شدتهم و راحو هي و فاطمة يتمشاو ؛ رنيم مشبكة يدها فذراع فاطمة وصلوا للحانوت شراو منبعد راحو يخلصوا ؛ حطو واش شراو يستناو فلي يبيع يحسبهوملهم باش يخلصوا حتى وقف واحد مور رنيم
مراد : خويا عندك السميد الرطب ( حنا معندناش 😂)
**** : ايه دقيقة نكمل مع المراة و نجي نوزنلك
دورت رنيم راسها على الصوت لي حاسة بلي تعرفو ؛ مراد تبسم وقت شافها
مراد : اههه مادموزال رنيم
رنيم : .... احمم مساء الخير
مراد : مساء الخير وشراكي
رنيم : لباس و نتا
مراد : الحمد لله
رنيم : ماريا راهي مليحة
مراد : ايه ... اهه واقيل تسكني هنا
رنيم : اممم نسكن فالحومة لي لتحت
مراد : اهه ملا مراناش بعاد بزاف
رنيم : اممم ... انا سمحلي لازم نروح هذاك هو
مراد : ايه تبقاي على خير
تبسمت و خرجو هي و فاطمة لي قاعدة تعوج في فمها
فاطمة : شكون هذا
رنيم : عم وحدة تقرا عندي
فاطمة : اممم و واشبيه كلاك بعينيه هكذا
رنيم : ما بيه والو ماني
حبست فاطمة فنص الطريق
فاطمة : كشما كاين بيناتكم !!
رنيم : يهديك ربي واش راح يكون بيناتنا السيد ما يعرفش ممبا وين نسكن
فاطمة : اممم مليح ... خليك منو قوليلي
رنيم : انعم
فاطمة : بصح بلا كذب
رنيم : ايه غير الخير
فاطمة : قوليلي كيفاش يبانلك ادم
رنيم : كيفاش !!
فاطمة : واش رايك فيه يعني
رنيم : وعلاش هاذ السؤال ماني واش راهو يدور فعقلك
فاطمة : جاوبي قبل
رنيم : ماني
فاطمة : رنيم مالاخر قوليلي اذا يعجبك مايعجبكش اذا ايه واش يعجبك فيه
رنيم : ماني واش راكي تهدري
فاطمة : سما مكانش منها
رنيم : .... باينة مكانش منها
فاطمة : مليح ملا تقدري تخدميني فهاذي
رنيم : فواش ؟؟
فاطمة : حابتك تعاونيني باش نقرب ادم لليال
حبست رنيم فنصف الطريق ... بلعت غصتها و تبسمت
للكاتبة you__chroniquedz
رنيم : و وعلاش انا
فاطمة : و انا شكون يعاوني ؛ حابين مفرحوا بيه مالغري راني سووور بلي كاينة حاجة بيناتهم و ليال تحبه بصح اذا قعدنا ساكتين مراح يتبدل والو بلاك كي تعاونيهم ربي يفتحها فوجهك و يرزقك بوليد الحلال
رنيم : ماني انا ... انا خاطيني ... يعني مراهوش صغير باش تقربيلو وحدة
فاطمة : راهي قريبة اصلا و بزاااف حابة برك ندخلولو الزواج فراسو هذا مكان سيي اهدري معاه اجبديلو لسانو
رنيم : ماني رانا لحقنا سمحيلي لازم ندخل ماما دوك تتقلق
فاطمة : ايه منبعد نعيطلك و نكملوا هدرتنا
رنيم : ان شاء الله
دخلت رنيم و فاطمة ضربتها بتبسيمة و طلعت تهدر وحدها
فاطمة : اههه على بنتي البهلولة محسوب انا راح ندخلوا هاذيك مطرق الشوا فقلبو ... اذا منطقتكش من جوانبك منتسماش فاطمة مرت السعيد
فتحت الباب و دخلت
عند رنيم :
قاعدة على البونك عاضة شواربها و تزيد تزير عليهم كلما تتفكر هدرة فاطمة ؛ طلعت راسها على صوت التليفون لقاتها فاطمة محبتش ترد فالاول
رنيم : استغفر الله
رفدت و سيات تهدر نورمال
فاطمة : الو رنيم
رنيم : الو
فاطمة : رنيم تعيشي تقدري تدي نهار الاحد متخدميش باش نروحو نقضيو للعشاء
رنيم : اههه منقدرش يعني ميحبوش فالخدمة
فاطمة : اذا مراكيش حابة قولي
رنيم : لالا بصح فالخدمة بلاك ميحبوش
فاطمة : خلاص فهمت فهمت مكالاه غدوة نقول لكروان يجيبلي يقين و خلاص ولا نروح وحدي معليش اذا كشما صرالي برا نطيح ولا نتغاشى ولا يطيحلي السكر كاين الناس يعاونوني ديجا نتي مصبح و نتي تتشنفي عليا قتلك عاونيني مقبيل محبيتيش و دوكا كيف كيف معليش صحا
رنيم : ماني ....
قبل ما تكمل هدرتها كانت كوبات
رنيم : اههه ماني وقتاش تبدلي عوايدك
ناضت صلات و حطو العشاء تعشاو و كل واحد شد بلاصته رقد
لحق الاحد بلخف ؛ فاطمة ناضت صباح وجدت القهوة و راحت لشمبرة ادم لقاته ناض ديجا و لبس
فاطمة : خير راح تخرج بكري
ادم : ايه عندي شغل
عوجت فمها
فاطمة : ايه هيا تشرب قهوتك
ادم (عقد حواجبه ) : ايه
خرجت و هو لحقها ؛ دخل لقاها رافدة ورقة و تقرا فيها شرب من القهوة و قاللها
ادم : وشنو هذا
فاطمة : la liste تاع القضيان للعشاء تاع عبد الرحيم
ادم : مزالك شادة فرايك
فاطمة : ايه وعلاش لالا ندير عرس لوليدي علبالك راني فرحانة كثر منكم كي مروان جاب طفل
ادم : و راح تروحي تشري وحدك !!
فاطمة : لالا رنيم راح جي معايا ووو ....
ادم : ووو ...
فاطمة : و قلت نتا تدينا
ادم : ماني قتلك عندي شغل
فاطمة : و الشغل قبل مني
ادم : حبو يروحو يشرو ادم يدي حبو يخرجو يحوسو ادم يدي مرضو ادم يدي راكي تشوفي فيا شوفور ياك كاين حاجة اسمها تاكسي يرفدك من باب الدار و يوصلك لباب الدار
فاطمة : وعلاش نرمي دراهمي فالتاكسي و نتا عندك طونوبيل
البنات شوية تفاعل حق مراني نتعب و نكتب و نحط 😔
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
