"ရှဲ့ချုံးပြောတာနဲ့ သဘောတူတယ်။
အကြောင်းပြချက်တစ်ခုရှိခဲ့မယ်ဆိုရင် အဲ့ဒါက
အပျက်အယွင်းနယ်မြေက သေးလွန်းနေပြီးတော့
တိုက်ခိုက်ဖို့ခက်ခဲလို့ပဲဖြစ်လိမ့်မယ်။ ဒါ့ကြောင့်
အကြီးအကဲလင်းရှောင်က ပိုကြီးတဲ့
နေရာလွတ်တစ်ခု ရှာမလို့ဖြစ်မယ်။ ဒါ့အပြင်
ဒီနေရာကမြေအောက်နန်းတော်လေ။ ဒီဟာက
ပြိုကျသွားနိုင်မလားဆိုတာ ဘယ်သူသိမလဲ။"
လန်ချုံးက ပြန်ပြောသည်။
"ငါ့ကိုရှဲ့ချုံးလို့ မခေါ်ပါနဲ့။ ကျေးဇူးပဲ!"
"ဒါဆို ငါ့ကိုလဲနောင်ကျရင်လန်ချုံးလို့မခေါ်နဲ့။"
လန်ချုံးက အေးဆေးစွာပြန်ဖြေလိုက်သည်။
"ငါနားလည်ပြီ၊ လန်ချုံး။" ရှောင်ဟိန်က
အမူအရာမရှိပြောလိုက်သည်။
"....."
ထိုစဉ်တွင် လိုက်ဖမ်းပွဲကရလဒ်ထွက်ပေါ်လာပြီ
ဖြစ်သည်။ လင်းရှောင်၏အမြန်နှုန်းနှင့် မှီအောင်
လိုက်နိုင်သူများမှာ နတ်ဒေဝါအဆင့်ကျင့်ကြံသူများ
သာဖြစ်ပြီး သူတို့ကသူနှင့်သိပ်မဝေးတော့ချေ။
ကျန်လူများကတော့ သူ့နောက်အဝေးကြီးတွင်
ကျန်ခဲ့ပြီဖြစ်သည်။
"လင်းမော့၊ မင်းမှာပြေးစရာနေရာမရှိတော့ပါဘူးကွာ။
မင်းဘယ်လိုအခြေအနေထဲရောက်နေလဲဆိုတာ
သိပါတယ်၊ ဒါ့ကြောင့် ဒြပ်စင်အဆီအနှစ်နှစ်ခုနဲ့
သတ္တုစားသားရဲကိုပေးလိုက်။ မင်းကို
အသက်ရှင်ခွင့်ပေးမယ်။" ယူမင်းက
လင်းရှောင်နောက်ကျောကို သတ်ဖြတ်လိုစိတ်ဖြင့်
စိုက်ကြည့်လိုက်သည်။
သူဘာမှမကြားလိုက်သကဲ့သို့ လင်းရှောင်က
သူလာခဲ့တဲ့လမ်းအတိုင်း ရှေ့ဆက်ပျံနေ၏။
ဝင်ပေါက်ကထိုက်ချိယင်ယန်ဖွဲ့စည်းပုံ၏ အပြောင်းအလဲများနှင့်လိုက်၍ ပြောင်းလဲသော်လည်း
သူသွားခဲ့သည့်မူလလမ်းအတိုင်းလိုက်သွားလျှင်
ထွက်ပေါက်ကို သေချာပေါက်ရှာတွေ့မည်ဖြစ်သည်။
ယူမင်းကလဲ ထိုအကြောင်းကိုတိတိကျကျသိသည်။
ထို့ကြောင့်သာ လင်းရှောင်လွတ်မြောက်သွားလျှင်
သူ့ကိုဖမ်းဖို့နည်းလမ်းရှိတော့မှာမဟုတ်တာကြောင့်
သူကစိုးရိမ်နေခြင်းဖြစ်သည်။ ထို့အပြင် သူက
သူတို့ကြားမှာ အကွာအဝေးတစ်ခုရည်ရွယ်ချက်ရှိရှိ ထားထားပုံပေါ်သည်။ သူအရှိန်တင်လိုက်သည့်အချိန်
တိုင်း လင်းရှောင်က ချက်ချင်းဝေးဝေးသွား၏။
YOU ARE READING
The Legendary Master's Wife [မြန်မာဘာသာပြန်]
AdventureOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
Chapter-409
Start from the beginning
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)