စာအုပ်ထဲကဗီလိန်အကြီးစားအဖြစ်သို့ ကူးပြောင်းလာခြင်း (ဘာသာပြန်)

Ch 42: The Peaceful Mountain Qiao

အမှောင်ထဲတွင် ခဲ့ရွမ်သည် စစ်ယွိဟန်ကို ကျောပေါ်တင်ကာ စစ်သူကြီးလင်ကို ရှာရင်း မြေပြင်ပေါ်ကို စူးစမ်းနေသည်။

စစ်ယိဟန်ကို သူ့နောက်ကျောမှာ ထမ်းထားရခြင်းသည် ခဲ့ရွမ်ကို ပိုပိုမောပန်းလာစေကာ စစ်ယွိဟန်အား သူ့ခြေလှမ်းများ ပိုလေးလံလာသည်ကို သံသယဖြစ်စေသည်။ ထိုအချိန်တွင် အဝေးတစ်‌နေရာမှ ရယ်မောသံတွေကို ကြားလိုက်ရသည်။ ခဲ့ရွမ်သည် အနီးဆုံးသစ်ပင်ပေါ်သို့ ခုန်ကူးပြီးနောက် စစ်ယွိဟန်ကို သစ်ကိုင်းတစ်ခုပေါ်တွင် တင်လိုက်သည်။ ထို့နောက် သူ၏လက်ညှိုးကို စစ်ယွိဟန်၏ နှုတ်ခမ်းပေါ်တင်ကာ "တိတ်တိတ်နေ" ဟု အဓိပ္ပာယ်ပြုလိုက်သည်။

စစ်ယွိဟန်သည် မျက်ခုံးပင့်ကာ မလှုပ်မယှက် နေလိုက်သည်။

ခဲ့ရွမ် ငုံ့ကြည့်ပြီးနောက် မျက်မှောင်ကြုတ်လိုက်သည်။ မိန်းကလေးတော်တော်များများ သစ်ပင်အောက်ကနေ လမ်းလျှောက်လာကြသည်။ အဲဒီအထဲက တော်တော် များများက ဓားပြတွေရဲ့ ဇနီးတွေလား ဟုတွေးကာ ခဲ့ရွမ် အံ့သြသွားခဲ့သည်။

"အားလန်.. မြန်မြန်လုပ်.. နောက်မကျန်စေနဲ့"

"ငါ မကြာခင်လိုက်ခဲ့ပါ့မယ်.. ကောင်မလေးတွေ နင်တို့အရင်သွားနှင့်"

သူတို့ထွက်သွားပြီးနောက် ဆယ့်လေး၊ ဆယ့်ငါးနှစ်အရွယ် မိန်းကလေးတယောက် ရောက်လာသည်။ ခဲ့ရွမ်က တိုးညှင်းသော အသံဖြင့် ပြောလိုက်၏။

"ဟန်.. မင်းလက်တွေကို တင်းတင်းကြပ်ကြပ်
ဆုပ်ကိုင်ထားနော်.. မပြုတ်ကျစေနဲ့.. ငါပြောတာကြားရဲ့လား"

စစ်ယွိဟန်က ခေါင်းညိတ်လိုက်သည်။
"သခင်လေးက ဘယ်ကိုသွားမလို့လဲ"

"ဘယ်မှမဟုတ်ဘူး.. စိတ်မပူနဲ့.. ငါ မင်းကို ဘယ်တော့မှ တစ်ယောက်ထဲ မထားခဲ့ဘူး။ စစ်သူကြီးလင် ဘယ်မှာရှိလဲ သူမများ သိမလားလို့ မေးကြည့်ချင်တာပါ"

"ကောင်းပါပြီ" စစ်ယွိဟန်က ပြောလိုက်သည်။

ထိုမိန်းကလေးရောက်လာတာကိုမြင်တော့ ခဲ့ရွမ်က သူမနောက် ခုန်ဆင်းလိုက်ပြီး ပါးစပ်ကို လက်ဖြင့်အုပ်လိုက်သည်။