قعدوا يقسروا و يضحكوا و رنيم بلخف ندمجت معاهم سمعوا صوت الباب
رحمة : يقين ماما نوضي حلي الباب
رباب : خلي عليك مصبح و هي نايضة
يقين : لالا متعييش روحك رباب ماشي مليح ليكراحت يقين فتحت الباب زمان دخلت معنقة ادم
ادم سلم على خوه و سيف
سيف : ايهيه هداوين
مروان : واش تحب عندو ولادو لازم يروح يطل عليهم ....
رباب : ايا خليولي لوسيراح ادم خمس عليها
ادم : واش راهي ختي
رباب : سافا سوال عليك
ادم : الحمد لله كيفاش راهي صحتك
رباب : مليحة يسقسي عليك الخير
مروان : ايه وليدي متعبنا شوية معاه بصح واش تحب
سيف : هههه يجي برك معليش كي نتعبو انا و هبة المهم نجيبو صغير ولا واش قالو هبة ياك ....ادم خزر فيه و خبط بيدو فوق رجلو تاع حبس
ادم : يا حبيبي معندكش فرانات
فاطمة : ايه بكري كنا نحشمو بصح دوكا راحت الحشمةهبة وجها ولا حمر راح يطرطق و رباب خبطت مروان بلعقل
رباب ( بصوت خافت ) : متقدرش نتا تشد لسانك مجياش قدام بابا منصف و عمي
مروان : محسوب هوما مولدوش و مجابوش دراري هاذي سنة الحياة
رباب : مروان
مروان : خلاص
رحمة : رباب بنتي روحي تكسلي شوية خير تريحي
رباب : راني مليحة ماما
فاطمة : بلاكي تحشمي رباب الدار دارك وقتما عييتي الشمبرة راهي قدامكرنيم تبسمت ، مكانتش حاطتهم يحبو بعضهم هكذا و رحمة قدرت تعرف شحال حنينة مع ولادها حتى مع عروستها و قاعدة تعاملها خير من بنتها تفكرت معاملة يماها معاهم معاملة ناشفة عمرها ما حست بحنانتها صح هي يماها وصى عليها ربي و الرسول صح متحبش عليهم و صح تحبلهم غير لخير بصح عمرها محست بمحبتها او حنانتها مرات الانسان يحتاج من الطرف الاخر يعبرله على حنانته و حبه ليه الشي لي ملقاتوش فيماها ، رنيم قاعدة تهرب فعينيها من ادم مراهيش حابة تشوفو مالغري من داخلها العكس بصح كمية التناقض و الاحاسيس لي تحس فيها رجعتها مخلطة و فوق هذا كلما ترجع تتفكر ليال و كيفاش كانت قريبة ليه قلبها يتعصر ؛ افكارها تقطعت وقت منصف بدا يسعل يقين راحت جابت الماء
يقين : بابا هاك
رحمة : خير وشبيكتلمو عليه و هو مقدرش يهدر من السعلة لي ماحبتش تحبس زمان حبستلو كمل شرب الماء
فاطمة : كيفاش راك
منصف : مليح مليح
مروان : تحب نشوفو طبيب
منصف : وشبيكم هاذي غير سعلة راني بخير دوكا ... تسمحولي نروح نغسل ولا راح تقعدو واقفين فوق راسي
فاطمة : هذا حق لي يخمم عليك روحناض منصف يغسل و هوما رجعو قعدو
........
بقلمي انا you__chroniquedz
رنيم : انا اسمحولي لازم نروح
فاطمة : اههه وين
رنيم : ماني هذاك هو لازم نهبط ماما دوك تتقلق
فاطمة : خلي انا نهدر معاها وشبيك اقعدي نتعشاو كامل كيف كيف
رنيم : اههه ماني يعطيك الصحة بصح لازم نهبط و ...
فاطمة : رنيم ياك قتلك اقعدي وعلاش تيبسي فراسكرنيم حشمت
رنيم : ايه خلاص كيما تحبي
و كيما كان الحال قعدو تما تعشاو كيف كيف ؛ هبة و رنيم وجدو الطابلة فالصالون للرجال و يقين قعدت توجد فالطابلة لي فالكوزينة
هبة : حطي الطباسا و انا نحط الكيسان
رنيم ( تبسمت ) : ايه
هبة : ايه معرفتيناش نتي كامل بروحك
رنيم : كيما تعرفي اسمي رنيم ههه عندي 25 سنة و نخدم فلاكراش
هبة : اههه مليح ... مخطوبة ولا ...
رنيم : لالا سيليباتار
هبة : ربي يلاقيك بوليد الحلال
رنيم : ان شاء الله
.....
هبة : نورمالمون سيبون الطابلة راهي واجدة
رنيم : ايه خلينا نروحو للكوزينة نشوفو اذا يسحقو نعاونوهم
هبة : امممراحو للكوزينة و حطو تعشاو ؛ بعدما كملوا رنيم زادت شوية و ناضت
رنيم : ماني هذاك هو لازم نروح غدوة ان شاء الله نخدم
فاطمة : ايه معليش
رحمة : نعاودوها مرة واحد اخرى ان شاء الله
رنيم : ان شاء الله طاطا القسرة معاكم عسل
رباب : نتي هي لعسل
رنيم : تعيشي ☺ انا هذاك هو نهبط
يقين : ارواحي نوصلك للباب
رنيم : مارسيخرجو هي و يقين غير فتحت الباب قابلتهم خديجة
يقين : اههه خديجة مساء الخير
خديجة : مساء الخيريقين سمعت صوت باباها يعيطلها
يقين : اههه رنيم بابا راهو يعيطلي نروح خديجة تعيشي غلقي معاك الباب
خديجة : ايه متتقلقيش
.....خديجة : اههه رنيم واش راكي ديري هنا انا ادم عيطلي ندير الانسولين لمامي
رنيم : و انا عيطلي نتعشى معاهمتبسمتلها تبسيمة صفرة و هبطت لدارهم دخلت لشمبرتها تغلي غلقت الباب ؛ و نحات هذاك الخيمار رماتو فوق البونك
رنيم : ادم عيطلي ندير الانسولين لمامي ... واو البارح عرفتو جابت نيميرو تاعو و رجعو يتحكاو
رمات روحها فوق البونك ضامة يديها عندها ؛ بوزت شواربها
رنيم : و انا واش دخلني واش دخلني بففف
ناضت صلات صلاتها و رقدت بارسكو غدوة تنوض بكري
صباح جديد :
كيما العادة رنيم دارت روتينها و خرجت ؛ و هي هابطة على تطليعة راسها شافتو يديها ولاو يرجفو عندها شحال متلقاتش بيه و ...
في ميزكم شكووون لي جيبو نستعرف بيها ههه
هذا هو البارت ان شاء الله يكون عجبكم خليولي ارائكم فالتعليقات و اقتراحاتكم و الى الملتقى ان شاء الله 🧡💚💛
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛