" မလိုပါဘူး" ယူရှောင်းမိုက သူနဲ့ငြင်းခုံမနေဖို့
ဆုံးဖြတ်လိုက်သည်။
ထိုအခိုက်တွင် အပြင်ဘက်မှရုတ်ရုတ်
ရုတ်ရုတ်အသံတစ်ခုကို ရုတ်တရက်ကြားလိုက်ရ
သည်။ အလျင်လိုနေသည့်ခြေသံများက
ရွှမ်းယွီဟိုတယ်ကိုရောက်လာတော့မယောင်
တဖြည်းဖြည်းနီးကပ်လာ၏။
စက္ကန့်အနည်းငယ်ကြာပြီးနောက်တွင်
အဖြူရောင်အရိပ်တစ်ခုက တံခါးမကြီးမှ
ဝုန်းကနဲဝင်လာပြီး ယူရှောင်းမိုလက်မောင်းထဲသို့
လျှပ်စီးတစ်ခုအလားဒိုင်ဗင်ထိုးဝင်သွားတော့
သည်။
စာချုပ်ဆက်နွယ်မှုကြောင့်သာမဟုတ်ရင်
ယူရှောင်းမိုကကြောက်လန့်ပြီး လမ်းတစ်ဝက်မှာတင်
ရိုက်ထုတ်ပစ်မိလောက်မယ်။
သူငုံ့ကြည့်လိုက်တော့ တောက်ပနေတဲ့အနီရောင်
မျက်လုံးတွေနဲ့ အကြည့်ချင်းဆုံသွားတော့သည်။
ထို့နောက်တွင်တော့ ၎င်း၏ဝမ်းဗိုက်အောက်မှ
ပိုသေးတဲ့ရွှေရောင်ခေါင်းလေးတစ်ခု
ထွက်လာ၏။ ဒါကဖီချုံးနဲ့သတ္တုစားသားရဲလေးကလွဲ
လို့ ဘယ်သူဖြစ်နိုင်ဦးမှာလဲ?
ယူရှောင်းမိုပါးစပ်ထောင့်များတွန့်သွားတော့သည်။
" မင်းတို့ကောင်တွေ......."
သူပြီးအောင်မပြောရသေးခင်မှာပဲ
ရန်လိုနေပုံရပြီး ဘာတစ်ခုမှကောင်းပုံမပေါ် သော
ဓားရှည်ဓားတိုများကိုင်ထားသည့်ယောက်ျား
အုပ်လိုက်ကြီးက အပြင်မှဝုန်းဒိုင်းကြဲ
ဝင်လာကြသည်။
ယူရှောင်းမို မတုံ့ပြန်နိုင်ခင်တွင်
ဖီချုံးကလက်ထဲမှရုန်းလိုက်ပြီး
သူ့အဝတ်ထဲသို့လျှောကနဲဝင်သွားတော့၏။
"......"
အုပ်စုကိုခေါင်းဆောင်သည့်လူ၏မျက်နှာတွင်
ဓားရာရှည်ကြီးရှိနေသည်။ အမာရွတ်က
မျက်နှာတစ်ဝက်ကိုကန့်လန့်ဖြတ်ရှိနေကာ
မျက်လုံးတစ်ဖက်ကန်းနေပြီး သူ့ရဲ့နဂိုကြမ်းတမ်း
သောရုပ်ကို ရက်စက်ပုံပေါက်နေစေသည်။
ပုခုံးပေါ် တွင် နှစ်မီတာရှည်သည့်
ဗျက်ကျယ်ဓားရှည်ကိုထမ်းထားပြီး
သူ့ကိုယ်မှ သွေးနံ့များထွက်နေသည်။
တံခါးပေါက်တွင်ရပ်နေရင်း သူကဧည့်ခန်းကို
သိမ်းကြုံးကြည့်လိုက်သည်။
သူ့အကြည့်ခံလိုက်ရသော
လူများက သူတို့ဦးရေပြားများ
စပ်ဖျဉ်းဖျဉ်းဖြစ်သွားသည်ကို
ခံစားလိုက်ရ၏။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
Chapter-449
Start from the beginning
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)