ريحاب : ماشي هذا هو مراد
رنيم : اممم
....
مراد : السلام عليكم
ريحاب : و عليكم السلام ... رنيم مديلي المفاتح نوض الطونوبيل
راحت للطونوبيل و خلاتهم وحدهم
مراد : سافا
رنيم : الحمد لله
مراد : ... رنيم نقدر ندي 5 دقايق من وقتك
رنيم : تفضل
مراد : نقدر نعرف وعلاش رفضتيني يعني غلطت معاك فحاجة
رنيم : لالا مغلطت معايا فحتى حاجة شوف مسيو مراد كنت حابة لوكان سقسيتني انا قبل ما تحكي مع بابا
مراد : اممم فهمتك يعني وشنو هي السبة لي خلاتك ترفضي مدام مغلطت فحتى حاجة
رنيم : مكان حتى سبة فالاخر الزواج مكتوب و اختيار اذا محبيتش ماشي بسيف
مراد : اممم فهمت
رنيم : سمحلي لازم نروح
ركبت فطونوبيل و ديمارات
ريحاب : خير وشبيه
رنيم : وشبيه يسقسي وعلاش رفضت
ريحاب : صح ... ايه و واش قلتيلو
رنيم : قتلو مكان حتى سبة رفضت بارسكو مرانيش حابة
ريحاب : خلي برك لوكان يسمع بلي بسبة ادم يهبل هههه
رنيم : ريحاب
ريحاب : خلاص خلاص
رنيم : حقا كيفاش مراكيش تهدري مع وسام
ريحاب : لالا هذيك تسوطات و هبلت ايماجين على جالو راهي محاشمتني تليفون متخصروش عليا و لوكان اوموان غلطنا معليش هي لي غالطة و تحاسب فينا
رنيم : حتى انا معيطتليش كنت حابة نعيطلها بصح حابتها تفهم غلطتها
ريحاب : غير متعيطيلهاش و مراحش تفهم غلطتها الطفلة ولات تهترف بغيث تعمات و مراهي تشوف والو لوكان ماشي نخاف يحبسوها من قرايتها نحكي لخاوتها
رنيم : اخااه وعلاش
ريحاب : رنيم وسام مدام لحقت تنحي الراجل لميرا و تخليه يخدعها معاها معنتها هبلت خايفة دير حاجات كثر من هاكا
رنيم : لالا معندها ما دير
ريحاب : ان شاء الله رنيم بصح قلبي ما قايلي خير راح جيبها غير فروحها
....
شراو الفطور و راحو للاكراش فطرو و كملوا نهارهم عادي و مع العشية رنيم وصلت معاها ريحاب لدارهم و راحت للدار
سولا : رورو جيتي بكري اليوم
رنيم : ايه الطريق اليوم مفتوحة لاول مرة و نتي مقريتيش ؟؟
سولا : ايه مجاوش ليبروف لعشية
رنيم : هاكي حطي الساشي فلكوزينة شريتلكم كرواصون و جبت معايا الروز باش نديرو للعشاء نعرف ماما تحبو
سولا : ههه ايه تحبو ديجا مكاشهم هي و بابا راحو يقضيو
رنيم : راحت معاهم ريهام !!
سولا : لالا راهي فالشمبرة مع خديجة استنات ماما راحت و هبطت
رنيم : اممم انا نروح نبدل و نجي و نتي سخني الحليب
سولا : ايه
راحت رنيم لشمبرتها و كي كانت راح تدخل حبست وقت سمعت خديجة تهدر مع ريهام بحكم شمبرتها اونفاص لشمبرتها و الباب كانت متكية
خديجة : ههه ايه ريهام قوليلي واش ندير راح نهبل
ريهام : يا ختي راكي تقولي ماهوش دايها فيك
خديجة : راني قتلك راني ندير سبة بالانسولين باش نشوفو علبالك راح نهبل بيه بصح ايماجيني ادم و خديجة نتوالمو بزاااف صح
ريهام : ههه
عقدت حواجبها و خبطت الباب و دخلت
رنيم : ملا طايحة فيه و هو ماشي معبرها
خزرت فروحها فالمراية
رنيم : واش الفرق بينك و بينها يا رنيم على كل حال .... بصح الحوت دار مفعولو اههه ... بصح هي اذا دارت واحد فراسها تديه مشفيتيش رنيم لهذاك بلال رجعتو يجري موراها من بلاصة لبلاصة
بوزت شواربها كيما ليبيبي
رنيم : و زيد راهي ظل فدارهم
قاعدة تعض فسنانيها منبعد رفدت تليفونها
رنيم : الو فطوم واش راكي
فاطمة : ايه عاش من شافك
رنيم : ههه
فاطمة : وشراكي عزيزتي
رنيم : راني مليحة و نتي
فاطمة : ايه الحمد لله و مزال مجيتي
رنيم : سيي راني فدارنا
فاطمة : ايه جيت سقسيت عليك قالتلي يماك بلي رحتي عند مانك
رنيم : ايه احممم وقاتلك وين ساكنين
فاطمة : لالا وعلاش
رنيم : اهه لالا سقسيت برك .... ماني قوليلي ياك راكي ديري فالانسولين تاعك فالوقت
فاطمة : ايه كثر خيرها خديجة مسكينة عذبتها معايا حتى الدراهم محبتش تشدهم
رنيم : اممم شفتي علبالك بزاف عليها لوكان تقولي لريهام ياك موالفة دير لعجوزتها تولي هي لي جي ديرلك
فاطمة : لالا الزينة تاعي يعطيك الصحة بصح بزاف عليها و زيد راهي مع جلسات الطلاق و المشاكل لالا
رنيم : ايه دبري راسك ... انا نروح نصلي ماني
فاطمة : ربي يتقبل هيا تبقاي على خير و ارواحي شوفيني ياك
رنيم : ان شاء الله
كوبات و تنهدت منبعد ناضت بدلت حوايجها و راحت غسلت و صلات ؛ منبعد راحت للكوزينة لقات ريهام تستقهوى
ريهام : اوهوه رنيم اسمعي ولي جيبيلنا من هاذ الكرواصون بزاف بنين
رنيم : اممم و سولا كلات
ريهام : ايه و راحت تقرى
رنيم : و صاحبتك راحت
ريهام : ايه رنيم اهدري مع ماما تسمح لخديجة تعرفيها بلي هي صحبتي الوحيدة و نحبها و مراهيش تقدر جي عندي
رنيم : تسمحلي ليا منبعد ساهل
ريهام : ان شاء الله
رنيم : .... ريهام مقبيل سمعت يعني ... كي كنت جايزة سمعت خديجة تقول بلي هي و ادم يتوالمو ولا معلباليش واش
ريهام : اييه ههه راهي طايحة فيه يعني يتوالمو صح هو زل وهي شابة و معندو مخصها حتى شخصياتهم يتشابهو
رنيم : اممم مليح
ريهام : يامات تسمعي بلي راهم كيف كيف
رنيم : اممم
ناضت و خلاتها
ريهام : رنييم ... وشبيها هاذي
💜❤🧡 هذا هو البارت ان شاء الله يكون عجبكم خليولي ارائكم فالتعليقات و اقتراحاتكم و الى الملتقى انشاءالله في بارت جديد 💙💛💚
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
