فاطمة : واش راهي بنتي رنيم : الحمد لله و نتوما فاطمة : لباس ... مروان جاب رباب تشوف يماها و من تما جو عندي و كي عندي شحال مشفتكمش قلت نهبط نشوفكم حياة : خير ما درتي ... ايه رباب ما بان والو وقتاش تولدي رباب : غدوة ان شاء الله عندي رونديفو مع طبيبة نورمالمو مبقاش حياة : ان شاء الله بنتي فاطمة : اونفان راح نشوف واحد من ولادي باحفاده حياة : لعقوبة لخوه الصغير ولا مزال مراكمش حابين تزوجوه فاطمة : وعلاش راهي فيدنا يماه حابة تفرح بيه بصح راسه يابس قالك راني لاهي مع خدمتي دوكا معنديش وقت للزواج حياة : بلاك مزال ملقاش لي تناسبه فاطمة : يا سيدي يقول برك نجيبلو لالاهم ... كاينة وحدة فبالي يعني رباب : ماني متقوليليش ليال برك فاطمة : هي بالذات يا حياة ختي الطفلة عذراء هي و ادم صحاب بصح اييه زعما يفوتوها عليا الطفلة باينة تحبه رباب : بصح يا ماني من جهة ادم ما كاين والو فاطمة : و نتي دخلتي فقلبو ... انا راني نقول بلي كشما كاين بيناتهم هما برك محبوش يبينو رباب : مفهمتش واش صرالك ماني من وقتاش ولات تعجبك ليال فاطمة : اذا كانت تعجب وليدي باينة تعجبني حياة : هي فالاخر قضية مكتوب اذا كانت مكتبة ليه واحد مينحيهالو
بلعت ريقي حاسة قلبي يوجع شغل راهم يحطو الملح على الجرح تبسمت فوق قلبي وقت لقيت ماني تخزر فيا و تتبسم ؛ التبسيمة بلخف راحت وقت رباب حكمها السطر و بدات تعيط
رنيم : رباب وشبيك فاطمة : رايحة تولد وقيل
صوت عياطها خوفني بدات تبكي و تعيط
حياة : خلينا نديوها للسبيطار ما يجي يلحق راجلها تكون ولدت
تعاونا هبطناها بسيف و رحنا ديراكت للسبيطار هما دخلوها و مروان كان لحق بعدما عيطتله ماني ؛ رحت شديت بلاصة و ريحت ؛ حطيت راسي على الحيط ستنينا ساعة و زوج حتى خرجت الطبيبة بشرتهم بلي الطفل جا و رباب راهي مليحة كانوا فرحانين بزاف و فرحتهم باينة من عينيهم و انا فرحتلهم بارسكو يستاهلو كل خير بعدما باركنالهم ماما قاتلي لازم نروحوا و كيما كان الحال خرجنا غير وصلت طحت رقدت حسيت روحي عيانة بزاف تفاطنت فليل قعدت واحد خمس دقايق باش عرفت شكون انا و وين راني و شحال راهي 😂 ( شكون موالفة تصرالو ) استغفرت و نضت غسلت وجهي منبعد رحت للتاقة تكيت راسي عليها حتى نشوف فطونوبيل تاع ادم دخلت خزرت فالساعة لقيتها 11 تاع ليل
رنيم : طول بزاف اليوم
خبطت راسي بيدي
رنيم : واش دخلك ولدتيه و نسيتيه
دنيت روحي من التاقة باش ميشوفنيش ستنيتو دخل و انا تنهدت غلقت التاقة و دخلت رجعت لبلاصتي
جازوا هدوك اليومين بلخف و رباب خرجت من سبيطار و راحت لدارها
صباح جديد :
ناضت رنيم غسلت وجهها و دارت روتينها كيما العادة دارت فكامل الدار ملقاتش يماها من غير سولا لي كانت راقدة مزال مناضت
رنيم : وين راحت هاذي
رفدت التليفون باش تعيطلها حتى تلقى الباب تفتح و دخلت حياة و فيدها ساشيات
رنيم : ماما وين رحتي من الصباح بكري !! حياة : استنايني نقلع النفس قبل
دخلت حياة للصالون حطت الساشيات و نحات خيمارها و قعدت و رنيم تبعتها
حياة : قلت نروحو نطلوا على رباب ملي ولدت مشفناهاش عيب على هاذي خرجت قلت نشري باش نديو فيدنا رنيم : ايه و تعرفي دارهم وين ؟؟ حياة : فاطمة ليوم راح تروح كي قلتلها قالتلي نروحو كيف كيف رنيم : ادم راح يديكم حياة : ايه ... نفطروا و نتوكلوا على ربي تروحو سلسبيل راح جي تقعد سارة معاها يقراو كيف كيف رنيم : ماما انا منروحش حياة : وعلاش رنيم : هكذا راني عيانة حياة : وشمن عيانة تخليني نروح وحدي رنيم : ياك راكي رايحة مع ماني حياة : رنيم متخلينيش نرفدلك لبليغة كيفاش هذا خليتيني نقول للمراة بلي راح جي و حتى هي سقسات عليك رنيم : بصح ماما مسقسيتينيش ممبا حياة : مليح كي ولات الام تسقسي بنتها رنيم : ماما حياة : روحي حطي الفطور هذاك هو باش منطولوش على الناس انا منروحش وحدي
غمضت رنيم عينيها بالزعاف و راحت طيبت الفطور
فطروا منبعد رنيم لبست حوايجها ؛ هاذوا هما دارت البارفان و قعدت تستنى فيماها تكمل
Oops! This image does not follow our content guidelines. To continue publishing, please remove it or upload a different image.
رنيم تحكي :
قاعدة فالكرسي نخبط فرجلي مرانيش حابة نروح من جهة حابة نشوفو و من جهة قلبي واجعني سورتو من هدرته ماني اخر مرة طلعت راسي وقت ماما دخلت للصالون و الباب صونا فنفس الوقت كانت ماني جات فتحتلها ماما و سلمنا عليها و خرجنا مع توصيات ماما لسولا ديري و ما ديريش بلاكي ، ارفدي تليفونك كي نعيطلك
