" ဘယ်လိုဖြစ်နိုင်မှာလဲ? မင်းအင်အားလောက်လေး
နဲ့ ငါ့ဓားကိုဘယ်လိုလုပ်တားနိုင်မှာလဲ?"
မျက်လုံးတစ်ဖက်အမာရွတ်က ထိတ်လန့်တုန်လှုပ်
သွားပြီး မျက်လုံးများပြူးကျယ်သွားကာ
တစ်ယောက်တည်းရေရွတ်နေသည်။ သူ့ဓားရဲ့
စွမ်းအားကို အမြဲတမ်းယုံကြည်ချက်ရှိခဲ့သည်။
ယူရှောင်းမိုက ဓားကိုဆုပ်ကိုင်လိုက်ပြီး
ဝှေ့ယမ်းလိုက်ရင်း မျက်လုံးတစ်ဖက်ကို
ကန်ချလိုက်သည်။ ဓားကလက်လွတ်သွားပြီး
သူကလွင့်ပျံသွားတော့သည်။
ယူရှောင်းမိုက ဓားကိုပစ်ချလိုက်ကာ
ရှေ့သို့တဟုန်ထိုးထွက်သွားလိုက်၏။
မျက်လုံးတစ်ဖက်က သတိပြန်ဝင်လာကာ
ယူရှောင်းမိုကို မျက်လုံးနီနီများဖြင့်စိန်းစိန်းဝါးဝါး
ကြည့်လိုက်သည်။ သူ့လက်နက်ကိုဆုံးသွားပေမယ့်
သူကခေသူတော့မဟုတ်ချေ။
မြေပေါ် ရောက်တဲ့အခါ မျက်လုံးတစ်ဖက်က
ညာခြေကိုထောက်လိုက်ပြီး အနေအထားကို
လျင်မြန်စွာညှိလိုက်ကာ တစ်ချက်တွန်းကန်လိုက်ပြီး
ယူရှောင်းမိုဆီသို့ကျည်ဆန်တစ်ခုကဲ့သို့
ပစ်ဝင်သွား၏။
သူမသိတာက ဓားမရှိရင်ယူရှောင်းမိုကသူ့ကို
လုံးဝမကြောက်ဘူးဆိုတာပဲ။
စိတ်နှလုံးကိုတင်းကြပ်စေသည့်အော်ရာတစ်ခု
ပါဝင်နေသောစိတ်ဝိဉာဉ်အားတစ်ခုက
သူ့ခေါင်းထက်တွင် ပေါ် လာသည်။
ထို့နောက် ကြီးမားသောဓားကြီးတစ်ချောင်းအဖြစ်
ပြောင်းလဲသွားကာ မျက်လုံးတစ်ဖက်၏ဦးခေါင်း
ဆီသို့ အညှာအတာမရှိပိုင်းချလိုက်၏။
တစ်ချိန်တည်းမှာပဲ သတိထားမိဖို့ခက်ခဲသော
ငွေရောင်စိတ်ဝိဉာဉ်အားတစ်ခုက
သူ့ခြေထောက်အောက်မှထွက်လာသည်။
ဒါကိုတွေ့တော့ လူတိုင်းရဲ့ အမူအရာများက
ရှုံ့တွသွားတော့သည်။
ဒီလူငယ်လေးက ရန်သူဖြစ်ဖို့ကောင်းတဲ့သူ
မဟုတ်ဘူးပဲ။ မျက်လုံးတစ်ဖက်ကို
ဓားလွတ်အောင်လုပ်ပြီးတော့ သူက
လက်ကိုင်ရိုးထိအောင်ထပ်တူညီတဲ့ဓားတစ်ချောင်းကို
တောင်လုပ်လိုက်သေးတယ်။ သူ့ကိုဒေါသ
ပေါက်ကွဲအောင်လုပ်နေတာလား?
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
Chapter-451
Start from the beginning
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)