متتبعاتي الغاليات حق مراني متهلية فيكم تهلاو فيا فالتفاعل ؛ راني نبروفيتي تحط دوكا بارسكو عندي الوقت علبالي فاليامات الجاية مع نولي نقرا ... مراحش يكون عندي بزاف الوقت مرات منقدرش نحط قلت نحطلكم دوكا خير 💚💚
طبطب و كي جاه صوتها من الداخل دخل
يقين : ادم
كانت نايضة عندو دارلها بيدو ريحي رجعت لبلاصتها
و هو راح قعد فوق البيرو تاعهاادم : ايهيه مالا حابة تتزوجي
يقين : ......ميل راسو
ادم : راني نهدر معاك
يقين : اههه ... انا ... انا
ادم : تعرفيه هاذ الطفل
يقين : ... لا ... لالا رنيم حكاتلي .... عليهم بلي ناس ملاح و هو تاني على هاذي
ادم : خلي رنيم و حكايتها بجيه .... منين تعرفيه
يقين : منعرفوش
ادم : منين تعرفيهعينيها دمعو
يقين : منعرفوش
ادم : متكذبيش
يقين : مرانيش نكذب ... ادم رنيم حكاتلي عليه و انا قلتلها وعلاش لالا
ادم : صحا امنتك بصح نقولك حاجةناض ليها و قعد يخبطلها فراسها بصبعو
ادم : تنحي الزواج هذا من راسك .... لوكان جيت منعرفش رنيم نقول غسلتلك مخك بارسكو راني حاير واش بدلك ..... التهاي بقرايتك الباك تاعك مبقالوش ...... و .... و لوكان يجي نهار نسمع هدرة هاك ولا هاك و بلي كنتي تعرفيه هاذ السيد تعرفي واش نديرلك
دارتلو براسها ايه
ادم : راني داير فيك كونفيونص بصح اذا جا نهار و طعنتيني فظهري ديري فبالك بلي وجهك منزيدش نخزر فيك .....
دارتلو براسها ايه
ادم : روحي اتعشاي باش ترقدي بكري غدوة يجي ليك مروان
( بارسكو مزالها تقرا فليسي لقديم تاعها سما تقعد عند مروان و فلويكاند و كي متقراش جي لدارهم )
.........
قاعدة طيب فالعشاء حتى سمعت صوت الباب راح تفتح لقات ادم
رنيم : نسيت مفاتحك هنا
طلع للشمبرة مخليها هكذاك ؛ عوجت فمها و راحت طفات للنار تاع القدرة و طلعت للشمبرة لقات مكسل و داير يدو تحت راسو
.....
فركت صباعتيها منبعد راحت تكسلت قدامه و هو كان ساكت
رنيم : ادم راك زعفان مني .... ادم
عقدت حواجبها و دنات عندو
رنيم : ادم ... سمحلي مكانش لازم نجي نقولك ولا حتى نقول ليقين انا الغالطة سمحلي .... ادم راح تقعد مشنف مني هكذا
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛