CONTINUATION OF CHAPTER 25 (Operation: Make the Maldita Suffer)
____
YASSY's POV:
HINDI ako makapaniwala sa nalaman ko ngayon.
Buong akala ko, isang normal na estudyante rin si Adrian sa University na 'to. But I was wrong. Sa halip, ka-partner pala siya ni Andrea.
I don't know why pero biglang kumirot ang dibdib ko. Knowing the fact na dineny ako ni Adrian sa mismong harapan ng babae.
Kahit na galit siya sa akin, dapat hindi niya sinabi 'yon diba?
Dapat pinakilala niya pa rin ako bilang girlfriend, sa kabila ng hindi namin pagkakaintindihan.
Shit! It just a simple words pero ang sakit sa damdamin.
Lutang na lutang tuloy ako buong maghapon.
Hindi ako nakinig sa Professor.
Kasi yung utak ko, lumilipad sa kalawakan.
Iniisip ko kasi ang sasabihin ko kay Adrian at kung ano ang paliwanag niya.
"Goodbye Sir.", sambit ng mga kaklase ko.
Tsaka lang ako nagising sa reyalidad kaya napatayo na rin ako.
Gusto ko ng umuwi para marinig ang side ni Adrian.
I don't want to judge him. Siguro nadala siya sa galit niya, kaya niya ako na-deny.
NAGSIMULA na akong maglakad at inalis ko muna ang takot sa mga aso.
Hindi ko dapat ito pairalin ngayon dahil tiyak hindi ako makakauwi kapag inuna ko ang takot.
Nung nakalayo na ako sa mga aso, tumakbo na agad ako ng mabilis dahilan para hingal na hingal akong nakarating sa bahay.
Nagkakape si Adrian na naabutan ko habang nanonood ng tv.
Hindi niya ako kinibo na tila isa akong hangin na hindi niya makita.
"Campus King ka pala sa University? Bakit hindi mo sinabi sa akin.", saad ko sa kanya bilang panimula.
"Tsk. As far as I remember, hindi kita nanay.", pagtutugon niya.
"Adrian!", bigkas ko sa pangalan nito.
Masyado siyang maldito!
"What?", inis na sambit niya.
"Bakit ka ba ganyan? Tinatanong kita ng maayos eh! Tapos kung sumagot ka, pabalang?", asar kong wika.
"Wala ka ng pakialam do'n. Tsaka teka nga, akala ko ba may lakad kayo ng Jiho mo?", pag-iiba nitong usapan.
"Lakad? Kami ni Jiho? At saan mo naman nabalitaan 'yan? Wala kaming lakad noh?! And for your information, tinanggihan ko ang binata para sayo.", pahayag ko sabay duro ko sa lalaki.
Fake news yata ang nasagap niyang balita.
But wait, nakalimutan kong sabihin ang tungkol sa sinabi ni Andrea.
Bigla tuloy na kumulo ang aking dugo at napalitan ng galit ang reaksyon ko.
"And by the way, nabanggit ni Andrea na dineny mo ako sa harapan niya bilang girlfriend mo. Is that true?", I asked him.
Humigop muna siya ng kape bago ito napatitig muli sa gawi ko.
"Oo. I denied you. Kahit sino namang lalaki, itatanggi kang girlfriend dahil sa inasta mo kanina.",
"Huh?",
"Yassy, ang ayaw ng mga lalaki yung malalandi. At sa ginawa mong pagsuway sa akin, ang panget mo sa paningin ko.", malamig na litanya nito.
Inilapag niya ang kape habang nanatiling kalmado ang mukha.
"Wow! Just wow Adrian! Nakipag-usap lang sa lalaki, malandi agad? Nakipagkaibigan lang, malandi agad? Anong klaseng utak ba 'yan? Tama ba na pag-isipan mong ganyan ang girlfriend mo ha? Utak mo may ubo!", I shouted.
Nakakabwisit siya!
Akala ko pa naman maganda ang paliwanag niya, pero nagkamali ako.
Dahil kahit anong gawin ko, sa paningin niya, masama pa rin ako.
END OF CHAPTER 25
©Binibining_Timoji