تبسمت معاه و دارو على الصوت لي سمعوه
فاطمة : كيفاااش .... وقتاش ماتت
ريهام : دوك عيطتلي قاتلي
رحمة : خير
فاطمة : يمات خديجة ماتت
رحمة : يا يما
حياة : ربي يرحمها بصح خالتي فاطمة هكذا الناس يعيطو
فاطمة : انا تشوكيت كي سمعت على هاديك ... مسكينة خلاتهم صغار
ريهام : ماما نروحو دوكا حابة نروح نشوف خديجة
حياة : ايه دوك نعيط لباباك باش نروحو
و كيما كان الحال تفرقو و كل واحد راح لدارو ؛ فتحو الباب و دخلو ؛ نحات الطالون تاعها و دارت ليه
رنيم : نروحو للجنازة غدوة ادم
ادم : ايه نعظمو الاجر و نوليو
رنيم : اممم
طلعت للشمبرة قاعدة تنحي فالخيمار حتى لقاته دخل تبسمت
رنيم : كان علبالك بلي ليال راهي مع خالي
ادم : لالا مام انا تشوكيت كي سمعت اليوم بصح كان علبالي بلي راهي داوي عندو
رنيم : ربي يكمللهم
ادم : ان شاء الله ....
رنيم : منين عرفت هديك زينب
ادم : كي كنت نقرا فلفاك ياك قتلك
رنيم : اممم و مزوجة ولا مزالها عزباء
ادم : هذا واش هامك نتي يا سيدي اتهناي الطفلة راهي براجلها و بنتها هي اول وحدة تزوجت بيناتنا بارسكو وقتها كنا كامل نقراو كلاصة وحدة و لي تزوجها واحد كان صاحبنا
رنيم : صحح
ادم : ايه ان شاء الله تكوني ريحتي دوكا
رنيم : بزااف
ادم : ..... و دوكا فبلاصة ما راكي تخممي فليال و زينب و خالك و الناس هادو ماشي خير لوكان تتلهاي براجلك
ضيقت عينيها فيه و تبسمت وقت جبدها عندو
........
صباح جديد و احداث جديدة :
دخلت للكوزينة لقاتو يشرب فالقهوة
رنيم : صباح الخير
ادم : صباح النور ؛ صحا النوم
رنيم : يسلمك رويجلي العزيز
ادم : هادي رويجلي فيها تصغير لالا
تبسمت و حطت تسخن حليبها و قالتله
رنيم : عيطتلي ماني دوكا قاتلي اذا نجوزو ليهم هي و يماك بارسكو مروان عندو شغل ميقدرش يجيبهم
ادم : اممم
مور ما كملو راحت لبست عباية و دارت خيمارها و خرجو جازوا على دارهم داو معاهم فاطمة و رحمة و راحو
وقت دخلو ؛ رنيم لقات يماها و خواتاتها تما راحت عظمتلهم الاجر و قعدت قدام يماها ؛ من جهة غاضتها خديجة سورتو كي قعدت وحدها هي و اختها لا اب ولا اخ و يماهم زادت راحت ، هي شوية و دخلو الرجال باش يديو يماها و هنا بناتها قاعدين يبكيو و يعيطو ريهام راحت تشد خديجة لي خرجت لبرا موراهم تبكي و تعيط و غير شافت ادم واقف فالدروج مع الرجال تما عنقته تبكي
خديجة : ادم ماما راحت ... راحت و خلاتني 😭😭
هو قعد واقف متردد منبعد غير شافها تبكي و تخبط دار يدو على راسها
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
