💛💛 سلام البنات ان شاء الله تكونوا بخير مارسي لكل وحدة سقسات عليا ؛ علبالي راني مقصرة فحقكم ؛ هاذ الاحد نبدا نجوز و على بالكم القراية تاع المجال الطبي فيها لاشارج بزااف المهم غير نكمل راح نرجع و نوعدكم نولي كيما كنت و نحطلكم كثر ان شاء الله
عذروني هاذ اليامات و دوكا خليونا نبداو 💚💚
خرجو من الشمبرة و يوسف معنق رنيم
يوسف : وشراهي بنتي
رنيم : مليحة بابا
دخلوا للكوزينة تعشاو و منبعد كل واحد راح رقد
صباح جديد و احداث جديدة :
حاطة يدها على خدها عينيها تنفخو من البكاء ، قاعدة تشوف فيه وجهه صفر حبة قارص دموعها رجعو هبطو مسحتهم بالخف كي شافته بدا ينوض
رحمة : منصف .... ( شدتله يدو ) كيفاش راك
منصف : راني مليح رحمة
رحمة : منصف نروح نعيط للولاد من البارح و هوما يحوسو يشوفوك
خرجت رحمة و شوية هكذا دخلت هي و مروان ؛ ادم و فاطمة
فاطمة : منصف
طاحت عليه تعنق و تبكي
فاطمة : حرام عليك وعلاش تخبي عليا يامنصف راك حرقتنا
شدها ادم
ادم : ماني ... ماني خلاص اقعدي
مروان : كيفاش راك بابا
منصف : راني مليح قولولي نتوما كيفاش راكم
مروان : رانا ملاح بابا متتقلقش علينا
منصف : يقين ... يقين ياك مقلتولهاش نعرفها ضعيفة و زيد الباك تاعها يروح
ادم : معلبالهاش بابا رباب راهي قاعدة معاها و قلنالها بلي نتوما جيتو عند ماني بارسكو راعي عيانة شوية
منصف : مليح ... علبالي نتكل على ولادي
مروان : راح جيو تقعدو عندو كي تخرج بابا
منصف : لالا وليدي نروح لداري
فاطمة : متيبسش راسك منصف
رحمة : و يقين كيفاش دير لقرايتها اذا رحنا عند مروان
فاطمة : ارواحو قعدو معايا اههه و رباب و مروان يقعدو مع يقين
مروان : ماني دارك صغيرة وبين تكفيكم كامل سينون نشريو دار هنا قريبة للسبيطار
منصف : الله يهديكم انا نريح فداري .... و راني نستنى فساعتي حتى جي
رحمة : منصصصف وعلاش هاذ الهدرة
منصف : رحمة على هاذي محبيتش نهدرلكم انا حالتي راهي ميأوس منها و مرانيش نخمم على روحي حاب نتهنى عليكم برك
فاطمة : راح تعيش وليدي راح تعيش و تشوف ولادك و ولاد ولادهم ايه منصف 😭😭
ادم : بابا راح تبرا و راح تولي خي من لي كنت على هاذي خممت .... ريزارفيتلك فسبيطار فكندا راح تكمل تتداوى لتما و راح ترجعنا بصحتك لهنا
رحمة : ايه هاذي حاجة مليحة
منصف : ادم يا وليدي متعييونيش
ادم : بابا منسحقش اعتراض راح تروحو و راح ترجع كي تكمل
منصف : و يقين كيفاش
ادم : مروان و رباب يقعدو فدارنا معاها بارسكو انا سييت بصح مكانش كيفاش يخليوني فالخدمة نبدل الولاية ؛ و فالويكاند و الفاكونص نروح نجيبها تقعد معانا حتى توليو ان شاء الله و حنا نقولولها بلي رحته عند خالتي لي فتركيا تقعدو معاها
منصف : ..... ايه اذا هكذا معليش بصح بلاكو على ختكم راهي صغيرة و ...
مروان : ماشي حتى توصي بابا
رحمة : و وقتاش نروحو ؟
ادم : اليوم فليل ان شاء الله
فاطمة : وعلاش تقلقت هكذا كون زدت خليتهم شوية يروحو يشوفو بنتهم و نشبعو منهم و يروحو
ادم : ماني قلنا يروح اليوم كلما بدا يتداوى بكري كلما خير
منصف : محسوب الموت كاينة فالجزائر و لهيك لالا
رحمة : منصف حبس الهدرة هاذي
ادم : الموت حق بابا بصح ربي دار المرض و دار الدواء صح ولا لالا
منصف : ايه اذا قدرت عليكم ارواحوا حاسبوني و دوكا يا ولاد خليو يماكم معايا تعاوني نلبس باش نوجدو روحنا نروحو
مروان : ايه
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛
