بمانه كتبت الحلقات تاع الويكاند قلت نحطهملكم و ملتقانا يكون نهار الاحد ان شاء الله 💚💚💚غمضت عينيها وقت شافت ادم جاي عندهم عاقد حواجبو ؛ رجعت ترجف وحدها وصل عندهم
ادم : رنيم شكون هذا
دار عندو مراد يخزر فيه
رنيم : ادم هذا هذا ....
مراد : انا الولي تاع ماريا لي تقرا عند مدام رنيم .... جيت سقسيتها على ماريا ... سمحولي على dérangement هيا ماريا نروحو
ماريا : باي باي ماما رنيم ... راني جيت عمو مرادشدت فيد عمها و مراد خزر فرنيم شغل يطلب فسماح ادم راح ركب فطونوبيل و هي تبعته ؛ ديمارا ساكت و هي قاعدة تخزر فيه من تحت لتحت حطت يدها على قلبها وقت زاد فلافيتاس واحد عشر دقايق كانوا لحقوا للدار هو دخل و هي لحقتو ؛ شافتو دخل للكوزينة هي زيرت على ساكها و جات طالعة للشمبرة هي غير لحقت قدام الدروج حتى تسمعو عيط باسمها عضت على شواربها و ولات بلعقل
غير دخلت لقاتو واقف قدام البوطاجي حطت ساكها بلعقل فوق الطابلة قعدت و قالتلو
رنيم : عيطتلي
ادم : واش كنتي ديري معاه
رنيم : ياك قالك ... جا سقساني على ماريا
ادم : و هاديك علاه كانت تعيطلك ماما
رنيم : هي .... هي معندهاش يماها و ...
ادم : و واش .... معندهاش يماها ديرك نتي يماها
رنيم : لالا ماشي هكاك .....رجفت فبلاصتها كي رما الطباسا لي كانو تما كسرهم و بدا يعيط
ادم : ماشي قتلك منسحقك دوري قدام حتى راجل و شكون هذاك لي جا خطبك .... تتقعدي بيا جاي يهدر معاك على الطفلة ولالا بنت خوه تعيطلك ماما واو عائلة كاملة نتيا يماها و هو يولي باباها و تكمل ياك هكذا حابين
رنيم : اا ... ادم هو ... هو لي جا عندي و اصلا مهدر .....
ادم : متعرفيش تقوليلو منهدرش معاه قولي .... ولا الهدرة لي نهدرها تدخل من و تخرج منالمواعن لي كانو محطوطين تما كسرهم كامل و هي قعدت تزير على ساكها و ترجف دار جاي عندها ولات صفرا شدها من كتفها
ادم : ماليوم لاكراش هديك تنسايها
رنيم : ادم تعيش لالا
ادم : ماليوم تقعدي هنا فالدار ههه لالة من النهار الاول ولات تهدر مع الرجال غدوة واش ديري
رنيم : ادم اعرف واش راك تهدر 😢
ادم : الديفو فيا انا لي سايرتك و كنت مليح معاك بصح خرجتي متستاهليش
رنيم : ادم
ادم : متزيديش تجبدي اسمي على لسانك نهار لول فهمتك بصح نتي محترمتنيش و مدرتليش حسابخرج و خلاها و هي بدات تبكي
رنيم : وعلاش هكذا وعلاش 😭😭
......
ركب فالطونوبيل و صونا تليفونو لقاها يماه مسح على وجهو و ريبوندا
ادم : وي يما
رحمة : ادم وليدي لوكان غير جيب مرتك و جيو علبالك جا وليد خالتك انس راه هنا
ادم : وانا واش نديرلو
رحمة : لالا قلت جيو عندو ...
ادم : نجي نغنيلو مرانيش فارغ شغل
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛