• ADRIANNA •
Wala pa sila Asher pagdating ko sa sakayan ng jeep pero nang sumilip ako sa loob ay nakita ko si Enrico.
Enrico Montero, ang tagal din naming naging mag-M.U, buong third year hanggang sa simula ng bakasyon. Siya ang first kiss ko. Isang mabilis na peck lang so hindi ko alam kung counted ba 'yon. Naalala ko palagi pa kaming magka holding hands at siya lang ang nag iisang lalaki na pumasa kay Asher.
Kaso ayun, nung nagbakasyon at nagkahiwalay kami, naging busy, nawala ang kung ano mang meron kami. Minsan naiisip ko nagkagustuhan lang kami noon dahil palagi kaming inaasar sa isa't-isa at palagi din kaming magkasama, hindi kami nagkaroon ng malalim na feelings para sa isa't-isa.
Hindi tulad ng nararamdaman ko para kay Asher ngayon na parang mababaliw na ako sa pagka gusto sakanya.
Tinitignan ako ni Enrico ngayon at nakangiti siya. "Hindi ka pa ba sasakay?" tanong niya.
"Wala pa sila Asher eh."
"Kumatok ako sakanila kanina," sabi ni Enrico. "Na-late daw siya ng gising sabi ni Mama niya. Mamaya pa 'yun lalabas."
"Ahh.. eh si James?"
Nagkibit balikat si Enrico. "Hindi ko alam." Tumango siya. "Sakay ka na, mauna na tayo. Aalis na 'to oh."
Wala na akong nagawa. Pagka sakay ko, umandar na 'yung jeep at halos thirty minutes kaming naka upo ni Enrico sa harap ng isa't-isa at nag iiwasan ng tingin.
Panigurado uulanin nanaman ako ng pang-aasar mula kay Asher mamaya.
Naghiwalay agad kami pagdating sa gate. Nagpunta siya ng canteen habang ako ay dumiretso na sa building namin. Ni hindi kami nagpaalam sa isa't-isa. Obviously, malakas parin talaga ang awkwardness saming dalawa.
Pagdating ko sa classroom, may kumpulang nagaganap. Nang lumapit ako, nakita kong nag ja-jamming pala sila at si Angelo ang may hawak ng gitara. You and Me by Lifehouse ang tinutugtog nila.
Nilagpasan ko ang kumpulan at nagpunta na sa upuan ko kung saan nakita kong natutulog ang seatmate kong si Jared. "Palagi nalang tulog," mahina kong sabi habang ibinababa ang mga gamit ko. Pagkatapos ay bumalik ako doon sa kumpulan at umupo sa isang bakanteng upuan.
"'Cause it's you and me, and all of the people with nothing to do and nothing to lose," pagkanta ni Angelo at isa ako sa mga nakisabay sakanya. "And it's you and me, and all of the people and I don't know why.. I can't keep my eyes off of you."
"Adrianna!" sigaw ni Asher mula sa pinto. Tinignan ko siya at nakitang nakangiti siya ng malawak. "Lika dito, may bibigay ako sa'yo."
Tumayo ako mula sa inuupuan ko. "Ano 'yun?" tanong ko sakanya habang naglalakad papalapit. "Kadarating mo lang?"
"Oo." Isinandal ni Asher ang ulo niya sa may pinto at nginitian ako. "Magugustuhan mo 'yung ibibigay ko sa'yo."
'Yung puso mo?
Kinagat ko ang dila ko at ikinunot ang noo ko. "Ano naman 'yun?" tanong ko sakanya.
Lumawak ang ngiti niya bago ipakita ang nasa kamay niya. Isang bar ng Cloud 9.
"Wooow, para sakin?"
"Peace offering sa kahapon."
Kinuha ko 'to sakanya. "Kahapon? Wala na 'yun. Bati na tayo eh." Sabi ko. "Pero thank you!"
"Alam ko bati na tayo," sabi niya. "Pero gusto ko lang makita 'yang ngiti mo."
Parang mapupunit na ang labi ko sa sobrang lawak ng ngiti ko. Una 'yung mga text niya kagabi tapos ngayon naman ito? Ginamit kong pantakip ng kinikilig kong ngiti 'yung Cloud 9. "Thank you."
"You're welcome," sagot niya bago i-pat ang ulo ko. "Mauna na ako ah? Paki pasok nalang 'tong bag ko."
"Saan ka pupunta?" tanong ko. Ibinulsa ko 'yung Cloud 9 bago kunin sakanya ang bag niya.
"Kay James lang saglit," sagot niya. "May.. chiks kasi dun sa classroom niya."
Napawi ang ngiti ko. "Chiks?"
"Savannah pangalan," sabi niya. "Nakita mo na 'yun? Tangkad. Maputi."
"H-Hindi pa."
"Tuturo ko sa'yo mamayang flag ceremony."
"Okay."
Ngumiti si Asher at muling pinat ang ulo ko. "Kita nalang tayo mamaya. Enjoy mo 'yang Cloud 9 mo."
Hindi ko na magawang sumagot dahil parang binibiyak ang puso ko. Umasa ka nanaman kasi, sabi ng isang boses sa isipan ko. Kala mo naman gusto ka na niya. Binigyan mo nanaman ng malisya ang mga kilos niya.
Hindi kaagad ako nakaalis sa pwesto ko kahit na umalis na si Asher. Nagawa ko lang gumalaw nang may humawak sa braso ko. "Adrianna, tulala ka jan?" tanong ng kaklase kong si Kei. Nakatayo siya sa harap ko ang nakakunot ang noo.
Ngumiti ako at mahinang tumawa. "M-May iniisip lang."
"Okay ka lang?" tanong niya at tumango lang ako. "Sure ka?" pangungulit niya.
"Oo naman," sagot ko sakanya. "Wag mo na akong pansinin."
"Para kang mulala jan eh."
"May iniisip nga lang ako," sabi ko.
"Sino? Si Asher?"
"Huy," sinundot ko siya sa tagiliran. "Wag ka ngang maingay. Hindi noh."
Binigyan niya ako ng isang nang aasar na ngiti. "Kunwari ka pa. Alam naman ng lahat na may HD ka sa bestfriend mo."
Kinabig ko ang braso niya. "Kei, 'wag ka ngang maingay!"
"Wala naman nakakarinig eh. Ang hina hina ng boses ko."
"Mamaya-" Natigilan ako at pati na din si Kei nang marinig namin ang pagkanta ni Angelo. Nagkukumpulan parin sila doon pero medyo nabawasan na dahil malapit ng mag-bell.
"Give me love like her... 'cause lately I've been waking up alone." Rinig kong pagkanta niya. Hindi ko nakikita ang mukha niya dahil sa dami ng nakaharang ngunit dahil sa pagkatahimik ng buong silid ay rinig na rinig ko ang boses niya. "Paint splattered teardrops on my shirt, told you i'd let them go."
"Si Angelo ba 'yun? 'Yung bago?" tanong ni Kei at sabay kaming lumapit sa kumpulan.
"Oo," sagot ko. "Ang ganda ng boses niya noh?"
"Nakaka inlove."
Tumango ako at nagpunta na sa upuan ni Asher para ibaba ang bag niya bago bumalik kina Angelo. "Give a little time to me or burn this out. We'll play hide and seek to turn this around. All I want is the taste that your lips allow." Umupo ako sa tabi niya at saglit niya akong tinignan bago ngitian. "My, my, my, my, oh give me love"
• ASHER •
Tinitigan ko ang magandang mukha ni Savannah. Napaka kinis ng mukha. Para siyang artista tapos ang haba ng pilik mata. Walang suot na kahit na anong make-up pero nakaka bighani parin. Ni hindi ko na magawang pakinggan ang mga sinasabi niya. Importante pa ba 'yon? Mukha niya palang sapat na.
"Akala ko may girlfriend ka na," narinig kong sabi niya kaya naman nabalik ako sa tamang pag-iisip.
"Ha?"
"Diba? Hindi mo ba girlfriend 'yung kasama mo yesterday?"
Nangunot ang noo ko at nagtataka akong napatingin kay James. Nagkibit balikat siya. Tinignan ko ulit si Savannah. "Sino?"
"I don't know her name," sagot niya. "Pero kahapon nung uwian-"
"Maitim?" tanong ko kasabay ng pagtanong ni James ng, "Yung maganda?" Sinimangutan ko siya.
"You were with her nung uwian," sabi ni Savannah.
"Hannah o Adrianna," sabi ko. "Kaibigan ko lang 'yung dalawang 'yon."
"Ah, really?" Parang nahihiya niyang tanong pero alam kong natutuwa 'to na malamang single ako. Kinamot niya 'yung ulo niya. "You were holding her hand kasi.."
Adrianna
Tumawa ako. "Wala 'yun. Parang nakababata ko na kasing kapatid 'yun."
"Oo," pag kumpirma ni James. "Magkaibigan lang sila."
"Ahh okay okay," mahina siyang tumawa. "Sige pala."
Ngumisi ako. "Ikaw single ka naman diba?"
"Single na single."
"Good," napatawa ako. May pag asa. Napaka laking pag asa. "Good."
Ibinuka ni Savannah ang bibig niya para magsalita ngunit biglang tumunog 'yung bell. Napatingin ako sa taas bago kay Savannah. "Sabay na tayo bumaba?" tanong ko.
"Sure," ngiting sagot niya.
Ang ganda talaga.