[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၄]ကျားယွီ ရှုထုန်|က်ားယြီ ရႈထုန္

"မြေခွေးတစ်ကောင်ရဲ့လူမှုကျင့်ဝတ်က အမြှီးကိုလှုပ်ယမ်းပြတာပဲ"

______________________________________________________

မိန်းကလေးရပ်သွားတာကိုမြင်လိုက်ရရင်း မြေခွေးလေးဟာလည်းရပ်တန့်လိုက်ပြီး ခေါင်းလေးကိုမော့ကာ သူမအား စိုစွတ်သောမျက်လုံးဝိုင်းဝိုင်းလေးများဖြင့်ကြည့်လာပေသည်။

မည်သည့်မိန်းကလေးကမျှထိုကဲ့သို့ပုံစံမျိုးကိုမတောင့်ခံနိုင်ပေ။ မိန်းကလေးကခက်ခက်ခဲခဲရှေ့ကိုလျှောက်လာလိုက်ပေမဲ့ မြေခွေးလေး၏ညာဘက်ရှေ့ခြေဖဝါးပေါ်တွင် သွေးစွန်းနေသည်ကို သူမရုတ်တရက်မြင်လိုက်ရသည်။

သူမမြန်မြန်လေးဆောင့်ကြောင့်ထိုင်ချကာ လက်ဖဝါးလေးကိုကြည့်လိုက်သည်။
"မင်းဒဏ်ရာရထားတာလား။ နာနေလားဟင်။"

ရှုလင်ကျားသည်တောင်ထွတ်ပေါ်တွင်ဓားဆွဲထုတ်လိုက်တုန်းက ဒဏ်ရာရသွားခဲ့ကာ သူ၏ညာဘက်လက်တွင်အပေါက်သေးသေးလေးတစ်ပေါက်ကျန်ရစ်ခဲ့၏။ ငါကိုယ့်ကိုယ်ကိုတောင်ဂရုမစိုက်နိုင်ခဲ့ဘူး။ မြေခွေးအဖြစ်ပြောင်းသွားပြီးနောက် အမွှေးမှာအလွန်ဖြူဖွေးလှသဖြင့် သွေးကွက်ကအနည်းငယ်သိသာနေပေသည်။

သို့ပေမဲ့ မိန်းကလေးမှာမြေခွေးလေးအကူအညီတောင်းနေသည်ဟု ထင်လိုက်မိသဖြင့် အဝတ်ထဲမှလက်ကိုင်ပုဝါအဟောင်းတစ်ခုကိုခပ်မြန်မြန်ထုတ်ကာ ဖြန့်လိုက်ပြီး သူ၏ဒဏ်ရာကိုပတ်တီးစီးပေးရန် ရှုလင်ကျား၏ရှေ့ခြေဖဝါးနှစ်ဖက်ကိုမလိုက်သည်။

ရှုလင်ကျားကရိုးသားစွာပူးပေါင်းပေးလိုက်ပေမဲ့ တကယ်တမ်းတွင်မူ မိန်းကလေး၏ဘေးတွင်ချထားသောဓားငယ်လေးကိုကြည့်ဖို့ရန် အခွင့်ရေးယူနေခြင်းပင်။

သူကပဲဆတ်ဆတ်ထိမခံဖြစ်နေလားတော့ သူမသိပေ။ ဓားကား မိန်းကလေး၏ဝယ်ယူခြင်းခံလိုက်ရပြီးနောက် ဓားအသက်ရှုသံတွင် နာကျည်းမှုနည်းပါးသွားပုံပေါ်ကာ သို့ပေမဲ့ဝမ်းနည်းမှုနှင့်ဒေါသတို့အနည်းငယ်ပိုလာသည်။

မတူညီသောဓားတစ်လက်ချင်းစီတွင် ၎င်း၏ကိုယ်ပိုင်သီးခြားဓားရှုရှိုက်သံရှိသည်။ သို့ပေမဲ့ ဤကဲ့သို့များပြားရှုပ်ထွေးသောစိတ်ခံစားချက်များကိုတော့ သူပထမဆုံးမြင်ဖူးခြင်းပင်။