Blue
"Devil are you coming with us ba kapag chineck namin yung venue kung saan gaganapin yung engagement party ni kuya?" Agad na sabi ni Kate pagkasagot ko pa lang ng tawag niya. Saglit akong napaisip bago sumagot.
"Kailan ba 'yan?" gusto ko rin kasing magrelax sa tahimik na lugar, hindi puro inom na lang ang ginagawa ko kapag naiistress ako sa school o sa kung sino mang tao.
"We're leaving tomorrow night sabi ni mama. 'Di ko rin alam kung bakit.. you know her, pabigla-bigla" I imagine how she rolled her eyes while saying that kaya napangiti ako at napailing pa. Kahit bata pa kasi si Kate ay mas mature pa siya mag-isip sa 'kin, she knows how to cook at a very young age and mas gusto niyang pinapakialaman ang business ng pamilya at kung anu-ano pa kahit highschool pa lang siya, unlike me na kung anong maisip ay gagawin ko na lang.
"Hmm sige sama ako basta gawan mo 'ko ng cookies, yung ginawa mo last Sunday" baby talk ko sa kanya, minsan lang ako gumanito sa kanya kaya pag di siya pumayag ay aawayin at bibwisitin ko siya buong weekend.
"Devil sino ba ang mas matanda sa 'tin? Parang ako na ginagawa mong ate" himutok niya.
Natawa naman ako sa reaksyon niya, siguro nakapout na yung lips niya by now. "Kinacareer mo naman eh, gawan mo na lang ako kundi sisirain ko weekend mo" I heard her sigh then a smile drew along my lips, I won. No one can say no to me.
"Kakainis ka! Gagawan kita mamaya" she said in defeat. I ended the call and imagine how crumpled her face right now habang naglalakad papunta kay Stella.
Nang malapit na ako sa kanya ay nagdahan-dahan akong maglakad, she seems pre-occupied by something but that was replaced by a sweet smile nang makita niya ako. "May problema ka ba?" agad na tanong ko matapos humalik sa pisngi niya. Umiling siya bilang sagot, I can sense that she's lying but I just shrugged the thought off. I don't wanna ruin the moment dahil yayayain ko pa siyang kumain sa labas. "Phone mo pala" abot ko sa kanya. Kanina kasi ay napulot ko yun sa upuan ng athlete's canteen after basketball practice namin, since yung wallpaper eh yung mukha niya ay tinawagan ko agad yung mutual friend namin para iconfirm kung kay Stella yung phone na hawak ko and nung maconfirm nga ay pinasabi kong magkita nalang kami sa labas ng school para makuha ni Stella.
"Natutuwa naman ako kasi of all people ikaw pa nakapulot ng phone ko. Thank you" nangingiti naman akong napakamot sa batok ko, ang saya niya kasi.
"Soulmate mo kasi ako" biro ko sa kanya saka kumindat. Her smile slowly faded along her lips bago tumingin sa ibang direksyon.
As expected, she clenched my hand multiple times bago ulit tumingin sa 'kin. "Ellise naman" ngumiti ako sa kanya and held her hand na kanina lang ay pumipisil sa kamay ko. Sabi ko nga ayaw kong sirain ang moment.
"Masyado ka namang seryoso eh kakabati lang natin dahil sa pang-aaway mo" kunwari'y nagtatampong sabi ko. Gago kasing Steve yun eh, napakagreen minded. Akalain ba namang may nangyari sa 'min ni Stella. How I wish mayroon nga.
"Ikaw naman kasi kung anu-anong sinasabi mo" seryoso pa rin siya pero nakabawi na sa pagkainis sa 'kin. Ayaw na ayaw niya kasing pumipick-up line ako sa kanya dahil nga magkaibigan kami at kaibigan lang ang turing niya sa 'kin. Ang sakit 'di ba? pero kahit ganun ay okay lang dahil nakakasama ko naman siya paminsan minsan at nakikita ko pang okay siya.
"Sus dati naman kapag sinasabi ko 'yun kinikilig ka nga eh" pang-aasar ko pa.
Napairap muna siya sa 'kin, halatang naiinis nanaman sa kakulitan ko. "Dati 'yun, nung patay na patay pa 'ko sa 'yo"
"Aray naman, easyhan mo rin. Nakakasakit ka ng damdamin eh" ang sakit sa puso, 'di niya talaga kayang magdahan-dahan sa 'kin minsan eh.
"Alam mo kasi madami namang iba dyan--"
"Blah blah blah nagugutom na 'ko samahan mo 'kong kumain" putol ko sa kanya, alam ko naman kasing irereffer niya 'ko sa ibang babae at sasabihing mas kaya akong mahalin nun. Grabe mangtaboy, di talaga marunong magdahan-dahan.
Para hindi na lang siya tumanggi ay hinila ko siya para maglakad kasama ko. "Ano bang gusto mong kainin?" tanong kong hindi pa rin binibitiwan ang kamay niya, it feels good and hindi naman siya bumibitaw eh. Nakaintertwined pa nga sa 'kin.
Bumagal kaming maglakad dahil nag-iisip siya, nakatingin pa siya sa taas habang ginagawa yun. "Ice cream" sambit niya at ngumiti, parang naiimagine niya na yung mga flavors sa utak niya. "Ah maglalakad lang ba tayo? Medyo malayo pa yun"
"Coding kasi ako eh, tsaka malapit na lang naman. Magtiis ka na lang" kainis naman kasing number coding yan eh, wala tuloy akong kotse ngayon. Hinila ko na lang siya para maglakad ulit, kung pwede nga lang kargahin ko siya para di na siya mas mapagod pa lalo kaya lang baka sipain naman ako. Nasipa niya na kasi ako dati dahil dun.
Nang malapit na kami sa pupuntahang ice cream parlor ay di naman inaasahang makakasalubong namin si Steve, well di lang siya kundi pati si Alexa. Nakalimutan kong lumalabas-labas na pala sila. Yung kaninang ngiti naman sa mga labi nila ay napalitan ng pagkagulat nang makitang magkasama kami ni Stella, lalo na si Steve nang madako ang tingin niya sa kamay namin. Ako naman ay napatingin kay Stella at napabitaw nang makita kong nagwoworry siya sa kung anong isipin ng kapatid ko.
"Ellise tumawid na tayo, ayaw ko ng gulo" bulong sa 'kin ng katabi ko, umisang sulyap muna ako kay Alexa na nakatingin naman pala sa 'kin bago umalis. Di ko maipaliwang kung anong ibig sabihin ng titig niya, parang naiinis at malungkot, basta hindi ko maipaliwanag.
"Eto na po order niyo ma'am" nakangiting sabi ng waitress saka ngumiti. Ako nama'y tahimik lang at tumingin sa pagkain ko. Hindi ko kasi alam kung mabubusog ba ako sa tuna sandwich at isang mason jar style na baso ng ice cream, parang gusto kong kumain ng rice meal.
Inayos ko na lang yung order at binigay kay Stella yung comfort food niya, ice cream. "Bagay sila 'no?" biglang wika niya habang puno ang bibig, ang cute niya tuloy. Pero mukhang nalulungkot na naman siya. Kung anong pagkakita ko sa kanya kanina sa labas ng school ay ganun na naman ang mukha niya ngayon. 'Di kaya nagkita sila kanina ng kapatid ko? Hindi malabong nangyari yun.
"Aah.. nagkita ba kayo kanina ni Steve?" mukhang nabigla ito sa tanong ko pero agad din nakabawi at nilunok yung kinakain niya.
"Nakita ko lang siya with his.. fiancee. Sa bench malapit sa concrete stage" I saw sadness in her eyes nang banggitin niya yung 'fiancee'. Siguro sinasampal niya lang sa sarili niya ang katotohanan. "Ano ba naman kasing panama ko sa Alexa Montenegro na yun... mayaman, maganda, sobrang talino tapos mabait pa" himutok niya at binuhos sa kawawang baso ng ice cream ang lungkot na nararamdaman niya, pinagtutusok niya yun ng kutsara. Hindi niya lang alam kung anong mayroon kay Alexa ay mayroon din naman siya, lalo na sa ugali, kaya nga mahal ko siya eh.
Pero natawa ako sa huling sinabi niya kanina. Mabait daw si Alexa, well sa 'kin mabait yun pero sa iba.. I doubt it.
"Tumatawa ka dyan?" nakasimangot na sabi ng katapat ko.
"Eh kasi sabi mo mabait si Alexa.. pfft... HAHAHA!" nakahawak na ako sa tiyan habang patuloy pa rin sa pagtawa.
"Mabait naman talaga yun" nakasimangot pa rin siya, nang mahimasmasan naman ako ay tinanong ko kung pa'no niya nasabi kaya tumikhim siya at nagsimula. "I don't know kung natatandaan niya pa ako, sobrang tagal na rin kasi yun eh... nakasama ko siya dati sa fashion show, tapos yung ibang models ay pinagkakaisahan ako na ako daw yung kumuha ng make-up nung isang kasama namin then dumating siya and pinagtanggol ako at chineck kung okay lang daw ba ako. Take note sincere siya nun and para akong little sis niya" mahabang kwento niya at nabilib naman ako kay Alexa. I can't imagine she can do that. Knowing her, napakataray sa iba at napakawalang pake kung hindi niya gusto yung tao. "Simula nun idol ko na siya, role model din and girl crush" dagdag niya pa, kaya napasimangot ako.
"Yucks" biglang sabi ko.
"Oh eh anong problema mo?" mataray na tanong niya at nakataas pa ang kilay.
"Girl crush?" natawa ako ng konti dun bago kumagat sa tuna sandwich ko.
"Eh bakit ikaw di mo ba siya crush? 'Di ka man lang ba naa-attract sa kanya?" Attracted? Well, sexually... ye-yes-- Hay ano ba!? Inalis ko sa utak ko ang naiisip ko dahil yung gabing may nangyari sa 'min ni Alexa ang naiisip ko. Pakiramdam ko rin na bigla akong nainitan kaya wala sa sariling hinila-hila ko ang damit ko para magkaroon ng hangin sa dibdib ko.
"Oh 'di ba? Mukha ngang pati ikaw ay mai-inlove sa dyosang yun"
"Hindi naman talaga. Sobrang labo mangyari niyan. Sa 'yo lang ako" tanggi ko. 'Di ko maimagine na habang buhay hawak ko ang kamay ni Alexa.
"Haynaku ayan ka na naman. Matanong ko lang.. hindi na ba maglalaro ulit si Alexa? hindi ko na ba siya mapapanuod ulit?" wala namang nasasabi sa 'kin yung babaeng yun at tsaka... sa magiging buhay niya baka 'di na siya maglaro.
"Baka hindi na siguro. Ako na lang panuorin mo lagi, may fifth year pa ako kaya matagal pa 'ko mawawal sa court" tinaas baba ko ang kilay ko at ngumiti sa kanya.
"hmm sayang pera ko kung ikaw papanuorin ko. Puro yabang mo lang sa court nakikita ko" walang ganang sabi niya... swag yun!
"Magaling kasi ako magshoot, solid nga 'di ba?" ngumiti ako sa kanya ng pilya, may naiisip kasi ako... yung past na masarap balikan...
Nang bumaling uli ako sa kanya ng tingin ay nakaarko ang isang kilay niya sa 'kin habang umiinom ng tubig. "Manyak" matapos niyang mailapag ang baso.
"What?" maang-maangan ko, mahirap na baka masapak niya pa ako. Ang bigat pa naman ng kamay niya.
"What-what ka diyan.. kilala kitang gago ka, wag mo 'kong pinagtitripan diyan" pinanlakihan niya pa 'ko ng mata kaya napigil ko ang tawa ko, mukhang konti na lang kasi dadapo na ang kamay niya sa mukha ko.
Marami pa kaming napagkwentuhan at nang mapansin namin na malapit nang magdilim ay nagpasya na kaming umuwi.
Ngingiti-ngiti akong pumasok ng bahay dahil sa saya. Nakasama ko kasi si Stella ng matagal nang 'di inaasahan. Natulog ako after magbihis, mga 30 minutes din yun bago ako nakarinig ng katok. Magdidinner na kasi.
Wala namang naging special sa dinner namin, puro lang kwento sila mama at Kate, si Steve naman ay panay ang tingin sa 'kin. Siguro dahil sa saya ng mukha ko, at para mas mainis pa siya ay nung mahuli ko siyang tumingin sa 'kin ay nginitian ko ito. A genuine one na ikinaiwas niya ng tingin. Stupid. Gusto niya makita kung gaano ako kasaya pero nung pinakita ko na ay umiwas naman. Pinagloloko yata ako.
Dahil nga masaya ako buong gabi ay nagpasya akong tawagan si Alexa para magkwento sana kaya lang parang nabobored siya at panay 'hmmm' at tawa lang ng pilit ang ginagawa niya. Maybe she's tired dahil sa maghapon, ang alam ko kasi ay kapag Wednesday and Thursday ay practicum day nila.
"Hmm goodnight Alexa, matulog ka na. I know you're tired baby, mwah" malungkot kong sabi, hindi ko kasi masyadong nalabas kung gaano ako kasaya. Ayaw ko naman tawagan ang iba kong kaibigan 'cause I know sasabihan lang nila akong tanga.
"Goodnight din Blue. *iloveyou" hmm.. what was that? My forehead creased after hearing that 3 words, well mahina lang yun pero tumindig talaga lahat ng balahibo ko.
"Ano yung huli mong sinabi?" paghingi ko ng kalinawan. She can't fall inlove with me! And I swear kapag nangyari yun lalayuan ko siya. Kasi parang pagbebetray yun, yung parang kala mo kaibigan mo sila but they're just staying kasi mayroon silang hidden agenda.
"Hmm I love you?" Fuck! No waaaay!!!
Sunod-sunod akong napalunok and was ready to yell at her nang may idugtong pa siya. "hmm... I'm sorry, nagbabasa kasi ako sa isa 'kong phone" thanks god! I thought mawawalan na naman ako ng kaibigan eh. Ang hirap pa naman kapag naattach ka na sa isang tao and you have to let them go 'cause of some things na nagawa nila or nagawa mo.
"I hate you! Pinakaba mo ako and... sino ba 'yang katext mo? Kaya ba bored na bored kang kausap ako?" himutok ko rito, nakakaasar! Ang saya-saya ko magkwento tapos may kausap naman pala siyang iba.
"Nagtext lang si Ericka. You know how sweet that girl is kapag may kailangan, nag-a-I love you bigla bigla, sige na maaga ka pa bukas. Sleep na tayo, nighty babyyyy hahaha" pang-aasar niya sa kabilang linya, halata naman ang antok sa boses niya kaya nagpaalam na rin ako.
"Ok. Matulog ka na po" after that, I ended the call and nagtalukbong na rin ng comforter ko. Pinakaba talaga niya 'ko dahil hanggang ngayon ay parang nakatayo pa rin ang mga balahibo ko. I can't imagine myself having a relationship with her. Pwede pa yung ano, pero relationship... No-o...
---
Any comments? Hahaha