[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၂၄] အမိုးပြန်ဖာဖို့လာပြီ|အမိုးျပန္ဖာဖို႔လာၿပီ

"လွန်ခဲ့တဲ့နှစ်နှစ်ကဒဏ်ရာကရှုလင်ကျားပေါ်မှာအရမ်းပြင်းထန်နေအုံးမယ်လို့ သူလုံးဝမထင်ထားခဲ့မိဘူး။"

........................................................................

ယွဲ့ထောင်စကားပြော၍ပြီးသွားသော် ရှုလင်ကျားရုတ်ခြည်းမူးဝေလာချေသည်။

ထိုအခိုက်၊ သူ့ခြေလက်များမှာလေးလံလာပြီး သူ့ရင်ဘတ်မှာမွန်းကြပ်လာကာ သူအောက်ခြေလွတ်မတတ်ပင်။

ထိုစဥ်၊ စနစ်၏မျက်နှာပြင်ပေါ်ထွက်လာပြီး ဇာတ်ကောင်အဆင့်၏ဖြစ်စဥ်ဘားတန်းမှာအနည်းငယ်အနောက်ပြန်ရောက်သွားတော့သည်။

ခုနတုန်းက စနစ်ကသူ့ကိုကျပန်းတာဝန်တစ်ခုပေးလာပြီး မင်ရှောင်းပြန်လည်ရှင်သန်လာတာကိုသူကူညီနိုင်လို့ရှိရင် သူ၏ကံကောင်းမှုတန်ဖိုးကိုတိုးမြှင့်နိုင်လိမ့်မည်ဟု ၎င်းကပြောခဲ့သည်။

ဤကဲ့သို့တာဝန်အမျိုးအစားကားမပြီးမြောက်လျှင်ပင် ပြစ်ဒဏ်မရှိသည့်တိုင် အကယ်၍ရှုလင်ကျားကကိုယ်တိုင်မကယ်ဘဲ မင်ရှောင်းကိုအခြားသူများမကယ်အောင်တားမြစ်လိုက်လို့ရှိရင် ယင်းကမလွဲဧကန်ပင်အမှတ်အနည်းငယ်နှုတ်ယူသွားလိမ့်မည်။

ကျန်းဖေးထုန်ကားသူ့နံဘေးတွင်ရပ်နေခြင်းပင်။ သူသည်ယွဲ့ထောင်ကိုစကားပြောနေပေမဲ့ ရှုလင်ကျား၏ကိုယ်အနည်းငယ်ယိုင်သွားသည်ကို မျက်လုံးထောင့်မှတဆင့်မြင်လိုက်ရ၏။ သူချက်ချင်းလက်မြှောက်ကာ ရှုလင်ကျား၏လက်မောင်းကိုဖမ်းဆွဲ၍ မေးလိုက်သည်။
"ဘာဖြစ်လို့လဲ။"

[လေထုကံကောင်းမှု: +10]

မူးဝေမှုကားချက်ချင်းဆိုသလိုပျောက်သွားပေမဲ့ ကံကောင်းမှုတန်ဖိုးရုတ်ခြည်းမြင့်တက်လာခြင်းကား ရှုလင်ကျားကိုအနည်းငယ်အံ့အားသင့်သွားစေသည်။

သူသည်ကျင်းဖေးထုန်၏ရက်ရောမှုကိုလက်ခံလိုက်ကာ သူ့ကိုခေါင်းငြိမ့်ပြ၍ ပြောလိုက်၏။
"ဘာမှမဖြစ်ပါဘူး။ ကျွန်တော်ခဏလောက်မြဲမြဲမရပ်နိုင်တော့လို့ပါ။"

ရှုလင်ကျားပြောလိုက်ရင်းဖြင့် သူ၏လက်မောင်းကိုကျင်းဖေးထုန်၏လက်ဝါးထံမှဆွဲထုတ်ကာ သူ့ဘာသာသူပြန်ရပ်လိုက်သည်။