"အဲ့တာက...." ယူရှောင်းမိုက သူ့ကို
ဖြတ်ပြောလိုက်လေသည်၊
"ကျွန်တော်က နောက်လအနည်းငယ်အတွင်း
ရှောင်ယောင်တက္ကသိုလ်မှာပဲရှိနေမှာ.....
အကိုကျွန်တော့်ကိုတွေ့ချင်ရင် နယ်မြေပြောင်း
အဆောင်လက်ဖွဲ့သုံးပြီး ဘယ်ချိန်မဆို
လာတွေ့လို့ရတယ်"
ဝေ့ပိုင်-"......."
အခက်အခဲများကြားမှ အစပျိုးလာခဲ့သော
စိတ်ခံစားချက်လေးမှာ ရုတ်တရက်ကြီး
အနှောင့်ယှက်ခံလိုက်ရလေသည်။
လင်းရှောင် မမှားပါချေ၊ ယူရှောင်းမိုက
စိတ်ကောင်းဝင်နေရင်
လာဖျက်တဲ့နေရာမှာဆရာကြီးပင်။
"မင်းတို့နှစ်ယောက်စလုံးကို တောင်းဆိုစရာ
ရှိတယ်" ဖူချန်ချုံးမှာ သူ့ချစ်တပည့်လေး
ရှက်နေတာကိုမကြည့်နိုင်တော့သည်မို့
ထရပ်ပြီး ပြောလိုက်သည်၊ "ငါ့တပည့်ငယ်လေးရဲ့
ဒဏ်ရာတွေအကြောင်း မင်းတို့သိပြီးပြီ
ထင်ပါတယ်၊ သူ့ကိုနှစ်နှစ်ရာကျော်ကြာပြီး
တာတောင်ကုသမပေးနိုင်ခဲ့ဘူး၊
မကြာသေးခင်ကမှ မှော်ဆေးလုံးအမျိုးအစား
တစ်ခုကိုရှာတွေ့ထားတာ၊ အဲ့တာက
တပည့်ငယ်လေးရဲ့ဒဏ်ရာတွေကို
ကုသပေးနိုင်ရုံတင်မဟုတ်ဘဲ သူဒဏ်ရာမရခင်
တုန်းက အခြေအနေကိုလည်းပြန်ပေးနိုင်တယ်"
ဝေ့ပိုင်မှာ အံ့အားသင့်သွား၏၊ ဒီအကြောင်းကို
သူမသိရသေးပေ။
လင်းရှောင်က အမူအရာပြောင်းလဲခြင်းမရှိ
မေးလိုက်သည်၊ "မဟာမိတ်ခေါင်းဆောင်ဖူ
ပြောနေတာ ဘယ်လိုဆေးလုံးမျိုးပါလဲ?"
"အဲ့တာက ခြောက်ရောင်ခြယ်ဆေးလုံးမျိုးပါ"
ဖူချန်ချုံးရဲ့အကြည့်က ယူရှောင်းမိုဆီ
ရောက်သွားပြီး အားတက်စွာနဲ့ချီးကျူး
လိုက်သည်၊ "မင်းမှာ ခုနစ်ရောင်ခြယ်စိတ်ဝိဉာဉ်
ရှိတယ်လို့ကြားတယ်။ မင်းက ငယ်ငယ်ရွယ်ရွယ်
လေးနဲ့ အဆင့်တစ်ဆယ်မှော်ဆရာဖြစ်နေပြီ၊
ကျင့်ကြံတာလဲကြာသေးဦးမှာမဟုတ်ဘူး၊
မင်းရဲ့အနာဂတ်ကတော့ အကန့်အသတ်
ရှိမှာမဟုတ်ဘူးပဲ၊ တစ်နေ့နေ့ကျရင်
ခြောက်ရောင်ခြယ်ဆေးလုံးသန့်စင်နိုင်မယ်လို့
ဦးလေးယုံတယ်"
နတ်ဘုရားအဆင့်ကျင့်ကြံသူတစ်ဦးက
ချီးကျူးခြင်းဖြစ်ရာ ယူရှောင်းမိုမှာ
စိတ်အားမတက်ပဲမနေနိုင်တော့။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
Chapter-478
Start from the beginning
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)