Napalingon agad si Kent nang marinig ang tanong ni Recka.
"Wala akong maisip na partikular na sandata, do you have anything that can boost my movement speed?"
Lumapit sa isang pader si Recka kung saan may iba't ibang armor na nakakabit, mahinang napailing dito ang dalaga at muling tiningnan si Kent.
"Do you know any martial arts?"
"Nope, pero alam ko ring magaling akong makipaglaban." Mahanging ngumisi rito si Kent dahilan upang mapataas ang mga kilay nina Ara, Sean, at Lucy.
Agad na napalingon ang binata nang marinig nito ang sarkastikong pagtawa at malakas na pag-ubo ng tatlong kasama nito.
Mabilis nitong itinaas ang kanyang gitnang-daliri nang makita ang tatlo, nakataas din kasi ang middle finger ng mga ito sa ere.
Napailing na lamang si Recka sa mga pinanggagawa ng apat na kasama nito.
"Learn the mixed martial arts."
May ibinigay na isang may kakapalan na libro si Recka kay Kent. Kulay pula ang takip nito at makikita mula sa takip kung gaano na ito katagal, punit-punit at hindi na halos maaninag ang mga larawan na nasa takip ng libro.
Marahang binuksan ng binata ang libro upang suriin ito, halatang marami ng nakakagamit ng libro dahil naninilaw na ang mga pahina.
Halos lahat din sa mga pahina ay may mga tupi na sa bawat sulok, ngunit alam din ni Kent na alagang alaga ang libro dahil walang kahit na isa sa mga pahina ang napunit.
May nakita pa itong tuyong mga patak ng dugo sa iilang mga pahina, nangangahulugan lamang ito na ginamit ito sa gitna ng laban, o kaya nama'y binabasa sa gitna ng napakahirap na pagsasanay.
Mahina nitong isinarado at mahigpit na hinawakan ang libro, marahang ngumiti si Kent at dinama ang kabuuan ng librong hawak.
Kung sino man ang mga may-ari ng libro na ito, ibabalik ko 'to ng maayos para sa susunod na gagamit.
Napabuntong hininga na lamang si Reck ng makita ang mataimtim na ngiti ni Kent habang nakatingin ng masinsinan sa hawak nitong libro.
"That book includes numerous martial art forms, consisting of weapons and body styles of fighting. Compilation 'yan ng halos lahat nang meron sa mundo. Ibibigay ko sayo ang sandata mo oras na matutunan mo na ang kahit kalahati lamang ng mga nasa libro."
Muling binuklat ni Kent ang hawak nito upang tingnan ang mga gagawin. Doon lamang napagtanto ng binata kung gaano pa karami ang dapat nitong matutunan, nagdadalawang isip tuloy si Kent kung matatapos nito ang buong libro lalo pa at hindi ito mahilig magbasa.
Dahan-dahan ulit nitong isinarado ang libro, mahinahon itong pumikit at ngumiti.
Sa mga may-ari nitong libro... Putang ina bakit andami nito?!
Lumingon naman si Recka kay Ara, marahan nitong tiningnan mula ulo hanggang paa ang dalaga, pumunta ito sa mesa kung saan may iba't ibang klase ng patalim.
Maiging tiningnan ni Recka ang mga sandata na nandoon bago kinuha ang isa sa mga ito at muling lumapit kay Ara.
"This is the belt sword, seeing from your hand, alam kong gumagamit ka ng mga armas na gaya nito. Twist the handle once, and it will be hardened to become an actual sword. Twist again, and it will become a whip sword."
"Woah,"
Nakita nito ang maliit na hati mula sa hawakan ng espada, nang ikutin ito ni Ara ay biglang naging compact ang blades nito at naging isang matalim na espada.
Nang ikutin ulit ito ng dalaga ay nagkahiwa-hiwalay mula sa isa't isa ang blades ng espada. Kung titingnan ay para na itong isang latigo na may matatalas na mga blades.
Nilingon naman ni Recka ang isang binata na marahang nakatingin sa paligid.
"Sean, your turn. What do you want to wield?"
"Anything for a surprise attack? Hindi ko kayang makipaglaban ng diretsahan, kailangan ko lang ng isang sandatang makakabigay sa akin ng instant kill."
Agad na tumalikod sa kanya si Recka at hinarap ang ilang mga sandata. Masinsinan nitong tiningnan ang mga kagamitan na nasa kanyang harapan bago nilingon ulit si Sean.
"Mabilis ka ba?"
"Maybe,"
"Your stamina is the weakest among us, kaylangan mong gawan ng paraan 'yan."
Marahang umupo si Recka sa harap ng isang mesa at kinuha ang dalawang itim na mga kahon na nasa ilalim nito, isang maliit at isang malaki. Pinagpatong nito sa isa't isa ang dalawa bago tumayo at lumingon kay Sean.
"Pamilyar ka ba sa Kunai Knife?"
"Kung hindi ako nagkakamali nag mula 'yon sa mga hapones hindi ba? Ang alam ko ginawa talaga 'yan upang gamitin sa garden pero mas nakilala ito bilang isang mahusay na armas dahil sa pamamaraan ng paggamit ng mga hapones dito noon."
Tumango naman si Recka at binigay ang maliit na kahon kay Sean.
"Isuot mo,"
Nilabas ng binata ang laman ng maliit na kahon, sampung kulay pulang singsing ang nasa loob nito. Purong kulay itim lamang ang singsing at walang kahit na anong disenyo na makikita rito.
"Para san 'to?"
"Bawat daliri mo ay kayang makontrol ang limang kunai na nandito sa loob ng kahong hawak ko..." Mahinahong tinapik ni Recka ang malaking kahon na hawak nito.
"... Practice how to manipulate properly this weapons. Ibibigay ko lang sayo ang actual na mga patalim kapag nagawan mo na ng paraan ang stamina mo, sa ngayon ay ito muna."
Pagbukas ni Recka sa malaking kahon ay puro patalim na gawa sa kahoy ang laman ng mga ito.
"Tap lightly the rings anywhere with your index or thumb and it will either, activate or deactivate the weapon control."
Nilabas nito ang remote na hawak, nagsimulang yumanig ang paligid, unti-unting nagkaroon ng mga pader.
Nang matapos ay mabilis na dumating ang limang robot at agad na ikinabit ang limang pintuan na gawa sa metal.
Mas lalong namangha sa nakita ang apat, dahil ang napakalaking training room kanina ay tuluyan nang nahati sa lima.
Lumingon si Recka sa mga kasama at marahang itinuro ang limang pintuan sa kanilang harapan.
"Pumasok kayo kung saan niyo gusto, may makikita kayong fingerprint sensor na nakakabit sa pader, tap that and it will automatically process your training grounds, good luck."
Nagsimula nang magsipasok papunta sa kani-kanilang silid ang apat. Susunod na rin sana rito si Recka nang may biglang lumapit na robot dito.
|There's a call for SSA-Glosya.|
Napalingon naman dito si Recka, kunot-noo nitong kinuha ang telepono.
Wala na ring pwede pang sumagot, maliban sa kanya, dahil nagsimula na ang lahat sa kani-kanilang pagsasanay.
"Sino 'to?"
Bigla namang napalingon sa isang silid si Recka, kung saan pumasok kanina si Sean, nang makarinig ng malakas na kalabog.
Kaylangan ko atang ipa sound proof ang bawat area nila.
Nanatiling seryoso ang kaniyang mukha habang nakikinig sa sinasabi ng taong nasa kabilang linya.
"Anong ibig mong sabihin? Hindi ako pumapayag..."
"... maghanap ka ng ibang instructor ng mga 'yon, bakit niyo pa sila ilalagay dito, alam niyo namang magkakagulo lang ang mga kasama ko kapag pinapunta niyo rito ang mga 'yon. Isa pa, magkaiba ang mga bagay na kaylangan naming matutunan."
Biglang napataas ng isang kilay si Recka nang marinig ang sinabi sa kabilang linya.
I should've burned this goddamn school when I have time!
Inis nitong binaba ang telepono at malalim na huminga.
"Shit,"
Agad na tumalikod si Recka at hinarap ang napakaraming armas.
Ano kaya ang pipiliin ko?
Isa isa nitong tiningnan ang mga armas na nasa pader, ibinalik nito ang tingin sa mga mesa kung saan nakalagay ang iba pang armas.
Bagot na kinuha na lamang ni Recka ang kung anong mang unang mahawakan ng kamay nito.
"Oh? Urumi huh."
Sarkastiko itong napangisi ng makita ang hawak nito, isang kulay itim na Urumi.
Nagmula ang armas na ito sa Kerala at Sri Lanka noong unang panahon, para itong isang latigo, kaya lang gawa sa napakatalim na metal ang armas na ito.
May limang matatalas at malalambot na mga blades na nakakabit sa handle ng urumi, isa rin ito sa sinasabi ng iba na pinakamahirap kontrolin na armas, dahil may posibilidad na masaktan pati ang nagmamay-ari ng sandata kapag hindi ganoon kalaki ang kaalaman nang gumagamit tungkol sa naturang armas.
Pinaglaruan ito ng dalaga habang naglalakad papunta sa pinakagilid ng silid at pumasok.
Pagpasok nito ay isang napakalawak na silid ang bumungad sa dalaga, walang kahit na anong kagamitan dito, tama lamang ang lawak at laki ng silid upang makapagwala ang kahit na sino sa loob.
Nakita nito ang isang maliit na salamin, dahan dahang idinikit ng dalaga ang palad nito roon.
|Welcome Recka Tuazon, preparing the training ground, please wait.|
Nagkaroon naman ng bagong mga tanawin.
Mula sa kinaroroonan ni Recka ay nagkaroon ng dalawang palapag ang lugar, may mga pigura ng taong nakatayo sa ikalawang palapag habang nakataas ang hawak na baril at palaso ng mga ito.
Kulay itim ang mga ito at walang mga mukha, para silang mga anino kung tutuusin.
Umilaw naman ang harapan ni Recka at unti unting nagkaroon ng labing-limang itim na pigura, may hawak ang mga ito na iba't ibang klase ng mga armas.
"Eto lang?" Napailing na lamang ang dalaga at ngumisi.
Marahan itong tumingala at tumingin sa harap ng isang maliit na kamera na nakakabit sa kisame, itinaas nito ang middle finger tsaka matalim na tiningnan ang kamera.
Ibinuka nito ang kanyang mga labi habang walang lumabas na boses dito.
'Fuck off'
"The fuck is wrong with your students?"
Mahinang napalingon naman ang isang instructor sa isang pamilyar na lalaki.
"Malay ko," ibinalik nito ang atensyon sa mesa kung saan may mga nakakalat papel, ito ang mga report na natanggap nito tungkol sa mga nangyayari sa frontline.
"Dalawang beses na akong napagtaasan ng makasalanang kamay ng estudyante mo!"
"So? Di ko na kargo ang mga 'yan, simula sa susunod na araw ay ikaw na ang mamamahala sa pagsasanay ng lima."
"Andami ko pang gagawin, tsaka kaylan ako pumayag ha?"
Inis na napamura na lamang dito ang kawawang lalaki ng hindi ito pansinin ng instructor ng SSA.
Ibinalik na lamang nito ang paningin sa monitor kung saan kitang-kita ang ginagawa ng limang estudyante sa loob ng kani-kanilang training room.
Matalim itong tumingin kay Recka na ngayon ay mabilis na iwinasiwas ang hawak na armas sa hangin, agad nitong nasangga ang mga paparating na mga palaso mula sa ikalawang palapag.
Mabilis namang tumalikod si Recka at sinipa ang pigura tsaka malakas na ibinaba ang kamay nito, dahilan upang magkapira-piraso ang kanyang kalaban at mawala.
Sabay na sumugod sa kanya ang limang pigura. Biglang umikot ang dalaga, sumabay naman sa pag-ikot nito ang mga patalim ng Urumi at natamaan ang mga nasa paligid sa kanya.
Mabilis na itinaas ni Recka ang isa pa nitong kamay papunta sa kanang bahagi ng kanyang ulo at sinalo ang itim na palaso na bumubulusok.
Agad na naparolyo pakanan si Recka, pag tingin nito sa dating kinaroroonan ay punong-puno na ito ng itim na mga palaso.
Mabilis na iwinasiwas ng dalaga patalikod ang sandata dahilan upang magkapira-piraso ang pigura na nasa kanyang likuran habang nakatutok sa kanya ang hawak nitong espada.
"Should I allow myself to be hurt or not?"
Mahina nitong tinapik-tapik ang hawakan ng Urumi gamit ang kanyang hintuturo at tiningnan ang mga itim na pigura sa terrace habang nakatutok sa kanya ang mga armas ng mga ito.
Bigla namang nakarinig ng malakas na pagbukas ng pintuan si Recka mula sa kabilang silid.
"Tangina!"
Rinig nito ang malakas na mura ni Sean sa labas, sinundan naman ito ng biglang paglagabog ng mga bagay-bagay.
Bagot na napabuntong-hininga na lamang si Recka at pumitik. Agad na bumalik sa dati ang buong silid.
"Ipapa sound proof ko na 'to bukas."