[COMPLETED] မြေခွေးရှစ်တိနှင့်ဗီလိန်ရှစ်ရှုန်း || ဘာသာပြန်

[၁၅]စွင်းကျုံးသေရည်စိမ်း|စြင္းက်ဳံးေသရည္စိမ္း

"ရန်သူရဲ့လမ်းစဥ်ကကျဥ်းမြောင်းတယ်။ ဒီတော့ မျက်နှာကိုဖြတ်ရိုက်ဖို့ပြင်ထားပါ။"

........................................................................

ရှုလင်ကျားတစ်ယောက်မြေခွေးအသွင်ကိုပြောင်းလဲရန် ဖြစ်တောင့်ဖြစ်ခဲတက်ကြွလျက်ရှိသည်။ ဒီအဖြေက ချန်နဥ်ကိုကူညီလိုက်ရုံတင်သာမကဘဲ သူ့ကိုလည်းမျက်နှာသာများစွာပေးနေပေသည်။

ကံကောင်းထောက်မစွာဖြင့် ချင်းချိုးသည် မြေခွေးမျိုးနွယ်စု၏မွေးရပ်မြေဖြစ်၏။ ရှုလင်ကျားမြေခွေးအသွင်သို့ပြောင်းလဲအပြီးတွင် မကြာမီ၌အမွှေးလုံးပင်လယ်ထံသို့ သူ့ကျရောက်သွားတော့သည်။ ပုံမှန်ကဲ့သို့ "အရမ်းချစ်ဖို့ကောင်းလိုက်တာ"ဟုအပြောခံရမည့်အစားပေါ့။

မြေခွေးမျိုးနွယ်စုကအရမ်းကောင်းတယ်၊ သူသဘောကျတယ်။

မြေခွေးမျိုးနွယ်စု၏နည်းလမ်းအရ လူတိုင်းဝတ်ပြုဆုတောင်းပြီးနောက်တွင် ချန်နဥ်ကလျို့ဝှက်နယ်မြေထဲဝင်ရောက်ရန် လိုက်ပါသူများကိုစီစဥ်ခဲ့သည်။ ချင်းချိုးရှိမြေခွေးမျိုးနွယ်စုများလူသားအသွင်ပြန်လည်ရရှိပြီးနောက်မှသာလျှင်၊ သူတို့ထွက်ခွာလာခဲ့ကြသည်။

အမျိုးမျိုးသောမျိုးနွယ်စုများမှာပို့လိုက်သော ကူညီသူများအားလုံးရောက်ရှိနေပြီးနောက်၊ ရှုလင်ကျားကမန္တာန်တစ်ခုသုံး၍ မြေခွေးမျိုးနွယ်စု၏သခင်လေးအဖြစ်ဟန်ဆောင်ပြီး ချန်နျဥ်နှင့်အခြားသူများနှင့်အတူ လျို့ဝှက်နယ်မြေထံသွားလိုက်သည်။

လျို့ဝှက်နယ်ပယ်အပြင်ဖက်တွင် လူပေါင်းများစွာစုစည်းလျက်ရှိပြီး အများစုမှာရှုလင်ကျားနှင့်ရင်းနှီးသောမျက်နှာများဖြစ်ပေသည်။

ချင်းချိုး၏ကိုယ်ပိုင်ခွန်အားကမဆိုးလှ၊ သူရှာခဲ့သောကူညီသူများဟာလည်း ကျော်ကြားသောဂိုဏ်းတချို့မှဖြစ်ကြသည်။ ဤတစ်ကြိမ်၌မူ၊ စုစုပေါင်းဂိုဏ်း၈ဂိုဏ်းရောက်လာခဲ့ချေသည်။

ရှုလင်ကျားစိုက်ကြည့်လိုက်ရာ ရန်သူဟောင်းများဖြစ်ကြသောကျန်းရွေ့နှင့်ရိလင်းတို့ကိုတွေ့လိုက်ရသည်။