يوسف : متفهموني منفهمكم نهار مديتلكم الطفلة قلتلكم بلي اذا جا نهار و ظلمتكم انا نحاسبها قدامكم بصح وصيتكم وصيتكم بنتي منحبش دمعة طيح منها بسبتكم و نتا يا ناجي وعدتني و اليوم خلفت بوعدك و نسيت بلي عندها باباها فكتافها بنتي عندها دار و اهل مراهيش مرمية عندكم ريهام هيا جيبي حوايجك نروحوا .... ايه و مبروك عليك حقا ناجي ان شاء الله تقدر تصون مرتك كيما صونت الاولى
ناجي : عمي سمحلي ما عندك وين تديها ريهام مزالها مرتي
ريهام : مرتك قريب جيبها و انا وياك نتلقاو فالمحكمة منزيدش معاك دقيقة
*****
خرجوا و راحوا ديراكت للدار
في الدار :
حياة : شفتي مسكين و ولادو مزالهم صغار اههه يا دنيا و كيفاش دوكا حالته راح تقعد هكذا
رنيم : على حساب واش قالو راح يكمل العلاج تاعه بلاك يسلك ان شاء الله
حياة : ان شاء الله .... و نتي مزال مكملتي نباتو بلا عشاء اليوم
سولا : ماما قريب نكمل
حياة : راني نشوف فيك على حساب شوفة خسارة القضيان برك
رنيم : ههه خليها باش تتعلم ماما
سولا : كيفاش حابتني نتعلم
حياة : متزيديش تتعلميلي باللحم و الجاج طيبي مقارون تعلمي الكسرة الخبز ماشي ديرلي البورغور ولا معلباليش
سولا : اسمه برغر ماما ماشي بورغور
حياة : كيف كيف
رنيم : ههه
سمعو الباب تصوني
حياة : روحي شوفي شكون هاذي تكون سارة جات تشوف العجب لي درتيه
سولا : ماما
رنيم : خلي انا نفتحلها كملي نتي طيابك
راحت تمشي و تضحك من حالة يماها و ختها ؛ الضحكة راحت كي شافت باباها واقف قدام الباب و معاه ريهام
رنيم : بابا خير
يوسف : نقدرو نجوزو دوكا
رنيم : اههه
دخل يوسف و ريهام موراه للصالون و حياة قاعدة تعيط
حياة : رنييم شكوون سارة جات
راحت رنيم عندها
حياة : وين راكم
رنيم : ماما بابا جا
حياة : كيفاش وعلاش مقاليش بلي جاي
رنيم : جاب معاه ريهام
حياة : كيفاش
حياة ناضت تجري دخلت لقات ريهام قاعدة قدام باباها عينيها حمورا و ليفاليز قدامها
حياة : ريهام واش صرا يوسف ... كاش واحد يهدر ... متقولوليش لي في بالي
يوسف : لي في بالك لي في بالك
خبطت رجليها و قعدت منبعد خزرت فريهام و عيطت
حياة : واااش وصيتك انا واش هااا قولي يا ربي واش دارت اههه كيفاش الزواج لعبة تطلقوا كيما تحبو
ريهام : ماما ماشي بيدي هو لي تخلى عليا ماشي انا
حياة : قتلللك ابلعيها و اسكتي قتلك ديري كلش باش تحافظي على زواجك نتي متفهميش اهههه
عيط عليها يوسف جمدت فبلاصتها
يوسف : الحقيني للشمبرة
لحقته ميتة غير دخلت خبط الباب
يوسف : واش قتلك انا واااش
حياة : يو ... يوسف
يوسف ( بدا يعيط ) : واش قتلك اههه وقت جاو يخطبوها قتلك الطفلة صغيرة متزوجيهاش دخلتي تحت راسي و راسها و خليتينا نقبلو اههه يا ربي وعلاش زوجتها .... علبالك بلي راجلها تزوج عليها علبالك ولا لالا
حياة : معع ... معلباليش
يوسف : ربي عالم واش جوزت تما و انا لا خبر وحدو علبالو واش سمعوها اهههه .... نتي راهو هامك الناس واش راح يقولو عليها كي طلقت انا لالا انا نخمم على بنتي و واش راح تحسو هذا الفرق لي بيناتنا
راح فتح التاقة و نحا الفيستا ؛ حياة راحت عنده حطت راسها على كتفه
حياة : علبالي صعيبة بصح انا كنت حابة نتهنى عليها برك
يوسف : علبالك كي كي نتقلق نهدر برك
......
سولا : ريهام نقدر ندخل
ريهام : سلسبيل خليني وحدي تعيشي
سولا : بصح
ريهام : تعيشي
سولا : كيما تحبي
خرجت سولا و رجعت للكوزينة حطت السنيوة
رنيم : محبتش
سولا : مخلاتنيش ممبا ندخل
رنيم : .... خلي انا نسيي
سولا : ايه
رفدت رنيم السنيوة و راحت غير دخلت
ريهام : سولا واش قتل ...
غير شافتها رنيم سكتت
رنيم : هاكي كولي تكوني جيعانة
ريهام : مرانيش قادرة
رنيم : ...... دبري راسك .... بصح ليا شوفي من الجهة لمليحة نتي كنتي معذبة و ماشي لاقية روحك معاه الحق يقال بصح دوكا راح ترجعي لحياتك تاع بكري جابلي ربي توحشتيها كثر من لي راحي تتوحشي ناجي
ضحكت ريهام
ريهام : ارواحي اقعدي
قعدت رنيم و ريهام تلاحت عنقتها تبكي
رنيم : وعلاش راكي تبكي دوكا
ريهام : عييت رنيم من كلش
رنيم : كلش يجوز و ربي يعوضك مزالك صغيرة ريهام و ديري في راسك بلي كاين ناس تعاني كثر منك لبروبلام تاعك وين يبان قدامهم
ريهام : رنيم ... ياك نسيتي هذاك النهار انا كنت حابة ... برك ديري دارك ههه فالاخر كي مايكونش كاين الهناء معندها حتى معنى تتزوجي
رنيم : خلاص لي فات مات بصح ديري فبالك ختك تقعد ختك و صاحبتك تقعد صاحبتك و قوليلي دوكا واش صرا باش لحقت الحكاية للطلاق
ريهام : لقيته فتح على وحدة ديجا و انا كيما الاطرش فالزفة
رنيم : .... معليش بلاك ربي شاف فيها خير
ريهام : رنيم
رنيم : اممم
ريهام : جي ترقدي معايا
رنيم : و سولا تلسق
ريهام : هههه خليها
رنيم : صحا نوضي تتعشاي قبل العشاء ليوم برعاية سلسبيل
ريهام : خلينا نتعشاو كامل كيف كيف توحشت لمتنا
رنيم : هيا نوضي
ريهام رفدت السنيوة داتها للكوزينة و رنيم راحت لشمبرة والديها طبطبت ؛ فتحت الباب وقت جا صوت باباها من داخل
رنيم : ماما بابا جيو تتعشاو حنا جوعنا
حياة : ايه ... يوسف هيا
خرجو من الشمبرة و يوسف معنق رنيم
يوسف : وشراهي بنتي
رنيم : مليحة بابا
❤💙💜هذا هو البارت ان شاء الله يكون عجبكم حطيتلكم 3 حلقات كي قلتولي حلقاتك قصار قلت نحطلكم 3 بارسكو انا نحب حلقات ميكونوش طوال بزاف المهم خليولي ارائكم فالتعليقات و اقتراحاتكم و الى الملتقى ان شاء الله في بارت اخر 💛💛💚💚
BINABASA MO ANG
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
