ပြောစရာတွေများလွန်းလို့ ဘယ်ကစပြောရမှန်းတောင် မသိတော့ပါဘူး။
Reader တွေကို ငိုအောင်လုပ်ခဲ့သမျှ မမွန် ဇာတ်သိမ်းပြီးတော့မှပဲ ၀မ်းနည်းလွန်းလို့ ငိုရပါတယ်။
ဒီဇာတ်လမ်းကို အများကြီး ခံစားပြီးရေးခဲ့တာပါ။ တွေးထားတာထက် ပိုရက်စက်ပြီး ငိုရအောင် ရေးထားသလို ဖြစ်သွားတာ တောင်းပန်ပါတယ်။ ဒါကြောင့်လည်း အပိုင်းသစ်တစ်ပိုင်းတင်တိုင်း ရင်နာခံ စိတ်ညစ်ခံပြီး ဖတ်ပေး အားပေးခဲ့တဲ့ တစ်ယောက်ချင်းစီကို ကျေးဇူးအများကြီးတင်ပါတယ်။
မမွန်က ဘယ်လိုဇာတ်သိမ်းမယ်ဆိုတာ သိသိကြီးနဲ့ရေးရတာတောင် ရင်နာနေရရင် ဇာတ်သိမ်းမသိတဲ့ reader တွေ ဘယ်လောက် ခံရခက်မယ်ဆိုတာ နားလည်ပါတယ်။
နည်းနည်းတော့ ရှင်းပြပါရစေ။
မမွန် ဒီဇာတ်ကောင် သုံးယောက်မှာ ဘယ်သူ့ကိုမှ ပိုမချစ်သလို ဘယ်သူ့ကိုမှလည်း ပိုမမုန်းပါဘူး။ ခံယူချက်မတူပေမယ့် အချစ်ဆိုတာ တစ်ခုပဲဆိုတာကို သုံးနေရာကနေ ၀င်ရေးခဲ့တာပါ။ ဘယ်ဇာတ်ကောင်ကိုပဲရေးရေး ကိုယ်က အဲဒီဇာတ်ကောင်နေရာကိုဝင်မှ ရေးလို့ရတာပါ။
ငယ်ငယ်တုန်းက ခဲတံလေးတွေ ခဲဖျက်လေးတွေကို လူတွေလို သဘောထားပြီး၊ လူတွေဖြစ်အောင် အသက်သွင်းပုံပြောသလို စိတ်ကူးထဲက ဇာတ်ကောင်တွေကို ချရေးတဲ့အခါ ဘယ်သူ့ကိုတော့ ကြည့်မရဘူး ဘယ်သူ့ကိုတော့ မုန်းလိုက်တာဆိုတဲ့ အတွေးတွေမရှိပါဘူး။
အားလုံးကို အသက်ဝင်အောင် ပုံပြောသူက ဇာတ်လမ်းအရ ရင်နာအောင် မုန်းအောင် ချစ်အောင် ရေးဖြစ်ပါတယ်။ ဒါပေမယ့် မမွန်ပြောသလို ကိုယ်ချစ်အောင်ရေးလည်း ဖတ်သူတွေက မုန်းခွင့်ရှိသလို မုန်းအောင်ရေးလည်း ချစ်ခွင့်ရှိပါတယ်။
နေရှင်းခ ကို နောက်ဆုံးတော့ အရူးလို ငတုံးလိုဖြစ်အောင် ရေးတယ်လို့ ပြောခံရတော့ ၀မ်းနည်းလွန်းလို့ ငိုတောင် ငိုချင်ပါတယ်။ မမွန်သာ နေရှင်းခကိုမချစ်ရင် အစပိုင်းကတည်းက အားလုံးရင်ထဲစွဲသွားအောင် မရေးပါဘူး။ သတိုးအပေါ်ချစ်တဲ့ သူ့အချစ်တွေကို အမြဲလိုလို ဦးစားပေးရေးခဲ့သလို အဖြစ်မှန်သိပြီးတာတောင် ဘယ်လောက်ချစ်သေးတယ်ဆိုတာ အပြုအမူတစ်ချို့နဲ့ reader ခံစားလို့ရအောင် ရေးခဲ့ပါတယ်။ သတိုးနဲ့ပတ်သက်ရင် ယမုံနဲ့ရော မိခင်ဖြစ်သူနဲ့ပါ ပြတ်သားကြောင်း သတ္တိရှိသူတစ်ယောက်လို ရေးခဲ့ပါတယ်။ နေရှင်းခဖက်ကနာလို့ ကိုယ်သံယောဇဉ်ဖြစ်နေတဲ့ account တစ်ချို့ကပါ မဖတ်တော့ဘူးဆိုတဲ့အထိ ပြောလာတော့ တော်တော်လေး ၀မ်းနည်းခဲ့ရတယ်။
ထက်ဝေယံကိုလည်း ချစ်တာပါပဲ။ သတိုးသူ့ကိုဘယ်တော့မှ မချစ်စေရဘူးဆိုတဲ့ အသိနဲ့ အစအဆုံးရေးခဲ့တာပါ။ မမွန် သူ့အတွက် ရင်နာရပါတယ်။ တကယ်တော့ ဝေယံက သနားဖို့အကောင်းဆုံးပါ။ chapter 20 ကိုလည်း ရင်နာနာနဲ့ ရေးခဲ့ရပါတယ်။ သူ့အတွက် နေရှင်းခကို မုန်းဖို့ခိုင်လုံတဲ့ အကြောင်းပြချက်တစ်ခု လိုအပ်တာမို့လို့ ရိုးရိုးအရိုက်ခံရတာမဟုတ်ဘဲ ဒီအထိ ရေးခဲ့တာပါ။ reader တွေရဲ့ ရင်ထဲမှာ နေရှင်းခ နီးပါးတန်းတူ တိုးဝင်နိုင်ဖို့ မရှိမဖြစ် လိုအပ်ခဲ့လို့ပါ။
သတိုးကိုလည်း သနားဖို့ကောင်းအောင် ရေးခဲ့သလို မုန်းဖို့ကောင်းအောင် ရေးခဲ့ပါတယ်။ chapter 22 ကနေ chapter 27 ထိ သတိုးရဲ့ ခံစားချက်တွေကို မဖော်ပြဘဲ တမင်အခြားသူများဖက်ကနေ တမင် လှည့်ရေးခဲ့ပါတယ်။ သူ့ရဲ့ယုံကြည်ချက်တွေကို နောက်ဆုံးဖွင့်ပြမယ့်အထိ နားမလည်နိုင်အောင် ရေးဖြစ်ခဲ့တာပါ။
မမွန်ပြောသလို သုံးယောက်စလုံး ဘယ်သူမှ မသက်သာခဲ့ပါဘူး။
မမွန် ဘယ်လိုရေးရေး အားပေးနေမယ်ဆိုတဲ့ reader လေးတွေရဲ့ ကျေးဇူးကို မမေ့ပါဘူး။ တကယ့်ကို ခွန်အားဖြစ်ခဲ့ရပါတယ်။
အားလုံးကိုလည်း တောင်းပန်ပါတယ်။ ၀မ်းနည်းခဲ့ရအောင်လုပ်တဲ့အတွက်ရော ငိုအောင် လုပ်ခဲ့တဲ့အတွက်ပါ တောင်းပန်ပါတယ်။ ပြောမှားဆိုမှားရှိခဲ့ရင်လည်း ခွင့်လွှတ်ပေးပါ။
ဝမ်းအနည်းဆုံးကတော့ နောက်ပိုင်းတွေမှာ ပြီးချင်ဇောနဲ့ comment တွေကို တစ်ယောက်ချင်းစီ မပြန်နိုင်ခဲ့တာပါ။
Reader တွေဟာ author တွေအတွက် ခွန်အားပါ။ မျှဝေခံစားပေးနေတဲ့ ကျေးဇူးရှင်တွေပါ။ မမွန် ၀တ္တုတွေဖတ်တဲ့ လူငယ်အများစုက ကျောင်းသူကျောင်းသားတွေမို့ မုန့်ဖိုးကုန်ခံပြီး ဖတ်ပေးနေတယ်ဆိုတာ မမွန် ဘယ်တော့မှမမေ့ပါဘူး။
Seme, uke ခွဲကြတဲ့ ကိစ္စလေး မမွန်နားလည်သလောက် ပြောပါရစေ။ manga term အရ yaoi, yuri anime , manga တွေမှာ ဦးဆောင်သူနှင့် နောက်လိုက် ခွဲသလိုမျိုးခွဲကြပါတယ်။ ဒါကို မမွန်နားလည်ပါတယ်။
reader တွေစိတ်ကြိုက် ထင်သလို ကောက်ချက်ချနိုင်ပါတယ်။
ဒါပေမယ့် အပြင်မှာ gay couple တွေ့ရင် ဘယ်သူကယောက်ျားနေရာကနေလဲ ဘယ်သူက မိန်းမနေရာလဲဆိုတာတော့ သွားမမေးကြပါနဲ့နော်။ 😅😅အားနာစရာကောင်းလို့ပါ။
နှစ်ယောက်စလုံးက ယောက်ျားလေးတွေလေ။ 😉
top, bottom နဲ့ versatile သုံးမျိုးမှာ top ဒါမှမဟုတ် bottom အဖြစ်သာ ပုံသေသတ်မှတ်ထားသူများရှိသလို versatile တွေလည်း ရှိပါတယ်။ စစ်တမ်းအရဆိုရင်တော့ gay အများစုဟာ versatile ဖြစ်ကြလို့ပါ။ မဟုတ်ရင် တစ်ယောက်နဲ့တစ်ယောက် ချစ်ကြိုက်ပြီးမှ T နဲ့ B သဘောတူညီချက်မရလို့ ကွဲသွားရတော့မှာပဲ။ versatile မှာမှ ver top နဲ့ ver bottom ရှိပါတယ်။
role play တွေအားလုံးကို မမွန်ချစ်သလို ကျေးဇူးလည်းတင်ပါတယ်။ အဓိကဇာတ်ဆောင်မဟုတ်ဘဲ fic အပေါ်တွယ်တာတဲ့စိတ်နဲ့ ဇာတ်ရံဇာတ်ဆောင် ဗီလိန်ဇာတ်ဆောင်လုပ်ပေးသူတွေရဲ့ မေတ္တာကိုလည်း လေးစားပါတယ်။ အချင်းချင်း war တွေမှာမပါဖို့ တိုက်တွန်းနေတာ တွေ့ရတော့လည်း ဂုဏ်ယူမိပါတယ်။ ဒေါ်မေချို role play က သတိုးနဲ့ ကိုလေးကို မျက်စောင်းထိုးနေတာ ဖတ်ရတော့ ရယ်လိုက်ရတာ ဗိုက်တောင်နာတယ်။
ဝတ္တု cover အတွက် လက်ဆောင်လာပေးခဲ့တဲ့ ညီမလေး @XxWeird_LilyxX ကိုလည်း အရမ်းကျေးဇူးတင်ပါတယ်။
စကားတွေလည်း ရှည်ကုန်ပြီ။ အားလုံးကိုထပ်ပြီး ကျေးဇူးတင်ပါတယ်။ ပြောခဲ့သမျှမှာ အမှားပါတယ်ဆိုရင်လည်း မမွန်ကိုလာပြောပြပါ။ နားထောင်ပါ့မယ်။
အားလုံးကို လွမ်းနေမှာပါ။
💖💖💖💖💖
အကြင်နာမွန်