ادم : ايه ... واش صرا هديك المرة باش وليتي متحبيش تهدري معايا و منبعد تمتم درتي و جيتي تجري مورايا كي كنت رايح .... عييت نطلعلها نهبطلها ملقيتلهاش راسها
سكتت و قعدت تقلب فعينيها
رنيم : نقدر منريبونديش 🥺
ادم : تتت
رنيم : اددم
ادم : تريبوندي ولا لالا
رنيم : كنت زعفانة بارسكو .... بارسكو
ادم : بارسكوهبطت راسها و زيرت على صباعتيها فوق الساك
رنيم : قلت بلي كاش ما كاين بينك و بين خديجة
ادم : انا و خديجة !!!
رنيم : اممم
ادم : و منين جاك هاذ التخمام
رنيم : شفتكم هذاك النهار فالدروج كي كنت طالعة عندكم شادين يدين بعضكم على هاذيعقد حواجبو و ربع يديه
رنيم : على هاذي جبدت روحي محبيتش نديرلكم مشاكل
ادم : و منبعد واش تبدل حتى رجعتي تهدري معايا نورمال
رنيم : ما صرا والو بصح روماركيتك بلي مكنتش قريب ليها سورتو هذاك نهار كيما جينا لداركم
ادم : الله يبارك عند sixième sens ... كاين حاجة ناقصة فهاذ الحكاية لالا
رنيم : لالا وعلاش
ادم : كاين une contradiction فلي قلتيه ( بمعنى تناقض )
رنيم : راني نكذب
ادم : كنتي قادرة جي تسقسيني لالا
رنيم : لالا اذا كنت تحبها ربي يسهل عليكم
ادم : امشي امشي وليتي تخلطي بركقلبت عينيها و رجعو للطونوبيل ؛ صونا تليفون تاع ادم
ادم : وي غيث .... لالا راني برا .... معلباليش منبعد نشوف ......
كمل و حط تليفونو منبعد قاللها
ادم : رنيم تحبي نروحو نفطرو مع غيث و الجماعة اذا تديرونجاي مكلاه
رنيم : لالا نورمالنوض الطونوبيل و ديمارا منبعد دار عندها خزر فيها شحال حتى حشمت
رنيم : كشما كاين
ادم : هذا لي راكي دايرتيه تسميه خيمار ؟؟
رنيم : وعلاش
ادم : الخيمار يغطي رقبتك ماشي يعريها هكذاتنبزت بهدرتو و عضت على شواربها معجبهاش الحال ؛ تكره واحد يعلقلها على لبستها ولا شكل تاعها
ادم : مدابيك سقميه انا متهبطيش معايا بنص خيمار
رنيم : اممممرجعت غلقتو مليح مشنفة و شادتها فقلبها .... زمان كانوا لحقوا قدام الريسطورون
دخلو و غير وصلو قدامهم ؛ رنيم حشمت وقت شافتهم يخزرو فيهم و عاقدين حواجبهم ما فهمو فيها والو ؛ قعدوا و هبة قرصتها من فخدها و ضحكت ؛ سيف خزر فغيث و قالو بلعقل
سيف : وعلاش جا مع رنيم
غيث : علمي علمك .... احممم ايه ادم وين كنت اليوم
ادم : كنت فالدار وين حابني نكون
غيث : ايه
ادم : ميرا و ليال مكانشهمغيث قلب عينيه
سيف : لالا ميقدروش يجيو ... خليونا ندومونديو الفطور جعنا
أنت تقرأ
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛