The Legendary Master's Wife [မြန်မာဘာသာပြန်]
Table of contents

    YOU ARE READING

    The Legendary Master's Wife [မြန်မာဘာသာပြန်]

    Adventure

    Original Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...

    #comedy #cultivation #fantasy #lingxiao #translation #weaktostrong #yinya #youxiaomo

    Chapter-537

    6.2K 1.1K 16 
                                        
    
                                              
    //Unicode// 
    
                          
    အပိုင်း(၅၃၇) ဝေလငါးကျွန်း
    
                          
    လေးရက်နှင့်နေ့တစ်ဝက်ကြာပြီးသည့်နောက်
    ကုန်သင်္ဘောကြီးက ဝေလကျွန်းသို့ဘေးကင်းစွာဖြင့်
    ဆိုက်ရောက်လာသည်။ 
    
                          
    ခရီးစဉ်တစ်လျှောက်တွင် လှည့်လည်သွားလာနေ
    သောပင်လယ်ဓားပြတစ်ယောက်မှ မတွေ့ခဲ့ရပေ။
    ယူရှောင်းမို အစကဒီကမ္ဘာရဲ့ပင်လယ်ဓားပြ
    တွေကိုမြင်ဖူးချင်တဲ့ မျှော်လင့်ချက်လေး 
    ပျက်စီးသွားရသည်။
    
                          
    ကုန်သင်္ဘောကြီး ကမ်းကပ်လိုက်သည့်အခါ
    သင်္ဘောသားများက ကုန်ချကြ၏။
    
                          
    ဝေလငါးကျွန်းရဲ့ဆိပ်ကမ်းက မြစ်မြို့ဆိပ်ကမ်းထက်
    သုံးလေးဆခန့်ပိုကြီးသည်။ ဆိပ်ကမ်းမှာ
    ကပ်ထားတဲ့ ကုန်သင်္ဘောကြီးတွေလည်း
    အများကြီးရှိပြီး အင်မတန်မှစည်ကားလှသည်။
    အဖိုးအိုပြောခဲ့တာ အမှန်ပဲ- ဝေလငါးကျွန်းရဲ့
    ပတ်ဝန်းကျင်က မြစ်မြို့ထက်အများကြီး
    ပိုကောင်းတယ်။ 
    
                          
    ယူရှောင်းမိုနဲ့လင်းရှောင်က သင်္ဘောပေါ် က
    ဆင်းရန်အလျင်မလိုပေ၊ သို့သော်ယန်တင်းတို့မှာ
    သင်္ဘောကမ်းကပ်သည်နှင့် လျင်မြန်စွာပြေးဆင်း
    သွားကြသည်။ ယူရှောင်းမို သူတို့အားအပြစ်ပေး
    လိုက်ကတည်းက ပြဿနာမရှာရဲကြတော့ဘဲ
    ယူရှောင်းမိုနဲ့ သင်္ဘောပေါ်မှာတွေ့လိုက်တိုင်း
    လန့်လာကြတော့သည်။ အဆုံးမှာတော့
    သူတို့အခန်းထဲမှာပဲပုန်းနေကြပြီး ထွက်မလာကြ
    တော့ပေ။ 
    
                          
    ကုန်ပစ္စည်းသုံးပုံတစ်ပုံခန့် ချပြီးနောက်တွင်
    ကပ္ပတိန်ကသူတို့အား ရှာနေတဲ့သူရှိတယ်ဟု
    ပြောကာ ဆင်းဖို့ပြောလာ၏။
    
                          
    ယူရှောင်းမို ခေါင်းလှည့်ပြီးလင်းရှောင်ကို
    ကြည့်လိုက်သည်။ သူပြောတာမှန်သွားပြန်သည်-
    မြစ်မြို့ကအဖိုးအိုမှာ တကယ်ပဲအဆက်အသွယ်
    တစ်ချို့ရှိပုံရ၏။ သူကကြိုပြီးစီစဉ်ပေးထား
    ပြီးပြီဖြစ်တာကြောင့် သူတို့ဘာသာသွားရှာစရာ 
    မလိုတော့ပေ။
    
                          
    သင်္ဘောပေါ် မှဆင်းပြီးတဲ့နောက် သူတို့အား
    လာရှာသူကိုမြင်လိုက်ရသည်၊ ၎င်းမှာ
    ကလေးရုပ်မပျောက်သေးသော လူငယ်လေး
    ဖြစ်၏။ မမျှော်လင့်ထားစွာနဲ့ လူငယ်လေးရဲ့
    မူလသဏ္ဍာန်က လိပ်မျိုးနွယ်စုမှဖြစ်လေသည်။
    The Legendary Master's Wife [မြန်မာဘာသာပြန်] Where stories live. Discover now