[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၁၁]နှစ်ဖက်ချွန်ဓားသွား|ႏွစ္ဖက္ခြၽန္ဓားသြား

"ဘဝကရှင်သန်နေဆဲပါ။ ရှုလင်ကျားကတော့ဘယ်တော့မှပြန်မသွားပါဘူး။"

.............................................................................

မိစ္ဆာဓားက မီးတောက်များအဖြစ်သို့ပေါက်ကွဲသွားချိန်တုန်းက ၎င်းဟာရှုလင်ကျားနှင့်ကျင်းဖေးထုန်တို့၏တစ်ပြိုင်နက်တည်းတိုက်ခိုက်ခြင်းခံလိုက်ရသဖြင့် မြေပြင်ပေါ်သို့ပြုတ်ကျသွားကာ မည်သူမျှသတိမထားမိပေ။

၎င်းကမှော်စက်ဝန်းပျက်ဆီးသွားသည်ကိုအခွင့်ကောင်းယူ၍ အနီးတစ်ဝိုက်ရှိမကျေနပ်ချက်များကိုမြန်မြန်မျိုချကာ သွမ့်ဟောင်ရန်ကိုနောက်ဆုံးတိုက်ကွက်ပေးလာလိမ့်မည်ဟု မည်သူကမျှတွေးမိထားခဲ့မည်မဟုတ်။

သွေးထွက်လာသည့်အခိုက်အတန့်တွင် သွမ့်ဟောင်အရှေ့၌မှုန်ဝါးဝါးပုံရိပ်တစ်ခုပေါ်လာခဲ့ပြီး ၁၇၊ ၁၈နှစ်အရွယ်မျှရှိသောချောမောသည့်လူငယ်တစ်ယောက်၏ရုပ်ရည်သွင်ပြင်နှင့် အပြာရောင်ဝတ်ရုံကိုဝတ်ဆင်ထားလျက် လေထဲတွင်လွင့်မျောနေသည်ကို ရှုလင်ကျားမြင်လိုက်ရသည်။

သူထင်ယောင်ထင်မှားဖြစ်နေသည်ဟုတွေးမိလိုက်သည့်အချိန်မှာပင်၊ ကျင်းဖေးထုန်ကပြောလာသည်။
"ကြည့်ရတာ ဒါကသွမ့်မိသားစုရဲ့သခင်လေးဖြစ်ပုံပဲ။ သူ့ကိုဓားဝိညာဥ်ဖြစ်လာလိမ့်မယ်လို့ ငါမထင်ထားမိဘူး။ တကယ်ကြုံတောင့်ကြုံခဲပဲ။"

သွမ့်စဲ့သည်၅နှစ်၊ ၆နှစ်အရွယ်လောက်တွင် ဓားအောက်၌သေဆုံးသွားခဲ့ရပြီး သူ၏ဝိညာဥ်ကိုယ်ထည်မှာ သူ့မိခင်၏ပြန်လည်ဝင်စားခြင်းကိုရှာဖွေရန် ဓားထဲတွင် သူ့ဖခင်၏ချိပ်ပိတ်ခြင်းခံခဲ့ရ၏။

သူသည်အားနည်းစွာမွေးဖွားလာခဲ့ပြီး သူ၏မယ်ရီဒျန်များမှာပိတ်ဆို့နေပေသည်။ သူ့ဘဝဟာ လေထဲရှိဖယောင်းတိုင်ပမာ ။ သို့ပေမဲ့ သူ၏နာကျည်းချက်ကား သူသေဆုံးသွားသည့်အခိုက်အတန့်တွင် ပြင်းထန်လာပြီး သူ့ဘဝအားရှင်သန်ဖို့ရန်ပံ့ပိုးပေးလာသည်။

မထင်မှတ်ထားစွာဖြင့် လွန်ခဲ့သော၁၀နှစ်အတွင်းတွင် လူသားစိတ်ဝိညာဥ်နှင့်ဓားကား တစ်ခုတည်းဖြစ်လာပြီး ဓားဝိညာဥ်မှာကျင့်ကြံခြင်းခံလိုက်ရသည်။ ထိုအစား၊ သူ့မိဘမျာအား သူ့ကိုရှင်သန်ခွင့်ပေးစေလိုသောဆန္ဒမှာ မတော်တဆဖြင့်အမှန်တကယ်ဖြစ်မြောက်လာပေသည်။ ဒါက ကောင်းတာလား၊ ဆိုးတာလားဆိုတာ ငါတကယ်မသိတော့။