو بلهفة قدام الباب
باباها ( نسيت اسمه ههه ) : ادم كيفاش راهي بنتي
ادم : راهي مليحة بصح يا عمي تاخذ رايي غير عاود رجعها عند الطبيب تاعها
باباها : عندك الحق
هذا هو البارت ان شاء الله يكون عجبكم خليولي ارائكم فالتعليقات و اقتراحاتكم و الى الملتقى انشاءالله في بارت اخر اللي فيه راح يعرف ادم بمراد 💚💛
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
