جازو اليامات بلخف و جازو زوج سمانات ؛ هذاك الصباح .....
رباب : صباح الخير ماني
فاطمة : صباح الخير ... عبد الرحيم ناض
رباب : لالا مزال ، تعرفي هبلني لبارح محبش يرقد
فاطمة : شفتي .... ها جا مروان .... مروان هدرت مع والديك مقالولكش وقتاش يلحقو
مروان : صباح الخير ؛ ايه هدرت معاهم قالولي الستة يكونوا هنا
فاطمة : مليحهنا كانوا راحوا للدار لجديدة بارسكو منصف و رحمة يجيو اليوم
صونا تليفون مروان خرج باش يهدر و فنفس الوقت فاطمة طلعت راسها على يقين لي هبطت ؛ فركت يديها و حمحمتفاطمة : صباح الخير بنتي
يقين : صباح الخير فطوم
فاطمة : اقعدي تشربي حليبك
يقين : اممم ... مروان مهبطش
رباب : سيي راح يهدر فالتليفون ... يقين ياك منستينيش اليوم تخرجي معايا لازم نروح نشري الحوايج حاجة ما رجعت جيني
يقين : مراكيش تشوفي فيا لابسة راني مكدبة نخرج تغميت فالدار
رباب : خلاص ملا نكملو و ويوصلنا مروان
يقين : ايه
فاطمة : يقين الزينة تاعي حابة نهدر معاك فحاجة
يقين : انعم
فاطمة : نعمتك دايمة
يقين : امين
فاطمة : يقين .... علبالك بلي والديك مكانوش هنا ؛ بصح ماشي كيما قلنالك .... هوما مراحوش عند خالتك .... باباك راح يداوي بارسكو .... بارسكو عندو cancer ( عفانا الله )
يقين : كيفاش
فاطمة : ايه ... يقين حنا مكناش حابينك تشغلي راسك بمرض باباك و نتي عندك الباك على هاذي و دوكا ... مدام صحة باباك تحسنت شوية قلنا وقتها باش تعرفيناضت و طبعت الكرسي
يقين : علبالكم بلي راكم تهدرو على بابا .... كيفاش تقدرو تخبيو عليا حاجة كيما هاذي
رباب : يقين مكانوش حابين يقلقوك برك
يقين ( عيطت ) : هذاك شغلي نتقلق ولا لالا معندكمش الحق تخبيو عليا ... بابا قاعد يعاني و انا حاسبتو راح فواياج راكم نورمالصوتو لي جا موراها و عياطو خلاوها تتهز من بلاصتها و تيبس مالخوف
مروان : يقين اعرفي كيفاش تهدري مع لي كبار عليك ... هوما خممو عليك و نتي جاية تحاسبي فيهم
هبطو دموعها و هدرت بصوت شبه مسموع
يقين : حرام عليكم تخبيو عليا كيما راهو باباك نتا و ادم راهو بابا انا تاني
مروان : و مزالك تهدري و تحاسبي ... شوفي يقين لي كبير عليك يعرفلك مصلحتك خير و دوكا روحي كملي حليبكبلعت غصتها و مسحت دموعها و دارت راجعة للطابلة حتى حبسها
مروان : متقوليليش خارجة معايا بهاذ اللبسة
يقين : وعلاش وشبيها لبستي
مروان ( عيط عليها ) : و راكي تشركي في فمك ... شوفي يقين فهمتك ديك لخطرة اللبسة هاذي منسحقكش تزيدي تلبسيها لالا و تزيدي تخرجي معايا بيهامعلبالهاش كيفاش تشجعت و هدرت
يقين : انا راهي عاجبتني و بابا مهدرلي والو عليها
مروان : يقين مزالني صابر عليك روحي بدليها
رباب : مروان خليها مزالها صغيرة
مروان : نتي مدخليش روحك ... روحي بدليها خفي
يقين : مروان راهي جايتك عليا
YOU ARE READING
انت املي _ باللهجة الجزائرية 🇩🇿 _
Romanceحكايتنا هاذ المرة غير باقي التفاصيل تعرفوهم فالكرونيك الكرونيك من تاليفي و هي من نسج الخيال 💛