حياة : رنييم ريحاب ارواحوا تفطرو
رفدت التليفون عيطت لريهام
حياة : اهبطي طولتي
دارت وقت دخلوا البنات
رنيم : يااايي ريحة الطعام
راحت للقدرة تشم فيه منبعد راحت عنقت يماها
رنيم : مارسيي ماما
حياة : كي هادي اول مرة جي تباتي متوالفيش
ريحاب : وعلاش شقيتي روحك طاطا
حياة : مكان حتى عذاب و زيد لالة جاية تحوسلي على اللحم لوكان جيت منعرفش نسيبي نقول راهو مخليك للشر
رنيم : صح مخليني للشر هو كل يوم يطول باش يدخل للدار سما دايمن ناكل حاجة خفيفة وحدي ولا مناكلش كامل
حياة : خلي كاش نهار تحكمك لانيمي ولي قولي ماما قاتلي
ريحاب : البنات مكانشهم
حياة : سولا خرجت تفطر مع صحباتها و ريهام طلعت عند خديجة دوك جي ... اههه راهي جات نروح نفتح
قعدو فالطابلة فطرو منبعد حياة راحت تتفرج المسلسل تاعها و البنات قعدو يقسرو و يغسلو فالماعن
......
ميرا كانت توجد فلفاليز تاعها و تمسح دموعها حتى صونا تليفونها
ميرا : غيث .... وين لتحت .... دوك نجي
مسحت عينيها مليح و هبطت غير شافتو تبسمت و راحت عنده
ميرا : غيث خير ما جابك
غيث : جيت نشوفك قبل ما تروحي
ميرا : اممم
غيث : مزالك شادة فرايك
ميرا : غيث انا بلاصتي مع ماما و بابا و مدام بابا ديسيدا نروحو نعيشو لهيك منقدرش نعارضو
غيث : اقعدي هنا عند عمتك
ميرا : منقدرش فهمني حتى بابا ميحبش .... سمحلي لازم نروح هداك هو دوك شوية نخرجو
باسته من خده
ميرا : بلاك على روحك
دارت شادة دموعها حتى حبسها
غيث : ميرا
دارت
ميرا : انعم
غيث : علبالك بلي نحبك ...... هه علبالي بلي مراحش تامنيني بصح ..... منبكري نحبك بصح مكنتش فايق لعمري حتى بعدت عليك باش عرفت بلاصتك عندي ..... حابك تقعدي معايا منقدرش نبعد عليك
دموعها هبطو و سوطات عنقته تبكي
غيث : شتتت
طلعت راسها
ميرا : حياتي كامل متمنية نسمع منك هاد الكلمة علبالك
غيث : سمحيلي عمري علبالي غلطت بزاف معاك .... تحبي ندخل نهدر مع باباك يخليك عند عمتك
ميرا : تتت راح نسيي معاه
غيث : و اذا محبش يامات و نلحق بيك متخافيش منخليكش
تبسمت تمسح فدموعها فرحانة و حاسة روحها فمنام
.........
مع العشية :
دخلت عندها لقاتها تسقم فشعرها
رحمة : الوردة تاعي
يقين : ماما
رحمة : الله يبارك على بنتي خرجتي عذرا
يقين : تعيشي
رحمة : هيا خفي كملي قريب يلحقو الناس
يقين : اممم .... ماما ادم و رنيم مزال باش يجيو
رحمة : ادم عندو خدمة و رنيم راهي فدارهم
يقين : لوكان عيطتيلها ..... ماما قتلك بلي مكان مدخلها انا لي خليتها دير لي دارته
رحمة : بصح غلطت
يقين : و انا غلطت
رحمة : نتي صغيرة
يقين : كامل نغلطو ماما ... عيب لي درتيه على الاقل في وجه ادم
رحمة : ايه عندك الحق دوك نعيطلها
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
