كمال : رنيم شكون جاا
قلبها بدا يخبط وقت شافته دارت لادم ديرلو براسها لالا ؛ ادم قعد يخزر فيهم ساكت مقدرش يستوعب واش راهو يشوف
رنيم : ادم معع ... معلباليش .... كيفاش حتى جا
كان غير ساكت و يخزر فيهم
كمال : اذا عندك هدرة اهدرها معايا خلي رنيم
عقد حواجبو و غلق الباب
ادم : حاب تقولي بلي رنيم جات برجليها عند الراجل لي كانت هاربة منو
كمال : بلاك ملقاتش راحتها معاك
طاح عليه بالضرب ينحي فزعافو فيه مطلقوش غير وقت تغاشى من الضرب ؛ جبد رنيم مزير على يدها و خرجها و هي تبكي رماها فالطونوبيل و طلع
رنيم : ادم خليني نفهمك
ادم ( عيط ) : واش تفهميني ..... رنيم مرانيش حاب مخي يروح لبعيد بارسكو نعرفك بصح ....
رنيم : بصح واش راح تشك فيا علبالي
ادم : يلحقني ميساج يقولولي روح شوف مرتك واش راهي دير و كي نجي نلقاك داخل الشمبرة مع راجل ..... علبالك راني شاد روحي غير بسيف و مرانيش حاب نظلمك معايا حتى نفهم الحكاية
هبطو دموعها و زيرت على روبتها
رنيم : اددم .... يماك ريزارفاتلنا فهاذ الاوتال و قاتلي روحي ديريلو سوربريز صدقني معلباليش كيفاش حتى وصل كمال لتما ..... علبالك شحال نكرهو كيفاش حتى نروح عندو برجليا ؛ روح سقسي يماك تحكيلك
مسح على وجهو و ديمارا حطت يدها على كرشها و دموعها هبطو كذبت توصل هوما غير لحقو هو دخل و هي راحت تجري موراه
فاطمة : ادم رنيم راكم هنا توحشتكم
ادم : وين راهي يما
فاطمة : فشمبرتها وعلاش
طلع للشمبرة حارق الطريق و رنيم تبعتو ؛ فتح الباب و دخل
رحمة : ادم جيت .... خير وشبيك
ادم : واش حكاية الاوتال هذا
رنيم : طاطا حكيلو واش قلتيلي
رحمة : واش قتلك !!!
رنيم : ياك نتي ريزارفيتيلنا فاوتال ¤¤¤¤ و قلتيلي روحي ديري سوربريز لادم
رحمة : .... ههه رنيم على واش راكي تهدري
رنيم : طاطا ....
ادم : يما لي قالتهولك رنيم صح
رحمة : لالا ادم وليدي دوك سمعت منكم وعلاش واش حكاية الاوتال هذا
فتحت عينيها وقت سمعتها خزرت فادم تقولو امني .... خزرة الخذلان لي شافتها فعينيه قهرتها و قتلتها
ادم : ايه صحا
خرج خابط موراه الباب و هي خزرت فرحمة
رنيم : حسبي الله ونعم الوكيل فيك
خرجت لاحقة ادم و رحمة طاحت فوق البونك تبكي
رحمة : سمحولي
طلعت راسها وقت دخلت خديجة تتبسم غالقة موراها الباب راحت جبدت التليفون لي كانت مخبيتو يصور رجعت شافتو و تاكدت بلي ما هدرت والو
خديجة : برافو خرجتي تعرفي تمثلي
رحمة : حرام عليك ديري هكذا .... كيفاش حتى امنت لفعة كيما نتي
خديجة : تتتتت دوك نزعف منك عجوزتي تعرفي مزالني مقادرتك في وجه ادم كيفاش تقوليلي هكذا .... الله غالب وليدك ما خلالي حتى خيار واحد اخر انا حبيتو قبلها بصح هو واش دار تزوجها هي
رحمة : كيفاش يقدر يحب وحدة كيما نتي
خديجة : احسنلك تخليني مليحة معاك .... تعرفي لوكان نفضحك واش يصرا هههه وليدك راح يكرهك و راجلك راح تقتليه بيدك ...... اذا راح توقفي معايا و تقربي بيني و بين ادم مور ما يطلقو نوعدك بلي راح نقعد شادة سرك حتى نهار نموت
رحمة : نتيا هبلتي صح
خديجة : هبالي ميبانش قدام واش درتي نتي اذا تحبي نفكرك تعرفي حابة بزاف نعرف واش راح يديرلك كي يعرف الحقيقة بصح خسارة نتي عجوزتي و منقدرش نفرط فيك و دوكا خممي رنيم ولا ولادك و راجلك
ضحكت و خرجت
.......
رنيم : ادم اهدر معايا ضربني عيط عليا بصح مدرليش هكذا
خزر فيها و عينيه كانو حمورا
ادم : واش نهدر معاك
رنيم : نحلفلك بلي مكذبتش عليك
حط يديه على راسو
ادم : شكون نامن اههه نامنك نتي ولا نامن يما لي رباتني 30 سنة ولا نامن واش شفت
رنيم : اددم
دور راسو
ادم : رنيم روحي مرانيش حابة نشوفك روحي لداركم ..... مرانيش حاب نغلط معاك تعيشي راني نحلل فيك روحي خيرلك نعرف روحي وقت نغلط واش ندير
خرج و خلاها ؛ حطت يدها على فمها كاتمة شهقتها اخر حاجة توقعتها يتهموها فسمعتها و تربيتها
.........
فاطمة : رحمة واش راهو صاري
رحمة : ......
يقين : ماما كشما بيه ادم سمعناه يعيط مقبيل
رحمة : لقى رنيم مع واحد الراجل فالاوتال
رباب : كيفااااش
رحمة : امممم
فاطمة : رنيم ما ديرهاش الطفلة نعرفها كثر منكم
رحمة : ملا ادم كذاب
شهقت وقت لقات ادم واقف و عاقد حواجبو
ادم : خير يما كلاك لسانك
رحمة : ادم انا ... انا راني مشوكية دوك جات ليا رنيم تبكي و تحلل نقولك بلي انا لي بعتها للاوتال يا وليدي مافهمت فيها والو
غمض عينيه و خرج و هي طلعت لشمبرتها وقتها شافت خديجة تتبسم معاها و هي دورت راسها عليها
.......
مسحت دموعها وقت سمعت الباب
رحمة : انعم
دخلت رنيم و حطت لفاليز قدام الباب ؛ قعدت تهرب فعينيها
رنيم : ان شاء الله تكوني فرحتي .... كنت حاسبة نتي تاني عندك بنتك و تعرفي واش معنتها الوحدة تتهموها بهاد الحاجة ...... نهنيك لحقتي للي حبيتيه ماشي موحال وليدك يطلقني مور ما حاوزني من الدار ...... ( دنات عندها ) تعرفي لوكان نتي مكنتيش فالوسط كنت ظلمتو وقلت مامنيش بصح اليوم يماه لي من لحمه و دمه يماه لي وصاه ربي و النبي عليها هي لي خربتلو دارو و هو مراهوش قادر ميامنهاش ...... بلي درتيه بعدتي وليدي على باباه وليدي لي مزال ما خلق وليدي لي ادم مزال معلبالوش بيه نهنيك
درتلكم غير بارت باش منخليكمش متحمسين مالغري اليوم الاثنين و انا مانحطش مالا نحب تفاعلكم الزينات 💚💜
أنت تقرأ
انت املي _ باللهجة الجزائرية 🇩🇿 _
العاطفيةحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
